एज्रा 7:16 - नेवाः बाइबल

¹⁶ छिमिसं फुक्‍क बेबिलोन प्रान्‍तय् मुनेत्‍यंगु लुँ व वहः अले मनूतय्‌सं व पुजाहारीतय्‌सं यरूशलेमय् इमि परमेश्‍वरया देगःया निंतिं थःगु इच्‍छां देछाःगु नं छं यंकि।

एज्रा 7:16 ပူးပေါင်းရင်းမြစ်များ

१ इतिहास 29:17

हे जिमि परमेश्‍वर, छिं छम्‍ह छम्‍हय्‌सिगु मन स्‍वयादी धकाः जिं स्‍यू, विश्‍वास बहःम्‍ह मनूत खनाः छि लय्‌तायादी। थुपिं फुक्‍क जिं विश्‍वास बहःम्‍ह जुयाः दुनुगलंनिसें थःगु इच्‍छां बियागु दु। थन मूंपिं छि मनूत छिथाय् थःगु देछा हःबलय् लय्‌ताः, व जिं खनागु दु।

१ इतिहास 29:6

अले परिवार परिवारयापिं नायःत, इस्राएलया कुल कुलयापिं हाकिमत, द्वःछिम्‍ह व सछिम्‍ह सिपाइँतय् कप्‍तानत, अले जुजुया सम्‍पत्ति स्‍वइपिं हाकिमतय्‌सं

१ इतिहास 29:9

नायःतय्‌सं उपिं सामान थथःगु इच्‍छां परमप्रभुयात ब्‍यूगु खः। इमिसं दुनुगलंनिसें परमप्रभुयात ब्‍यूगु खः। नायःतय्‌सं अथे देछा ब्‍यूगुलिं मनूत तसकं लय्‌ताल। दाऊद जुजु नं तसकं लय्‌ताल।

२ इतिहास 31:14

परमप्रभुयात छाय्‌हःगु भेटी शुद्धयागु देछा इनाबीत परमेश्‍वरया निंतिं हःगु थःयसें देछा लेवी यिम्‍नाया काय् पुर्बया लुखाया पालय् कोरेया जिम्‍माय् खः।

२ इतिहास 6:2

आः छि न्‍ह्याबलें च्‍वनादीत जिं छगः तःजिगु देगः दय्‌कागु दु।”

२ इतिहास 6:5

‘जिमि मनूतय्‌त मिश्रं पित हयागु दिनंनिसें आः तक जिं जिगु आराधना यायेत इस्राएल देशय् गन नं देगः दय्‌केत थाय् ल्‍ययागु मदुनि। जिमि मनूत इस्राएलीतय् नायः जुइत जिं सुयातं नं मल्‍यया।

२ इतिहास 6:6

तर आः जिं यरूशलेमयात जिगु आराधना यायेगुथाय् व दाऊदयात जिमि मनूतय्‌त शासन यायेत ल्‍ययागु दु।’

एज्रा 1:4

ल्‍यंदुपिं यहूदीत गन गन च्‍वनाच्‍वंगु दु, उगु थाय्‌यापिं इमि जःलाखःलातय्‌सं लिहां वनीपिन्‍त वहः, लुँ, लँय् माःगु सामान व पशुत, अले यरूशलेमय् च्‍वंगु परमेश्‍वरया देगःया निंतिं थथःगु इच्‍छां देछा नं बीमाः।’”

एज्रा 1:6

इमि सकल जःलाखःलातय्‌सं थःगु इच्‍छां ब्‍यूगु देछानापं इमित वहःयागु थल, लुँ, लँय् माःगु सामान, पशु व थिकेथिकेगु मालताल बियाः ग्‍वाहालि बिल।

भजनसंग्रहया सफू 135:21

यरूशलेमय् च्‍वनादीम्‍ह परमप्रभुयात सियोनय् प्रशंसा या! हल्‍लेलूयाह!

२ कोरिन्‍थी 8:12

छिमिसं बी मास्‍ति वःसा छिमिके दुगु जक परमेश्‍वरयात ब्‍यूसां गाः, छिमिके मदुगु बीमाः धयागु मदु।

२ कोरिन्‍थी 9:7

सकसिनं थःगु मनय् गुलि बी धकाः पक्‍का याःगु खः उलि हे ब्‍यु। बीधुंकाः नुगः मछिंका च्‍वने मज्‍यू, करंबरं बीगु नं बांमलाः, छाय्‌धाःसा लय्‌तायाः ब्‍यूम्‍ह मनू खनाः परमेश्‍वर लय्‌तायादी।