एज्रा 6:11 - नेवाः बाइबल

¹¹ “उलि जक मखु सुनां थ्‍व आज्ञा पालन याइ मखु वयागु छेँयागु थां लिकयाः वयात उकिं हे सुया यख्‍खानाब्‍यु धकाः जिं आज्ञा बी। थ्‍व अपराधया निंतिं वयागु छेँयात थुनाः द्वँ दय्‌काब्‍यु।

एज्रा 6:11 ပူးပေါင်းရင်းမြစ်များ

२ राजा 10:27

इमिसं बालया च्‍वखगु ल्‍वहंया थां व देगः स्‍यंकाबिल। देगःयात झारा च्‍वंवनेगु यानाबिल। गुगु थौं तक द हे दनि।

२ राजा 9:37

ईजेबेलया म्‍ह यिजरेलया जमिनय् साः थें जुइ। गुकें यानाः सुनानं ‘थ्‍व ईजेबेल खः धकाः धाये फइ मखु।’ ”

एज्रा 7:26

छिमि परमेश्‍वरयागु व्‍यवस्‍था व जुजुयागु कानून पालन मयाइपिं न्‍ह्याम्‍ह हे जूसां वयात स्‍यानाछ्वयाः वा देशं पितिनाछ्वयाः वा धन-सम्‍पत्ति जफत यानाः वा कुनाः सजाँय बीमाः।”

एस्‍तर 5:4

एस्‍तरं लिसः बिल, “महाराज, छसपोलयात येल धाःसा जिं छिगु लागिं ज्‍वरय् यानागु भ्‍वय् भपीत थौं हामाननापं झासँ।”

एस्‍तर 7:10

थुकथं मोर्दकैयात फांसि बीगु निंतिं थःम्‍हं हे दय्‌कातःगु सिँया थामय् हामानयात यख्‍खात। अनंलि जुजुयागु तं क्‍वलाना वन।

दानिएल 2:5

जुजुं ज्‍योतिषीतय्‌त थथे लिसः बिल, “जिं थ्‍व पक्‍का यानागु दु, छिमिसं जिगु म्‍हगस छु खः व धाये मफुत धाःसा अले जितः उकिया अर्थ कने मफुसा छिमित कुचा कुचा यानाबी। अले छिमिगु छेँयात नाश यानाबी।

दानिएल 3:29

अथे जुयाः गुगु नं देश, जाति वा भाय् ल्‍हाइम्‍ह मनुखं शद्रक, मेशक व अबेद्‌नगोया परमेश्‍वरया विरोधय् छुं न्‍ववात धाःसा वयात कुचा कुचा यानाबीगु जुइ, अले वयागु छेँयात नाश यानाबीगु जुइ धकाः जिं आज्ञा बी। छाय्‌धाःसा थुकथं बचय् याये फुम्‍ह मेम्‍ह सुं द्यः मदु।”