एज्रा 7:23 - नेवाः बाइबल

²³ स्‍वर्गयाम्‍ह परमेश्‍वरयात वय्‌कःया देगःया निंतिं माःगु फुक्‍क छिमिसं बांलाक ब्‍यु। मखुसा जि व जिमि काय्‌पिन्‍के परमेश्‍वरया तं लाइ।

एज्रा 7:23 ပူးပေါင်းရင်းမြစ်များ

एज्रा 7:13

जिगु साम्राज्‍य दुने च्‍वंपिं सुं नं मनू, पुजाहारी व लेवी यरूशलेमय् वने न्‍ह्याःसा छनापं वने फु धकाः जिं आज्ञा बी।

एज्रा 7:18

ल्‍यं दुगु वहः व लुँ छ व छिमि यहूदी दाजुकिजापिन्‍सं थःगु इच्‍छा कथं छ्यले फु अय्‌नं व परमेश्‍वरया इच्‍छा कथं जुइमाः।

एज्रा 7:22

वहः ३,४०० किलोग्राम तक, छ्व १०,००० किलोग्राम तक, दाखमद्य २,००० लिटर तक, जैतूनया चिकं २,००० लिटर तक अले माक्‍व चि वयात ब्‍यु।

भजनसंग्रहया सफू 119:4

छिं जिमित छिगु उपदेश बांलाक पालन यायेमाः धकाः उजं बियादीगु दु।

प्रस्‍थान 5:3

अले मोशा व हारूनं धाल, “हिब्रूतय् परमेश्‍वरं जिमित नापलानादीगु दु। उकिं जिमि परमप्रभु परमेश्‍वरया निंतिं बां बीत स्‍वन्‍हु मरुभूमिया लँपुइ वनेबियादिसँ। मखुसा वय्‌कलं ल्‍वय् व ल्‍वापु छ्वयाहयाः जिमित स्‍यानादी।”

यर्मिया 29:7

जिं छिमित ज्‍वंकाः गुगु शहरय् छ्वयागु खः, उगु शहरया भिं जूगु यय्‌की, अले उकिया लागि परमप्रभुयात प्रार्थना या। छाय्‌धाःसा व च्‍वन्‍ह्यासा छिपिं नं च्‍वन्‍ह्याइ।”

जकरिया 12:3

उखुन्‍हु हे पृथ्‍वीया फुक्‍क जातित यरूशलेमलिसे ल्‍वायेत मुनी। सकल मनूतय्‌त ल्‍ह्वनेत जिं यरूशलेमयात छगः ल्‍वहं दय्‌काबी। सुनां थुकियात ल्‍ह्वनी वं थःत घाःपा याइ।