एज्रा 7:5 - नेवाः बाइबल

⁵ बुक्‍की अबीशूया काय् खः। अबीशू पीनहासया काय् खः। पीनहास एलाजारया काय् खः। एलाजार दकलय् तःधंम्‍ह पुजाहारी हारूनया काय् खः।

एज्रा 7:5 ပူးပေါင်းရင်းမြစ်များ

१ इतिहास 6:4

एलाजार पीनहासया बाः खः। पीनहास अबीशूया बाः खः।

२ इतिहास 19:11

“परमप्रभुनापं स्‍वापु दुगु फुक्‍क मुद्दाय् दकलय् तःधंम्‍ह पुजाहारी अजर्याह छिमि अधिकारी जुइ। अले जुजुनापं स्‍वापु दुगु छुं नं खँय् यहूदाया कुलनायः इश्‍माएलया काय् जबदियाह अधिकारी जुइ। लेवीतय्‌सं नं छिमिगु न्‍ह्यःने हाकिम जुयाः सेवा याइ। साहसी जुयाः ज्‍या या, भिं याइपिंनापं परमप्रभु दयेमा।”

२ इतिहास 26:20

दकलय् तःधंम्‍ह पुजाहारी अजर्याह व मेपिं पुजाहारीतय्‌सं छक्‍क जुयाः जुजुयाः कपालय् त्‍वालां स्‍वयाच्‍वन, अले वयात देगलं पिहां वनेत करं काकल। व हथाय् चाचां पिहां वन, छाय्‌धाःसा परमप्रभुं वयात सजाँय बियादीगु दु।

एज्रा 7:4

मरायोत जरयाहया काय् खः। जरयाह उज्‍जीया काय् खः। उज्‍जी बुक्‍कीया काय् खः।

एज्रा 7:6

एज्रा परमप्रभु इस्राएलयाम्‍ह परमेश्‍वरं मोशायात ब्‍यूगु व्‍यवस्‍था बांलाक स्‍यनेसःम्‍ह शास्‍त्री खः। वयात परमप्रभु परमेश्‍वरया सुवाः दुगुलिं वं फ्‍वंगु फुक्‍क खँ जुजुं वयात बिल। थथे जूगुलिं एज्रा बेबिलोनं यरूशलेमय् वल।

प्रस्‍थान 6:25

हारूनया काय् एलाजारं पतीएलया छम्‍ह म्‍ह्याय्‌नापं ब्‍याहा यात, अले वं वयापाखें पीनहासयात बुइकल। लेवीतय्‌गु पुर्खाया कुलयापिं मू मनूत थुपिं हे खः।

लेवी 10:12

मोशां हारून व वया ल्‍यंदुपिं काय्‌पिं एलाजार व ईतामारयात धाल, “परमप्रभुयात विशेष देछा छाये धुंकाः ल्‍यं दुगु अन्‍नबलि यंकाः वेदी लिक्‍क सोडा ल्‍वाकमछ्यासे दय्‌काः न, छाय्‌धाःसा थ्‍व तसकं पवित्र जू।

लेवी 10:16

मोशां पापबलिया बारे न्‍यंनेकने याःबलय् छ्वय्‌के धुंकूगु सीकल। अले व हारूनया ल्‍यंदुपिं काय्‌पिं एलाजार व ईतामारलिसे तंम्‍वल। अले वं इमित धाल,

लेवी 10:6

अले मोशां हारून व वया काय्‌पिं एलाजार व ईतामारयात धाल, “छिमिसं थःपिनिगु सँ भुलुसुलु दंका तये मते, अले लं खुइ मते। मखुसा छिपिं सी, अले फुक्‍क मनूतलिसे परमप्रभु तंम्‍वयादी। छिमि थःथितिपिं इस्राएलया फुक्‍क मनूत धाःसा परमप्रभुया मिं सीपिनिगु निंतिं ख्‍वयेमाली।

गन्‍ती 27:2

इपिं वयाः नापलायेगु पालया ध्‍वाखाय् मोशा, एलाजार पुजाहारी, नायःत व फुक्‍क खलःया न्‍ह्यःने दनाः थथे धाल,

गन्‍ती 3:32

हारून पुजाहारीया काय् एलाजार लेवी कुलया मू नायः खः। पवित्र पालया जिम्‍मा कयातःपिं फुक्‍क मनूतय्‌त स्‍वयेत वयात ल्‍यःगु खः।

गन्‍ती 31:31

परमप्रभुं मोशायात बियादीगु उजं थें मोशा व एलाजार पुजाहारीं यात।

गन्‍ती 31:54

मोशा व पुजाहारी एलाजारं द्वःछिम्‍ह व सछिम्‍ह सिपाइँतय्‌ कप्‍तानतपाखें लुँ कयाः परमप्रभुया न्‍ह्यःने इस्राएलीतय्‌गु निंतिं लुमन्‍ति जुइत नापलायेगु पाल दुने हल।

गन्‍ती 31:6

मोशां छगू छगू कुलं द्वःछिम्‍ह द्वःछिम्‍ह मनूतय्‌त लडाइँलय् छ्वत। एलाजार पुजाहारीया काय् पीनहास इमि नायः जुल। मोशां पीनहासयात पवित्र लागाया सामान व लडाइँ घोषणा याइगु तुरहीतय्‌गु जिम्‍मा बिल।

हिब्रू 5:4

सुं मनू थथःम्‍हं दकलय् तःधंम्‍ह पुजाहारी जुइ मखु। हारूनयात परमेश्‍वरं दकलय् तःधंम्‍ह पुजाहारी यानादी थें तुं मेपिन्‍त नं वय्‌कलं हे दकलय् तःधंम्‍ह पुजाहारी ल्‍ययादी।

यहोशू 14:1

एलाजार पुजाहारी, नूनया काय् यहोशू व इस्राएलया कुलनायःतय्‌सं इस्राएलीतय्‌त सर्बयकथं इनाब्‍यूगु कनान देशयागु इलाका थथे दु।

यहोशू 22:13

अले इस्राएलीतय्‌सं गिलाद देशय् रूबेनी, गादी व मनश्‍शेया बच्‍छि कुलयाथाय् पुजाहारी एलाजारया काय् पीनहासयात छ्वल।

यहोशू 22:31

अले पुजाहारी एलाजारया काय् पीनहासं इमित धाल, “परमप्रभु झीपिंलिसें दी धकाः थौं जिमिसं सिल, छाय्‌धाःसा थ्‍व खँय् छिमिसं परमप्रभुयात ध्‍वंलाःगु मदु। आः धाःसा छिमिसं इस्राएलीतय्‌त परमप्रभुया ल्‍हातं बचय् याःगु दु।”

यहोशू 24:33

हारूनया काय् एलाजार नं सित। व शहर एफ्राइमया पहाडी देशय् वया काय् पीनहासयात ब्‍यूगु खः। अले वयात गिबाय् थुनाबिल।

न्‍यायकर्ता 20:28

अबलय् हारूनया छय्‌ व एलाजारया काय् पीनहास पुजाहारी खः। इमिसं न्‍यन, “जिपिं जिमि दाजुकिजा बेन्‍यामीनीतलिसें हाकनं लडाइँ याः वनेमाः कि म्‍वाः?” परमप्रभुं लिसः बियादिल, “इमित हमला या! कन्‍हय् जिं इमित छिमिगु ल्‍हातय् बी।”