एज्रा 6:4 - नेवाः बाइबल

⁴ ततःग्‍वःगु ल्‍वहंया स्‍वँगू तँ द्यःने छगू तँ सिँ तयेमाः। थुकी जूगु खर्च जुजुया धुकुतिं पुलेमाः।

एज्रा 6:4 ပူးပေါင်းရင်းမြစ်များ

१ राजा 6:36

अले वं दुनेया चुक मिलय् यानाः चानातःगु ल्‍वहंया स्‍वझ्‍वः यानाः व देवदारुया धलिंया छझ्‍वः यानाः दय्‌कल।

एज्रा 3:7

इमिसं दकःमि व सिकःमितय्‌त धिबा अले सीदोन व टुरोसय् च्‍वंपिं मनूतय्‌त लेबनानं समुद्रया लँपु जुयाः योप्‍पा तक देवदारुया सिँ हयेत नयेगु नसा त्‍वँसा व चिकं बिल। छाय्‌धाःसा फारसयाम्‍ह जुजु कोरेसं थथे यायेत मन्‍जुरी ब्‍यूगु खः।

एज्रा 5:8

महाराज, जिपिं यहूदा जिल्‍लाय् तःधंम्‍ह परमेश्‍वरया देगः दुगु थासय् वना। अन मनूतय्‌सं तःधंम्‍ह परमेश्‍वरया देगः ततःग्‍वःगु ल्‍वहँतं दनाच्‍वंगु दु। अले पःखालय् ततःहाकःगु सिँ तयाच्‍वंगु दु। ज्‍या बांलाक जुयाच्‍वंगु दु अले इमिसं याकनं याकनं ज्‍या यानाच्‍वंगु दु।

एज्रा 6:8

व ज्‍याय् इमित ग्‍वाहालि ब्‍यु धकाः जिं छिमित आज्ञा बी। इमिगु खर्च पच्‍छिम यूफ्रेटिस प्रदेशय् मुंगु करं थत्‍थें ब्‍यु, ज्‍या मदीमाः।

भजनसंग्रहया सफू 68:29

यरूशलेमय् दुगु छिगु देगःया कारणं जुजुपिन्‍सं छिगु निंतिं देछा हइ।

भजनसंग्रहया सफू 72:10

तर्शीश व तापाक तापाक च्‍वंगु समुद्रया सिथय् च्‍वंपिं जुजुतय्‌सं वयात कर पुलेहइ। शेबा व सेबाया जुजुपिन्‍सं वयात देछा छाःवइ।

यशैया 49:23

छंगु निंतिं जुजुपिं बौ थें अले इमि रानीपिं सुसाकुसा याइम्‍ह मां थें जुइ। इपिं छंगु न्‍ह्यःने बँय् भ्‍वसू वइ। इमिसं छंगु तुतिया धू फ्‍यइ। अनंलि छं थुइकि जि हे परमप्रभु खः, जिके भलसा तइपिं लाजय् लाइ मखु।”

प्रकाश 12:16

पृथ्‍वीं व मिसायात बचय् यायेत थःगु म्‍हुतु चाय्‌काः अजिङ्गरं पिकाःगु लः फुक्‍क त्‍वनाछ्वत।