एज्रा 5:5 - नेवाः बाइबल

⁵ अय्‌नं यहूदी नायःतय्‌त परमेश्‍वरं बिचाः यानाच्‍वनादीगुलिं दारायाथाय् थ्‍व बुखँ थ्‍यनाः उकियागु लिसलय् जुजुया पौ मवतले सुनानं इमित पने मफुत।

एज्रा 5:5 ပူးပေါင်းရင်းမြစ်များ

२ इतिहास 16:9

छाय्‌धाःसा गुम्‍हय्‌सिगु नुगः परमप्रभुया निंतिं विश्‍वास यायेबहः जू, इमिगु निंतिं थःत बल्‍लाःम्‍ह क्‍यनेत वय्‌कलं थःगु मिखा पृथ्‍वीया फुक्‍क थासय् थुखे उखे ब्‍वय्‌का च्‍वनादी। थुकी छिं मूर्ख ज्‍या यानादिल। उकिं आवंलि छिगु निंतिं लडाइँ हे लडाइँ जुइ।”

एज्रा 7:28

अले जुजु, वयात सल्‍लाहबीपिं व जुजुया ततःधंपिं भारदारतय्‌त जितः सदां दइगु दयामाया याइपिं दय्‌कादिल। उकिं परमप्रभु जिमि परमेश्‍वरयागु ल्‍हाः जिके दु धकाः सीकाः जिं साहस याना, अले जिनापं यरूशलेमय् थाहां वनेत इस्राएलयापिं नायःत मुंका।

एज्रा 7:6

एज्रा परमप्रभु इस्राएलयाम्‍ह परमेश्‍वरं मोशायात ब्‍यूगु व्‍यवस्‍था बांलाक स्‍यनेसःम्‍ह शास्‍त्री खः। वयात परमप्रभु परमेश्‍वरया सुवाः दुगुलिं वं फ्‍वंगु फुक्‍क खँ जुजुं वयात बिल। थथे जूगुलिं एज्रा बेबिलोनं यरूशलेमय् वल।

एज्रा 8:22

जिं जुजुयात, “जिमि परमेश्‍वरं वय्‌कःयाके भलसा तइपिं सकसितं सुवाः बियादी अले वय्‌कःयात त्‍वःतूपिं मनूतय्‌के वय्‌कःया तं दयाच्‍वनी” धकाः धाये धुंकूगु जुयाः आः जिमित लँय् शत्रुतपाखें रक्षा यायेत जुजुयाके सलगइपिं सिपाइँत फ्‍वनेत जि मछाल।

भजनसंग्रहया सफू 32:8

छिं जितः धयादिल, “जिं छन्‍त छ वनेमाःगु लँ क्‍यनाबी। जिं छन्‍त स्‍यनेकने यानाः बिचाः यानाच्‍वने।”

भजनसंग्रहया सफू 33:18

तर सुनां परमप्रभुया भय काइ अले वय्‌कःया सदां दयाच्‍वनीगु दया मायाय् भलसा तइ, वयात वय्‌कलं बिचाः यानादी।

भजनसंग्रहया सफू 34:15

भिंगु ज्‍या याइपिन्‍त परमप्रभुं स्‍वयाच्‍वंगु दु, अले इमिगु प्रार्थना न्‍यनेत वय्‌कलं न्‍हाय्‌पं बियाच्‍वंगु दु।

भजनसंग्रहया सफू 76:10

मनूतय्‌सं गुलि तं क्‍यनी, उलि हे छिगु नां तःधनी। लडाइँपाखें बचय् जूपिन्‍सं छिगु नखः हनी।

फिलिप्‍पी 1:28

दुःख बीपिं खनाः छिपिं ग्‍याये मते। थुकिं इपिं नाश जुयावनी, अले छिमित मुक्ति दइ धकाः बांलाक सी दु, छाय्‌धाःसा थ्‍व परमेश्‍वरं हे यानादीगु खः।

१ पत्रुस 3:12

भिंगु ज्‍या याइपिन्‍त परमप्रभुं स्‍वयाच्‍वंगु दु, अले इमिगु प्रार्थना न्‍यनेत वय्‌कलं न्‍हाय्‌पं बियाच्‍वंगु दु, मभिंगु ज्‍या याइपिनिपाखें धाःसा वय्‌कः फस्‍वयादी।”