एज्रा 7:25 - नेवाः बाइबल

²⁵ “छ एज्रां धाःसा छंके दुगु छिमि परमेश्‍वरयागु बुद्धिकथं यूफ्रेटिसया पच्‍छिमयागु प्रान्‍तयापिं छिमि परमेश्‍वरयागु व्‍यवस्‍था पालन यानाः न्‍याय याइपिं मनूत व हाकिमत ल्‍य। व्‍यवस्‍था मस्‍यूपिन्‍त धाःसा छं स्‍यँ।

एज्रा 7:25 ပူးပေါင်းရင်းမြစ်များ

उत्‍पत्ति 41:38

वय्‌कलं इमित धाल, “थ्‍व थें ज्‍याःम्‍ह परमेश्‍वरया आत्‍मा दुम्‍ह मनू झीसं गनं लुइके फइ ला?”

उत्‍पत्ति 41:39

अले फारों योसेफयात धाल, “परमेश्‍वरं छन्‍त फुक्‍क खँ क्‍यनादीगु दु। छ थें ज्‍याःम्‍ह ज्ञां दुम्‍ह व सःस्‍यूम्‍ह मनू सु दइ?

१ राजा 3:28

जुजुं याःगु थ्‍व फैसला इस्राएल देशयापिं फुक्‍क मनूतय्‌सं सिल। अले इमिसं थः जुजुया भय काल। इमिसं वयाके न्‍याय यायेत परमेश्‍वरयागु बुद्धि दु धइगु खँ सीकल।

२ राजा 17:27

अले अश्‍शूरयाम्‍ह जुजुं थ्‍व उजं बिल, “छिमिसं सामरियां ज्‍वनायंकूपिं पुजाहारीत मध्‍ये छम्‍हसित अन छ्वयाब्‍यु, वयात अन हे ति, वयात उगु देशया द्यःयागु नियम मनूतय्‌त स्‍यनेमा।”

१ इतिहास 22:12

परमप्रभुं छन्‍त इस्राएलया अधिकार बियादीबलय् छं परमप्रभु छिमि परमेश्‍वरयागु व्‍यवस्‍था पालन यायेत वय्‌कलं छन्‍त बुद्धि व ज्ञान बियादीमा।

१ इतिहास 23:4

जुजुं नीइप्‍यद्वःम्‍ह मनूतय्‌त देगःया ज्‍या स्‍वयेत, खुद्वःयात हाकिम व न्‍याय यायेत,

एज्रा 10:4

छि दनादिसँ, छाय्‌धाःसा थ्‍व खँ छिगु हे ल्‍हातय् दु, जिपिं छिनापं दु, मग्‍यासे थ्‍व ज्‍या यानादिसँ।”

एज्रा 6:6

उकिं आः पच्‍छिम यूफ्रेटिसयाम्‍ह राज्‍यपाल तत्तनै, शत्तर-बोज्‍नै व प्रान्‍तय् दुपिं छिपिंनापं ज्‍या याइपिं मनूत व देगलं तापाक च्‍वँ।

एज्रा 7:10

छाय्‌धाःसा एज्रां थःत परमप्रभुयागु व्‍यवस्‍था ब्‍वनेत व पालन यायेत अले थुकियागु विधि व नियम इस्राएलय् स्‍यनेत देछाःगु खः।

एज्रा 7:14

एज्रा, जि व जिमि न्‍हय्‌म्‍ह सल्‍लाह बीपिन्‍सं छन्‍त यहूदा व यरूशलेमय् छ्वयाच्‍वनागु दु। छं अन छिमित पालन यायेत ब्‍यूगु परमेश्‍वरयागु व्‍यवस्‍था बांलाक मानय् याःगु दु कि मदु? अले अनयागु हालत गय् गथे च्‍वं व स्‍व।

नहेम्‍याह 9:3

स्‍वघौ तक परमप्रभु थः परमेश्‍वरया व्‍यवस्‍था सफू इमित ब्‍वनाः न्‍यंकल। अनंलि मेगु स्‍वघौ तक इमिसं थःगु पाप मानय् यायां परमप्रभु थः परमेश्‍वरया आराधना यानाच्‍वन।

भजनसंग्रहया सफू 19:7

परमप्रभुया स्‍यनातःगु खँ पक्‍का खः, थुकिं झीत न्‍हूगु बल बी। वय्‌कःयागु नियम विश्‍वास यायेबहः जू, थुकिं छुं मस्‍यूपिन्‍त ज्ञां बी।

हितोपदेश 2:6

छाय्‌धाःसा परमप्रभुं हे बुद्धि बियादी। अले वय्‌कःया म्‍हुतुं ज्ञान व दुग्‍यांया खँ पिहां वइ।

हितोपदेश 6:23

छाय्‌धाःसा इमिगु उजं मत खः, इमिगु न्‍वानाखँ जः खः, इमिसं ब्‍वःबियाः छं थःगु जीवन सुथां लाके फइ।

मलाकी 2:7

“पुजाहारीया म्‍हुतुसिं ज्ञानया रक्षा यायेमाः। मनूतय्‌सं वयागु म्‍हुतुं व्‍यवस्‍था मालेमाः। इपिं दक्‍व शक्ति दुम्‍ह परमप्रभुया दूत खः।

मत्ती 13:52

वय्‌कलं हानं धयादिल – “व्‍यवस्‍था स्‍यनीपिं व थुइकीपिं शास्‍त्रीत स्‍वर्गयागु राज्‍यय् चेला जूवल धाःसा इपिं छेँ थुवाः थें जुइ। छेँ थुवालं थःगु धुकुतिं न्‍हूगु व पुलांगु न्‍ह्यागुं लिकाये फइ।”

मर्कूस 6:34

वय्‌कः नांचां कुहां झाःबलय् यक्‍व मनूत मुनाच्‍वंगु खनाः वय्‌कःयात तसकं माया वन, छाय्‌धाःसा इपिं जवाः मदुपिं फैचात थें च्‍वं। अले वय्‌कलं इमित तःता खँय् स्‍यनेकने यानादिल।

व्‍यवस्‍था 16:18

परमप्रभु छिमि परमेश्‍वरं बियादीगु छिमिगु फुक्‍क शहरय् थथःगु कुलकथं न्‍याय याइपिं व मेपिं हाकिमत ल्‍य। इमिसं मनूतय्‌गु न्‍याय खःकथं यायेमाः।

कलस्‍सी 1:28

उकिं जिमिसं फुक्‍कसितं ख्रीष्‍टयागु खँ न्‍यंका जुयागु खः। फुक्‍कसितं ख्रीष्‍टयात क्‍वात्तुक विश्‍वास याकाः परमेश्‍वरया न्‍ह्यःने यंकेत जिमिसं ख्‍याच्‍वः बिया अले स्‍यनेकने यानाः वयाच्‍वनागु दु।

याकूब 1:5

छिपिं सुयातं बुद्धि माःसा परमेश्‍वरयाके फ्‍वँ, अले वय्‌कलं वयात माक्‍व बुद्धि बियादी। वय्‌कलं फुक्‍कसित माक्‍व बुद्धि बियादी, छाय्‌धाःसा वय्‌कः सुयातं छुं बीत नुगः मस्‍याः।