एज्रा 6:10 - नेवाः बाइबल

¹⁰ इमिसं स्‍वर्गयाम्‍ह परमेश्‍वर लय्‌ताइगु बलित छायेमा अले जुजु व जुजुया काय्‌पिनिगु भिंया निंतिं प्रार्थना यायेमा धकाः छिमिसं अथे या।

एज्रा 6:10 ပူးပေါင်းရင်းမြစ်များ

उत्‍पत्ति 8:21

उकिं लय्‌तायाः परमप्रभुं मनं मनं धयादिल, “मनूया नुगलय् मचांनिसें हे मभिंगु खँ बुयावःसां आः हाकनं जिं मनूया कारणं पृथ्‍वीयात सराः बी मखुत। अले न्‍हापा याना थें आः हाकनं ज्‍यान दुपिं फुक्‍कसितं नाश याये मखुत।

एज्रा 1:2

“फारसयाम्‍ह जुजु कोरेसं थथे धयादी– ‘परमप्रभु स्‍वर्गयाम्‍ह परमेश्‍वरं पृथ्‍वीयागु फुक्‍क राज्‍य जितः बियादीगु दु। वय्‌कलं हे जितः यहूदाया यरूशलेमय् वय्‌कःया निंतिं छगू देगः दय्‌केत उजं बियादीगु दु।

एज्रा 6:9

“न्‍हियान्‍हिथं यरूशलेमय् पुजाहारीतय्‌सं छु छु माल धकाः धाइ व फुक्‍कं ब्‍यु। इमित स्‍वर्गयाम्‍ह परमेश्‍वरयात होमबलि छायेत द्वहंत, भ्‍याःचात व चिधिकःम्‍ह भ्‍याःचात अले छ्व, चि, दाखमद्य व जैतूनया चिकं मद्वंक ब्‍यु।

एज्रा 7:23

स्‍वर्गयाम्‍ह परमेश्‍वरयात वय्‌कःया देगःया निंतिं माःगु फुक्‍क छिमिसं बांलाक ब्‍यु। मखुसा जि व जिमि काय्‌पिन्‍के परमेश्‍वरया तं लाइ।

प्रस्‍थान 12:32

छिमिसं धाःकथं हे थःपिनि फैच्‍वलय्, सा द्वहं फुक्‍कं ज्‍वनाः हुँ। अले जितः नं आशिष ब्‍यु।”

यर्मिया 29:7

जिं छिमित ज्‍वंकाः गुगु शहरय् छ्वयागु खः, उगु शहरया भिं जूगु यय्‌की, अले उकिया लागि परमप्रभुयात प्रार्थना या। छाय्‌धाःसा व च्‍वन्‍ह्यासा छिपिं नं च्‍वन्‍ह्याइ।”

दानिएल 2:46

अले जुजु नबूकदनेसरं दानिएलयात हनाबना तयाः बँय् भ्‍वसुलाः भागि यात। अले वयात देछा व धुपाँय् छायेगु आज्ञा बिल।

लेवी 1:13

वं बलि बीहःम्‍ह पशुयागु आतापुति भ्‍वरि व तुतियात लखं सिलेमाः। अले पुजाहारीं फुक्‍क यंकाः वेदीइ छ्वय्‌केमाः। थ्‍व परमप्रभुयात यःगु नस्‍वाः वःगु होमबलि, विशेष देछा खः।

लेवी 1:9

आतापुति भ्‍वरि व तुति धाःसा लखं सिलेमाः अले व फुक्‍कयात पुजाहारीं वेदीइ छ्वाकेमाः। थ्‍व परमप्रभुयात यःगु नस्‍वाः वःगु विशेष देछा, होमबलि खः।

एफिसी 5:2

ख्रीष्‍ट येशूं झीत माया यानादी थें छिमिसं नं थःथवय् माया यानाः च्‍वनेगु यायेमाः। ख्रीष्‍टं झीत माया यानाः नस्‍वाःगु देछा व बलिकथं थःत परमेश्‍वरयाथाय् छायादिल।