एज्रा 8:22 - नेवाः बाइबल

²² जिं जुजुयात, “जिमि परमेश्‍वरं वय्‌कःयाके भलसा तइपिं सकसितं सुवाः बियादी अले वय्‌कःयात त्‍वःतूपिं मनूतय्‌के वय्‌कःया तं दयाच्‍वनी” धकाः धाये धुंकूगु जुयाः आः जिमित लँय् शत्रुतपाखें रक्षा यायेत जुजुयाके सलगइपिं सिपाइँत फ्‍वनेत जि मछाल।

एज्रा 8:22 ပူးပေါင်းရင်းမြစ်များ

१ इतिहास 28:9

“हे जिमि काय् सोलोमन, छं थः बौया परमेश्‍वरयात म्‍हसीकि, अले तनमनं वय्‌कःया सेवा या। वय्‌कलं झीगु फुक्‍क बिचाः व इच्‍छा स्‍यू। वय्‌कःयात माल धाःसा छं वय्‌कःयात नापलाकी, तर छं वय्‌कःयात त्‍वःतल धाःसा वय्‌कलं छन्‍त न्‍ह्याबलेंया लागि त्‍वःतादी।

२ इतिहास 15:2

अले व आसा जुजुयात नापलाः वन। वं आसायात थथे धाल, “अय् आसा, अय् यहूदा व बेन्‍यामीनयापिं सकलें मनूत! छिपिं परमप्रभुनापं दतले वय्‌कः नं छिपिंनाप दइ। छिमिसं वय्‌कःयात माल धाःसा छिमिसं वय्‌कःयात लुइकी। छिमिसं वय्‌कःयात त्‍वःतल धाःसा वय्‌कलं नं छिमित त्‍वःतादी।

२ इतिहास 16:9

छाय्‌धाःसा गुम्‍हय्‌सिगु नुगः परमप्रभुया निंतिं विश्‍वास यायेबहः जू, इमिगु निंतिं थःत बल्‍लाःम्‍ह क्‍यनेत वय्‌कलं थःगु मिखा पृथ्‍वीया फुक्‍क थासय् थुखे उखे ब्‍वय्‌का च्‍वनादी। थुकी छिं मूर्ख ज्‍या यानादिल। उकिं आवंलि छिगु निंतिं लडाइँ हे लडाइँ जुइ।”

एज्रा 7:28

अले जुजु, वयात सल्‍लाहबीपिं व जुजुया ततःधंपिं भारदारतय्‌त जितः सदां दइगु दयामाया याइपिं दय्‌कादिल। उकिं परमप्रभु जिमि परमेश्‍वरयागु ल्‍हाः जिके दु धकाः सीकाः जिं साहस याना, अले जिनापं यरूशलेमय् थाहां वनेत इस्राएलयापिं नायःत मुंका।

एज्रा 7:6

एज्रा परमप्रभु इस्राएलयाम्‍ह परमेश्‍वरं मोशायात ब्‍यूगु व्‍यवस्‍था बांलाक स्‍यनेसःम्‍ह शास्‍त्री खः। वयात परमप्रभु परमेश्‍वरया सुवाः दुगुलिं वं फ्‍वंगु फुक्‍क खँ जुजुं वयात बिल। थथे जूगुलिं एज्रा बेबिलोनं यरूशलेमय् वल।

एज्रा 7:9

न्‍हापांगु लाया न्‍हापांगु न्‍हिखुन्‍हु व बेबिलोनं पिहां वःगु खः। अले परमेश्‍वरया ग्‍वाहालिं न्‍यागूगु लाया न्‍हापांगु दिंखुन्‍हु यरूशलेमय् थ्‍यंकः वल।

एज्रा 8:31

न्‍हापांगु लाया झिंनिन्‍हु खुन्‍हु यरूशलेमय् वनेत जिपिं अहावा खुसिं न्‍ह्यावना। जिमि परमेश्‍वर जिपिंलिसें दी अले वय्‌कलं यात्राय् शत्रुत व दाखुँतपाखें बचय् यानादिल।

