एज्रा 7:12 - नेवाः बाइबल

¹² जुजुतय् नं जुजु अर्तासास्‍तपाखें, स्‍वर्गयाम्‍ह परमेश्‍वरयागु व्‍यवस्‍थाया शास्‍त्री पुजाहारी एज्रायात ज्‍वजलपा!

एज्रा 7:12 ပူးပေါင်းရင်းမြစ်များ

१ राजा 20:1

अरामया जुजु बेन-हददं थः फुक्‍क सेना मुंकल। वनापं सल व रथ दुपिं स्‍विनिम्‍ह जुजुपिं नं दु। इपिंनापं व च्‍वय् थाहां वन, अले इस्राएलया राजधानी सामरीयायात घेरय् यानाः हमला यात।

१ राजा 4:24

वं यूफ्रेटिस खुसिया पच्‍छिमपाखेया फुक्‍क देश, अर्थात तिफसांनिसें कयाः पच्‍छिमपाखे गाजा तक शासन याइगु खः अले प्‍यखें शान्‍ति दु।

एज्रा 1:2

“फारसयाम्‍ह जुजु कोरेसं थथे धयादी– ‘परमप्रभु स्‍वर्गयाम्‍ह परमेश्‍वरं पृथ्‍वीयागु फुक्‍क राज्‍य जितः बियादीगु दु। वय्‌कलं हे जितः यहूदाया यरूशलेमय् वय्‌कःया निंतिं छगू देगः दय्‌केत उजं बियादीगु दु।

एज्रा 4:17

जुजु अर्तासास्‍तं थथे लिसः बिल, राज्‍यपाल रेहूम, प्रदेशयाम्‍ह छ्यान्‍जे शिम्‍शै अले सामरिया व पच्‍छिम यूफ्रेटिसयागु प्रदेशया मेगु ल्‍यंदनिगु इलाकाय् च्‍वंपिं इमिनापं ज्‍या याइपिन्‍त ज्‍वजलपा।

एज्रा 7:1

यक्‍व दँ लिपा, फारसयाम्‍ह जुजु अर्तासास्‍तया पालय् एज्रा नांयाम्‍ह छम्‍ह मनू दु। एज्रा सरायाहया काय् खः। सरायाह अजर्याहया काय् खः। अजर्याह हिल्‍कियाहया काय् खः।

एज्रा 7:11

परमप्रभुं इस्राएलयात बियादीगु व्‍यवस्‍था व उजं बांलाक स्‍यूम्‍ह पुजाहारी व शास्‍त्री एज्रायात जुजु अर्तासास्‍तं थथे च्‍वयातःगु अधिकार पौ बिल –

एज्रा 7:6

एज्रा परमप्रभु इस्राएलयाम्‍ह परमेश्‍वरं मोशायात ब्‍यूगु व्‍यवस्‍था बांलाक स्‍यनेसःम्‍ह शास्‍त्री खः। वयात परमप्रभु परमेश्‍वरया सुवाः दुगुलिं वं फ्‍वंगु फुक्‍क खँ जुजुं वयात बिल। थथे जूगुलिं एज्रा बेबिलोनं यरूशलेमय् वल।

यशैया 10:8

अश्‍शूरया जुजुं धाल, “छु जिमि सेनापतित फुक्‍क जुजु मखु ला?

इजकिएल 26:7

“परमप्रभु परमेश्‍वरं थथे धयादी – जिं उत्तरं जुजुतय् जुजु बेबिलोनया जुजु नबूकदनेसरयात सलत, रथत, सलगइपिं व छगू तःधंगु सेना ज्‍वनाः टुरोसयात हमला यायेत ब्‍वनाहये।

दानिएल 2:37

हे महाराज, छःपिं ला जुजुतय् नं जुजु खः। स्‍वर्गय् च्‍वनादीम्‍ह परमेश्‍वरं छःपिन्‍त राज्‍य, बल, अधिकार व मान बियादीगु दु।

दानिएल 2:47

जुजुं दानिएलयात धाल, “धात्‍थें छिमि द्यःतय् नं परमेश्‍वर अले जुजुतय् प्रभु व सुलाच्‍वंगु खँ उलादीम्‍ह खः। जिं थ्‍व खँ स्‍यू छाय्‌धाःसा छं थ्‍व सुलाच्‍वंगु खँ उले फत।”

१ तिमोथी 6:15

परमेश्‍वरं वय्‌कःयात पाय्‌छि इलय् छ्वयाहयादी। परमेश्‍वर हे दक्‍वसिबय् तःधंम्‍ह, फुक्‍क शक्तिया थुवाः, जुजुतय् नं जुजु, अले प्रभुतय् नं प्रभु खः।

प्रकाश 17:14

थुपिं चीधिकःम्‍ह भ्‍याःचा नाप ल्‍वाः वइ। चीधिकःम्‍ह भ्‍याःचां थुमित बुका छ्वइ, छाय्‌धाःसा वय्‌कः प्रभुतय् नं प्रभु व जुजुतय् नं जुजु खः। वय्‌कः नाप दुपिं सःतातःपिं, ल्‍ययातःपिं व विश्‍वास यायेबहःपिं खः।”

प्रकाश 19:16

वय्‌कःयागु वसतय् व वय्‌कःयागु खम्‍पाय् थ्‍व नां च्‍वयातःगु दु – “जुजुतय् नं जुजु व प्रभुतय् नं प्रभु।”