एज्रा 6:12 - नेवाः बाइबल

¹² यरूशलेमया देगःयात नाश यायेत वा थ्‍व आज्ञायात हीकेत सुं नं जुजुं वा जातिं ल्‍हाः ल्‍ह्वन धाःसा थःगु नांयात अन थापं यानादीम्‍ह परमेश्‍वरं हे इमित नाश यानादीमाः। “जि दारां थ्‍व आज्ञा पिकयागु दु। थुकियात बांलाक मानय् यायेमाः।”

एज्रा 6:12 ပူးပေါင်းရင်းမြစ်များ

१ राजा 9:3

परमप्रभुं वयात धयादिल, “जिं छंगु प्रार्थना व जिगु न्‍ह्यःने याःगु बिन्‍ति न्‍यनागु दु। छं दय्‌कूगु थ्‍व देगलय् जिं थःगु नां न्‍ह्याबलेंया निंतिं तयाः उकियात पवित्र यानागु दु। जिगु मिखा व मन न्‍ह्याबलें अन वनाच्‍वनी।

२ इतिहास 7:16

छाय्‌धाःसा जिगु नां न्‍ह्याबलें थुकी दयाच्‍वनेमा धकाः जिं थ्‍व देगःयात ल्‍ययागु दु, अले अर्पण यानागु दु। जिगु मिखा व मन न्‍ह्याबलें थुकी वनाच्‍वनी।

एज्रा 6:13

अथे जुयाः यूफ्रेटिस पारियाम्‍ह राज्‍यपाल तत्तनै अले शत्तर-बोज्‍नै व इपिंनापं ज्‍या याइपिन्‍सं दाराया आज्ञा बांलाक मानय् यात।

एज्रा 6:14

उकिं यहूदीतय् नायःतय्‌सं अगमवक्ता हाग्‍गै व इद्दोया सन्‍तान जकरियापाखें हपाः दयाः ज्‍या बांलाक न्‍ह्यज्‍याकल। इमिसं परमेश्‍वरया आज्ञा कथं अले फारसयापिं जुजुपिं कोरेस, दारा व अर्तासास्‍तपिनिगु आज्ञा कथं देगः दय्‌केगु ज्‍या सिधय्‌कल।

एज्रा 7:15

जिं व जिमि सल्‍लाह बीपिन्‍सं यरूशलेमय् च्‍वनादीम्‍ह इस्राएलया परमेश्‍वरयात थःगु इच्‍छां बियागु लुँ व वहः नं छं यंकि।

एज्रा 7:17

थ्‍व धिबां द्वहंत, भ्‍याःचात, चिधिकःपिं भ्‍याःचात अले उपिंनापं अन्‍नबलि व त्‍वँसा-बलिया सामान न्‍या, अले उमित यरूशलेमय् दुगु छिमि परमेश्‍वरया देगःया वेदीइ बलि छा।

एज्रा 7:26

छिमि परमेश्‍वरयागु व्‍यवस्‍था व जुजुयागु कानून पालन मयाइपिं न्‍ह्याम्‍ह हे जूसां वयात स्‍यानाछ्वयाः वा देशं पितिनाछ्वयाः वा धन-सम्‍पत्ति जफत यानाः वा कुनाः सजाँय बीमाः।”

एस्‍तर 8:14

अथे जुयाः जुजुया उजंकथं पौ यंकीपिं सल गयाः याकनं वन। थ्‍व उजं पौ राजधानी शूशनय् नं घोषणा यात।

भजनसंग्रहया सफू 5:10

हे परमेश्‍वर! इमित दोषी ठहरय् यानादिसँ। इमित इमिगु हे जालय् तक्‍यंकादिसँ। इमिगु यक्‍व अपराधया कारणं इमित पित छ्वयादिसँ। छाय्‌धाःसा इपिं छिगु विरोधय् जूगु दु।

प्रस्‍थान 20:24

“‘जिगु निंतिं चाया वेदी दय्‌काः उकी हे होमबलि, मेलबलि, फैच्‍वलय् व सा द्वहं देछा। गन गन जिं थःगु नांयात हनाबना याके अन वयाः जिं छिमित आशिष बी।

उपदेशक 9:10

छंगु ल्‍हातय् छु ज्‍या दु व थःगु बलं फत्तले या, छाय्‌धाःसा पातालय् वनीबलय् अन न छुं ज्‍या याइ, न ग्‍वसाः ग्‍वइ, न ज्ञान दइ, न त बुद्धि हे दइ।

यशैया 60:12

छाय्‌धाःसा छंगु सेवा मयाइगु जाति व राज्‍य नाश जुइ। इपिं धात्‍थें हे भज्‍यंक नाश जुइ।

ओबदिया 1:10

“छं थःकिजा याकूबयात अत्‍याचार यानाः स्‍याःगुलिं, छं थःगु ख्‍वाः मनूतय्‌त क्‍यने छालि मखु, अले छ न्‍ह्याबलेंया निंतिं नाश जुइ।

प्रेरित 9:5

अले शाऊलं धाल – “हे प्रभु, छि सु खः?” अले वय्‌कलं धयादिल – “जि येशू खः, गुम्‍हय्‌सित छं दुःख बियाच्‍वन।

व्‍यवस्‍था 12:11

अन हे परमप्रभु छिमि परमेश्‍वरं थःगु नां तयेत ल्‍ययादीगु थासय् छिमित जिं आज्ञा बियागु छिमिगु होमबलि, मेमेगु बलित, झिब्‍वय् छब्‍व, थः यःछि बलि अले छिमिसं परमेश्‍वरयात बी धकाः भाकल याःगु भिंगु भिंगु देछा हजि।

व्‍यवस्‍था 12:5

तर परमप्रभु छिमि परमेश्‍वरं थःगु नां तयेत छिमि खलःतय् दथुं गुगु थाय् ल्‍ययादी व थाय्‌यात मा। व थासय् हे छिपिं वनेगु या।

व्‍यवस्‍था 16:2

छिमिसं परमप्रभु छिमि परमेश्‍वरयात वय्‌कलं थःगु नां तयेत ल्‍ययादीगु थासय् छुत्‍काराकथं फैच्‍वलय्‌ व साद्वहंपाखें बां ब्‍यु।