एज्रा 7:14 - नेवाः बाइबल

¹⁴ एज्रा, जि व जिमि न्‍हय्‌म्‍ह सल्‍लाह बीपिन्‍सं छन्‍त यहूदा व यरूशलेमय् छ्वयाच्‍वनागु दु। छं अन छिमित पालन यायेत ब्‍यूगु परमेश्‍वरयागु व्‍यवस्‍था बांलाक मानय् याःगु दु कि मदु? अले अनयागु हालत गय् गथे च्‍वं व स्‍व।

एज्रा 7:14 ပူးပေါင်းရင်းမြစ်များ

एज्रा 1:3

छिमिगु दथुइ च्‍वनाच्‍वंपिं वय्‌कःया मनूतय्‌त इस्राएलयाम्‍ह परमप्रभु परमेश्‍वरया देगः हाकनं दय्‌केत यहूदाया यरूशलेमय् लिहां वनेब्‍यु। वय्‌कलं इमित सुवाः बियादीमा। यरूशलेमय् दीम्‍ह वय्‌कः हे खः।

एज्रा 5:8

महाराज, जिपिं यहूदा जिल्‍लाय् तःधंम्‍ह परमेश्‍वरया देगः दुगु थासय् वना। अन मनूतय्‌सं तःधंम्‍ह परमेश्‍वरया देगः ततःग्‍वःगु ल्‍वहँतं दनाच्‍वंगु दु। अले पःखालय् ततःहाकःगु सिँ तयाच्‍वंगु दु। ज्‍या बांलाक जुयाच्‍वंगु दु अले इमिसं याकनं याकनं ज्‍या यानाच्‍वंगु दु।

एज्रा 6:12

यरूशलेमया देगःयात नाश यायेत वा थ्‍व आज्ञायात हीकेत सुं नं जुजुं वा जातिं ल्‍हाः ल्‍ह्वन धाःसा थःगु नांयात अन थापं यानादीम्‍ह परमेश्‍वरं हे इमित नाश यानादीमाः। “जि दारां थ्‍व आज्ञा पिकयागु दु। थुकियात बांलाक मानय् यायेमाः।”

एज्रा 6:8

व ज्‍याय् इमित ग्‍वाहालि ब्‍यु धकाः जिं छिमित आज्ञा बी। इमिगु खर्च पच्‍छिम यूफ्रेटिस प्रदेशय् मुंगु करं थत्‍थें ब्‍यु, ज्‍या मदीमाः।

एज्रा 7:15

जिं व जिमि सल्‍लाह बीपिन्‍सं यरूशलेमय् च्‍वनादीम्‍ह इस्राएलया परमेश्‍वरयात थःगु इच्‍छां बियागु लुँ व वहः नं छं यंकि।

एज्रा 7:28

अले जुजु, वयात सल्‍लाहबीपिं व जुजुया ततःधंपिं भारदारतय्‌त जितः सदां दइगु दयामाया याइपिं दय्‌कादिल। उकिं परमप्रभु जिमि परमेश्‍वरयागु ल्‍हाः जिके दु धकाः सीकाः जिं साहस याना, अले जिनापं यरूशलेमय् थाहां वनेत इस्राएलयापिं नायःत मुंका।

एज्रा 8:25

अले जुजु, वया सल्‍लाहबीपिं व वया भारदारत अले बेबिलोनय् च्‍वनिपिं सकल इस्राएलीतय्‌सं झी परमेश्‍वरया देगःया निंतिं ब्‍यूगु लुँ, वहः व थलबल लनाः जिं इमित बिया।

एस्‍तर 1:14

महाराजं अप्‍वः यानाः देशया कानून व नियम स्‍यूपिं फारस व मादीया न्‍हय्‌म्‍ह भारदारत कर्शेना, शेथार, अद्‍माथा, तर्शीश, मेरेस, मर्सेना व ममूकानपिन्‍के सल्‍लाह काइगु खः। इपिं महाराजलिसे सतीपिं खः, थुपिं न्‍हय्‌म्‍ह महाराजया न्‍ह्यःने वनेगु अधिकार दुपिं खः अले इमित देशय् तःधंगु मान व पद नं बियातःगु खः।

यशैया 8:20

परमेश्‍वरं छिमित स्‍यनातःगु खँ व साक्षीइ ध्‍यान ब्‍यु! इमिसं थ्‍व स्‍यनातःगु खँ कथं न्‍वमवात धाःसा इमिके सुथसिया जः दइ मखु।

दानिएल 2:47

जुजुं दानिएलयात धाल, “धात्‍थें छिमि द्यःतय् नं परमेश्‍वर अले जुजुतय् प्रभु व सुलाच्‍वंगु खँ उलादीम्‍ह खः। जिं थ्‍व खँ स्‍यू छाय्‌धाःसा छं थ्‍व सुलाच्‍वंगु खँ उले फत।”

दानिएल 6:20

अले व सिहंत तयातःगु तःजाःगु गाः लिक्‍क थ्‍यंबलय् ख्‍वःसलं धाल, “हे दानिएल, म्‍वाःम्‍ह परमेश्‍वरया दास, छं न्‍ह्याबलें सेवा याइम्‍ह छिमि परमेश्‍वरं छन्‍त बचय् याये फत ला?”

दानिएल 6:26

जिगु हुकुम थ्‍व हे खः। जिगु देशया अधिकार दुगु फुक्‍क थासय्‌यापिं मनूतय्‌सं दानिएलया परमेश्‍वरयागु भय कायेमाः अले वय्‌कःयात हनाबना यायेमाः। “छाय्‌धाःसा वय्‌कः म्‍वाःम्‍ह खः। वय्‌कः न्‍ह्याबलें दयाच्‍वनी। वय्‌कःया राज्‍य गुबलें स्‍यनावनी मखु। अले वय्‌कलं न्‍ह्याबलें राज्‍य यानादी।

जकरिया 6:10

“बेबिलोनं लिहांवःपिं हेल्‍दै, तोबियाह व यदायाहपिन्‍के बेबिलोनं ज्‍वनाः वःगु भेटी नाला कयाः उखुन्‍हु हे सपन्‍याहया काय् योशियाहया छेँय् हुँ।