एज्रा 7:15 - नेवाः बाइबल

¹⁵ जिं व जिमि सल्‍लाह बीपिन्‍सं यरूशलेमय् च्‍वनादीम्‍ह इस्राएलया परमेश्‍वरयात थःगु इच्‍छां बियागु लुँ व वहः नं छं यंकि।

एज्रा 7:15 ပူးပေါင်းရင်းမြစ်များ

१ इतिहास 29:6

अले परिवार परिवारयापिं नायःत, इस्राएलया कुल कुलयापिं हाकिमत, द्वःछिम्‍ह व सछिम्‍ह सिपाइँतय् कप्‍तानत, अले जुजुया सम्‍पत्ति स्‍वइपिं हाकिमतय्‌सं

२ इतिहास 2:6

तर दकलय् तःजाःगु स्‍वर्ग हे वय्‌कःया लागि चिधं धाःसा सुनां वय्‌कःया निंतिं देगः दय्‌के फइ? वय्‌कःया निंतिं देगः दय्‌केत जि सु खः धकाः? थ्‍व ला वय्‌कःया न्‍ह्यःने धुपाँय् च्‍याकेगु बाहेक मेगु छुं ज्‍याया लागि मखु।

२ इतिहास 32:23

यक्‍व मनूतय्‌सं यरूशलेमय् परमप्रभुया निंतिं देछा व जुजु हिजकियाया निंतिं मू वंगु कोस्‍यालि हल। अबलय् निसें फुक्‍क जातितय्‌सं हिजकियायात इज्‍जत यात।

२ इतिहास 6:2

आः छि न्‍ह्याबलें च्‍वनादीत जिं छगः तःजिगु देगः दय्‌कागु दु।”

२ इतिहास 6:6

तर आः जिं यरूशलेमयात जिगु आराधना यायेगुथाय् व दाऊदयात जिमि मनूतय्‌त शासन यायेत ल्‍ययागु दु।’

एज्रा 1:6

इमि सकल जःलाखःलातय्‌सं थःगु इच्‍छां ब्‍यूगु देछानापं इमित वहःयागु थल, लुँ, लँय् माःगु सामान, पशु व थिकेथिकेगु मालताल बियाः ग्‍वाहालि बिल।

एज्रा 6:12

यरूशलेमया देगःयात नाश यायेत वा थ्‍व आज्ञायात हीकेत सुं नं जुजुं वा जातिं ल्‍हाः ल्‍ह्वन धाःसा थःगु नांयात अन थापं यानादीम्‍ह परमेश्‍वरं हे इमित नाश यानादीमाः। “जि दारां थ्‍व आज्ञा पिकयागु दु। थुकियात बांलाक मानय् यायेमाः।”

एज्रा 6:4

ततःग्‍वःगु ल्‍वहंया स्‍वँगू तँ द्यःने छगू तँ सिँ तयेमाः। थुकी जूगु खर्च जुजुया धुकुतिं पुलेमाः।

एज्रा 7:14

एज्रा, जि व जिमि न्‍हय्‌म्‍ह सल्‍लाह बीपिन्‍सं छन्‍त यहूदा व यरूशलेमय् छ्वयाच्‍वनागु दु। छं अन छिमित पालन यायेत ब्‍यूगु परमेश्‍वरयागु व्‍यवस्‍था बांलाक मानय् याःगु दु कि मदु? अले अनयागु हालत गय् गथे च्‍वं व स्‍व।

एज्रा 8:25

अले जुजु, वया सल्‍लाहबीपिं व वया भारदारत अले बेबिलोनय् च्‍वनिपिं सकल इस्राएलीतय्‌सं झी परमेश्‍वरया देगःया निंतिं ब्‍यूगु लुँ, वहः व थलबल लनाः जिं इमित बिया।

भजनसंग्रहया सफू 135:21

यरूशलेमय् च्‍वनादीम्‍ह परमप्रभुयात सियोनय् प्रशंसा या! हल्‍लेलूयाह!

भजनसंग्रहया सफू 26:8

हे परमप्रभु, जितः छिगु महिमा झःझः धाय्‌क खनेदइगु छि च्‍वनादीगु पबित्र थाय् यः।

भजनसंग्रहया सफू 72:10

तर्शीश व तापाक तापाक च्‍वंगु समुद्रया सिथय् च्‍वंपिं जुजुतय्‌सं वयात कर पुलेहइ। शेबा व सेबाया जुजुपिन्‍सं वयात देछा छाःवइ।

भजनसंग्रहया सफू 76:11

छिमिसं छिमि परमप्रभु परमेश्‍वरया नामय् छु भाकल यानागु खः, व पूवंकि। वय्‌कःया प्‍यखेरं च्‍वंपिं सकसिनं भय काये बहःम्‍ह वय्‌कःयात देछा छायेत हति।

भजनसंग्रहया सफू 76:2

शालेमय् वय्‌कः च्‍वनीगु खः। सियोन पर्वतय् वय्‌कःया छेँ दु।

भजनसंग्रहया सफू 9:11

सियोनय् च्‍वनादीम्‍ह परमप्रभुयात भजन हालाः तःधंकि। वय्‌कलं यानादीगु ज्‍या फुक्‍क जातियापिन्‍त न्‍यंकि।