एज्रा 7:9 - नेवाः बाइबल

⁹ न्‍हापांगु लाया न्‍हापांगु न्‍हिखुन्‍हु व बेबिलोनं पिहां वःगु खः। अले परमेश्‍वरया ग्‍वाहालिं न्‍यागूगु लाया न्‍हापांगु दिंखुन्‍हु यरूशलेमय् थ्‍यंकः वल।

एज्रा 7:9 ပူးပေါင်းရင်းမြစ်များ

एज्रा 7:28

अले जुजु, वयात सल्‍लाहबीपिं व जुजुया ततःधंपिं भारदारतय्‌त जितः सदां दइगु दयामाया याइपिं दय्‌कादिल। उकिं परमप्रभु जिमि परमेश्‍वरयागु ल्‍हाः जिके दु धकाः सीकाः जिं साहस याना, अले जिनापं यरूशलेमय् थाहां वनेत इस्राएलयापिं नायःत मुंका।

एज्रा 7:6

एज्रा परमप्रभु इस्राएलयाम्‍ह परमेश्‍वरं मोशायात ब्‍यूगु व्‍यवस्‍था बांलाक स्‍यनेसःम्‍ह शास्‍त्री खः। वयात परमप्रभु परमेश्‍वरया सुवाः दुगुलिं वं फ्‍वंगु फुक्‍क खँ जुजुं वयात बिल। थथे जूगुलिं एज्रा बेबिलोनं यरूशलेमय् वल।

एज्रा 7:8

व हे जुजुया न्‍हय्‌गूगु दँया न्‍यागूगु लाय् एज्रा यरूशलेमय् थ्‍यंकः वल।

एज्रा 8:18

झी परमेश्‍वरयागु दया मायां इमिसं जिमिथाय् इस्राएलया काय् लेवीया सन्‍तान महली परिवारयाम्‍ह सःस्‍यूम्‍ह छम्‍ह लेवी शरेबियाह, वया काय्‌पिं व दाजुकिजापिं नाप फुक्‍कं यानाः झिंच्‍याम्‍ह मिजंतय्‌त छ्वयाहल।

एज्रा 8:22

जिं जुजुयात, “जिमि परमेश्‍वरं वय्‌कःयाके भलसा तइपिं सकसितं सुवाः बियादी अले वय्‌कःयात त्‍वःतूपिं मनूतय्‌के वय्‌कःया तं दयाच्‍वनी” धकाः धाये धुंकूगु जुयाः आः जिमित लँय् शत्रुतपाखें रक्षा यायेत जुजुयाके सलगइपिं सिपाइँत फ्‍वनेत जि मछाल।

एज्रा 8:31

न्‍हापांगु लाया झिंनिन्‍हु खुन्‍हु यरूशलेमय् वनेत जिपिं अहावा खुसिं न्‍ह्यावना। जिमि परमेश्‍वर जिपिंलिसें दी अले वय्‌कलं यात्राय् शत्रुत व दाखुँतपाखें बचय् यानादिल।

एज्रा 8:32

यरूशलेमय् थ्‍यने धुंकाः स्‍वन्‍हु तक जिमिसं आराम कया।

नहेम्‍याह 2:18

जिं इमित जिमि परमेश्‍वरया दया दुगु ल्‍हाः जिके दुगुया बारे व जुजुं जितः छु छु धयादीगु खः व फुक्‍क खँ कना। इमिसं थथे लिसः बिल, “झीसं हाकनं शहर व पखाः दय्‌केगु ज्‍या शुरु यायेनु।” थुकथं इमिसं थ्‍व भिंगु ज्‍या शुरु यात।

नहेम्‍याह 2:8

अले देगःया रक्षाया निंतिं दय्‌कूगु किल्‍लाया ध्‍वाखा दय्‌केत, शहरया पखाः दय्‌केत व जि च्‍वनेगु छेँ दय्‌केत माःगु सिँ बीत सरकारी गुँया पिवाः आसापया निंतिं नं उजं पौ बियादिसँ।” जिमि परमेश्‍वरया दया दुगु ल्‍हाः जिके दुगुलिं जिं फ्‍वनागु फुक्‍क खँ जुजुं बिल।

भजनसंग्रहया सफू 80:18

उकिं यानाः जिमिसं छितः गुबलें हे त्‍वःते मखु। जिमित न्‍हूगु जीवन बियादिसँ, जिमिसं छिगु नां काये।

यशैया 66:14

छिमिसं थ्‍व खनी अले छिमिगु नुगः तसकं लय्‌ताइ अले छिपिं घाँय् थें च्‍वन्‍ह्याइ। परमप्रभुया ल्‍हाः थः दासतपाखे न्‍ह्यज्‍याकूगु, वय्‌कःया तं धाःसा शत्रुतपाखे न्‍ह्यानाच्‍वंगु खंके बियादी।