एज्रा 7:26 - नेवाः बाइबल

²⁶ छिमि परमेश्‍वरयागु व्‍यवस्‍था व जुजुयागु कानून पालन मयाइपिं न्‍ह्याम्‍ह हे जूसां वयात स्‍यानाछ्वयाः वा देशं पितिनाछ्वयाः वा धन-सम्‍पत्ति जफत यानाः वा कुनाः सजाँय बीमाः।”

एज्रा 7:26 ပူးပေါင်းရင်းမြစ်များ

२ इतिहास 30:12

जुजु व वया भारदारतय्‌सं परमप्रभुया वचनकथं ब्‍यूगु आज्ञा मानय् यायेत परमेश्‍वरया ल्‍हातं यहूदाया मनूतय्‌त छगू हे मन बियादिल।

एज्रा 10:4

छि दनादिसँ, छाय्‌धाःसा थ्‍व खँ छिगु हे ल्‍हातय् दु, जिपिं छिनापं दु, मग्‍यासे थ्‍व ज्‍या यानादिसँ।”

एज्रा 10:8

स्‍वन्‍हुया दुने सुं वइ मखु हाकिमत व न्‍याय याइपिनिगु फैसला कथं वयागु फुक्‍क धन-सम्‍पत्ति जफत जुइ, अले वं थःम्‍हं थःत बेबिलोनं लिहां वःपिनिगु सभां पितिनाछ्वइ धकाः नं नायःतय्‌सं आज्ञा बिल।

एज्रा 6:11

“उलि जक मखु सुनां थ्‍व आज्ञा पालन याइ मखु वयागु छेँयागु थां लिकयाः वयात उकिं हे सुया यख्‍खानाब्‍यु धकाः जिं आज्ञा बी। थ्‍व अपराधया निंतिं वयागु छेँयात थुनाः द्वँ दय्‌काब्‍यु।

एज्रा 6:12

यरूशलेमया देगःयात नाश यायेत वा थ्‍व आज्ञायात हीकेत सुं नं जुजुं वा जातिं ल्‍हाः ल्‍ह्वन धाःसा थःगु नांयात अन थापं यानादीम्‍ह परमेश्‍वरं हे इमित नाश यानादीमाः। “जि दारां थ्‍व आज्ञा पिकयागु दु। थुकियात बांलाक मानय् यायेमाः।”

भजनसंग्रहया सफू 52:5

छन्‍हु छन्‍त ज्‍वनाः परमेश्‍वरं सदांया निंतिं नाश यानादी, वय्‌कलं छन्‍त छंगु छेँनं पित हयादी। अले म्‍वाःपिनिगु थासं छन्‍त हानापं ल्‍यहें थनाः वान्‍छ्वयादी। सेला

दानिएल 6:26

जिगु हुकुम थ्‍व हे खः। जिगु देशया अधिकार दुगु फुक्‍क थासय्‌यापिं मनूतय्‌सं दानिएलया परमेश्‍वरयागु भय कायेमाः अले वय्‌कःयात हनाबना यायेमाः। “छाय्‌धाःसा वय्‌कः म्‍वाःम्‍ह खः। वय्‌कः न्‍ह्याबलें दयाच्‍वनी। वय्‌कःया राज्‍य गुबलें स्‍यनावनी मखु। अले वय्‌कलं न्‍ह्याबलें राज्‍य यानादी।

व्‍यवस्‍था 27:26

“थ्‍व व्‍यवस्‍थाया नियमयात स्‍वीकार मयाःम्‍ह व मानय् मयाःम्‍ह मनूयात सराः लायेमाः।” अले फुक्‍कसिनं “आमेन” धायेमाः।