नहेम्‍याह 2:9

जि यूफ्रेटिस पच्‍छिमयापिं राज्‍यपालतय्‌थाय् वनाः इमित जुजुयागु पौ बिया। जुजुं जिनापं सिपाइँतय् कप्‍तानत व सलगइपिं सिपाइँत नं छ्वःगु खः।

भजनसंग्रहया सफू 20:8

इपिं लुफिं हानाः क्‍वदली तर झी बल्‍लानाः धस्‍वानाच्‍वनी।

भजनसंग्रहया सफू 34:22

परमप्रभुं थः दासतय्‌त बचय् यानादी। वय्‌कःयागु शरणय् वइपिं दोषी ठहरय् जुइ मखु।

भजनसंग्रहया सफू 90:11

छिगु तंया शक्ति सुनां सीके फु? छिगु तं नं छिगु भय कायेगु ति हे तःधं धकाः सुनां स्‍यू?

विलाप 3:25

परमप्रभुया लँपु स्‍वइपिं व वय्‌कःयात मालीपिं सकसिगु लागिं परमप्रभु भिंम्‍ह खः।

रोमी 8:28

परमेश्‍वरयात माया याइपिं, अले वय्‌कलं थःगु इच्‍छा पूवंकेत ल्‍ययातःपिन्‍त दक्‍व ज्‍या मिलय् यानाः भिं जुइकथं हे वय्‌कलं ज्‍या यानादी धकाः झीसं स्‍यू।

१ कोरिन्‍थी 9:15

अय्‌सां जिं थथे काये ज्‍यूगु, काये दुगु छुं हे कयागु मदु। अले हानं अथे कायेत नं जिं थ्‍व खँ च्‍वयाच्‍वनागु मखु। थथे याये सिबें ला सिनावनेगु हे भिं जू। सुनानं जिगु थ्‍व घमण्‍डयात फुस्‍कुलुगु धकाः धाये फइ मखु।

२ कोरिन्‍थी 7:14

छिमिगु खँ जिं वयात फुइँ यानाः धया। जिं वयात फुइँ यानाः धया थें छिमिसं यानाक्‍यन। जिमिसं छिमित न्‍ह्याबलें सत्‍य खँ धयाच्‍वनागु दु। अथे हे तीतसयात जिमिसं धयागु खँ नं सत्‍य जुल।

हिब्रू 10:38

जिम्‍ह धर्मी मनू धाःसा विश्‍वासं हे म्‍वाइ। सुनानं जितः त्‍वःतावन धाःसा जिं वयात यय्‌के मखु।”

यहोशू 22:16

“परमप्रभुया फुक्‍क खलकं थथे धाःगु दु, ‘छिमिसं थथे छाय् परमेश्‍वरयात ध्‍वंलानागु? थौं छिमिसं गय् यानाः परमप्रभुया विरोधय् विद्रोही जुयाः वय्‌कःयात त्‍वःताः थःगु लागि वेदी दय्‌केफुगु?

यहोशू 23:16

परमप्रभु छिमि परमेश्‍वरं छिपिंलिसें चिनादीगु बाचा छिमिसं मानय् मयात धाःसा अले मेपिं द्यःतय्‌गु सेवा व पुजायात धाःसा वय्‌कलं थःगु तम्‍वय् छिमित सजाँय बियादी। अले वय्‌कलं छिमित बियादीगु थ्‍व भिंगु देशं छिपिं याकनं नाश जुयावनी।”

१ पत्रुस 3:12

भिंगु ज्‍या याइपिन्‍त परमप्रभुं स्‍वयाच्‍वंगु दु, अले इमिगु प्रार्थना न्‍यनेत वय्‌कलं न्‍हाय्‌पं बियाच्‍वंगु दु, मभिंगु ज्‍या याइपिनिपाखें धाःसा वय्‌कः फस्‍वयादी।”