एज्रा 8:31 - नेवाः बाइबल

³¹ न्‍हापांगु लाया झिंनिन्‍हु खुन्‍हु यरूशलेमय् वनेत जिपिं अहावा खुसिं न्‍ह्यावना। जिमि परमेश्‍वर जिपिंलिसें दी अले वय्‌कलं यात्राय् शत्रुत व दाखुँतपाखें बचय् यानादिल।

एज्रा 8:31 ပူးပေါင်းရင်းမြစ်များ

एज्रा 7:28

अले जुजु, वयात सल्‍लाहबीपिं व जुजुया ततःधंपिं भारदारतय्‌त जितः सदां दइगु दयामाया याइपिं दय्‌कादिल। उकिं परमप्रभु जिमि परमेश्‍वरयागु ल्‍हाः जिके दु धकाः सीकाः जिं साहस याना, अले जिनापं यरूशलेमय् थाहां वनेत इस्राएलयापिं नायःत मुंका।

एज्रा 7:9

न्‍हापांगु लाया न्‍हापांगु न्‍हिखुन्‍हु व बेबिलोनं पिहां वःगु खः। अले परमेश्‍वरया ग्‍वाहालिं न्‍यागूगु लाया न्‍हापांगु दिंखुन्‍हु यरूशलेमय् थ्‍यंकः वल।

एज्रा 8:15

जिं थुपिं फुक्‍कसित अहावापाखे न्‍ह्याइगु खुसिया सिथय् मुंका, अले जिपिं स्‍वन्‍हु तक पाल ग्‍वयाः अन च्‍वना। जिं अन पुजाहारीत व फुक्‍क मनूतय्‌त ध्‍यान बियाः स्‍वयाबलय् छम्‍ह नं लेवी मखना।

यशैया 66:14

छिमिसं थ्‍व खनी अले छिमिगु नुगः तसकं लय्‌ताइ अले छिपिं घाँय् थें च्‍वन्‍ह्याइ। परमप्रभुया ल्‍हाः थः दासतपाखे न्‍ह्यज्‍याकूगु, वय्‌कःया तं धाःसा शत्रुतपाखे न्‍ह्यानाच्‍वंगु खंके बियादी।

प्रेरित 25:3

पावलयात लँय् दथुइ हे स्‍यायेगु मतिइ तयाः इमिसं वयात यरूशलेमय् छ्वयाहयादिसँ धकाः फेस्‍तसयात बिन्‍ति यात।

प्रेरित 26:22

अय्‌नं थौं तक परमेश्‍वरं जितः ग्‍वाहालि यानादीगु हे दु। अय्‌जूगुलिं जिं थन दनाः चिधंपिं, तःधंपिं, सकसितं साक्षी बियाच्‍वनागु दु। अगमवक्तां व मोशां जुइतिनि धकाः धाःगु खँ जक जिं कनाच्‍वनागु खः, मेगु छुं नं मधया।