एज्रा 5:14 - नेवाः बाइबल

¹⁴ नबूकदनेसरं यरूशलेमया देगलं बेबिलोनया देगलय् हःगु परमेश्‍वरया देगःयागु लुँ व वहःयागु थलबल नं थम्‍हं राज्‍यपाल ल्‍ययातःम्‍ह शेशबस्‍सर नांयाम्‍ह मनूयात लित बिल।

एज्रा 5:14 ပူးပေါင်းရင်းမြစ်များ

२ इतिहास 36:18

बेबिलोनयाम्‍ह जुजुं देगःया चिग्‍वःगु व तग्‍वःगु फुक्‍क थलबल, परमप्रभुया देगःया धन-सम्‍पत्ति, जुजु व भारदारतय्‌गु धन-सम्‍पत्ति फुक्‍कं लुतय् यानाः बेबिलोनय् यंकल।

२ इतिहास 36:7

नबूकदनेसरं परमप्रभुया देगलं छुं थलबल यंकाः बेबिलोनय् वयागु थःगु हे देगलय् तल।

एज्रा 5:15

अले वं वयात धाल, ‘थ्‍व फुक्‍क थलबल यंकाः यरूशलेमया देगलय् हाकनं तयाब्‍यु अले परमेश्‍वरयागु देगः न्‍हापायागु हे थासय् हाकनं दय्‌कि।’

एज्रा 5:16

“उकिं शेशबस्‍सरं यरूशलेमय् वयाः परमेश्‍वरयागु देगःया जग तल। उबलय् निसें आः तक देगः दय्‌केगु ज्‍या जुयाच्‍वंगु दु तर आः तक सिधःगु मदुनि।”

एज्रा 6:5

नबूकदनेसरं यरूशलेमया देगलं बेबिलोनय् हःगु परमेश्‍वरया भवनया लुँ व वहःयागु थलबल नं लितयंकाः यरूशलेमयागु देगलय् तयाबीमाः। व फुक्‍क लितयंकाः परमेश्‍वरया भवनय् थथःगु थासय् तयाबीमाः।”

एज्रा 7:27

परमप्रभु झी पुर्खातय् परमेश्‍वर धन्‍य खः। वय्‌कलं हे यरूशलेमय् दुगु परमप्रभुया देगःयात हनाबना तयेत जुजुयागु मनय् थ्‍व बिचाः तयादिल,

हितोपदेश 21:1

जुजुया नुगः परमप्रभुया ल्‍हातिइ दु, गुबलय् मंदइ उबलय् वय्‌कलं थ्‍वयात खुसिचाया लः थें हीकादी।

यर्मिया 52:19

जुजुया अङ्गरक्षकतय् सेनापतिं भिंगु लुँ वा वहःयागु बातात, गुँगू मकःत, छ्वाकेगु बातात, थलबलत, त्‍वाःदेवात, त्‍वँसाबलि छाइगु ख्‍वला व बातात नं यंकल।

हाग्‍गै 1:1

जुजु दारां राज्‍य यानाच्‍वंगु निगूगु दँया खुगूगु लाया न्‍हापांगु दिंखुन्‍हु, यहूदायाम्‍ह राज्‍यपाल शालतिएलया काय् यरूबाबेल व यहोसादाकया काय् दकलय् तःधंम्‍ह पुजाहारी यहोशूयाथाय् हाग्‍गै अगमवक्तापाखें परमप्रभुयागु थ्‍व वचन वल।

हाग्‍गै 1:14

उकिं परमप्रभुं शालतिएलया काय् यहूदायाम्‍ह राज्‍यपाल यरूबाबेल व यहोसादाकया काय्, दकलय् तःधंम्‍ह पुजाहारी यहोशू व बेबिलोनं लिहांवःपिं मनूतय्‌त ग्‍वाकादिल। अले इमिसं वयाः दक्‍व शक्ति दुम्‍ह परमप्रभु थः परमेश्‍वरयागु देगः दय्‌केगु ज्‍या न्‍ह्याकल।

हाग्‍गै 2:2

“शालतिएलया काय् यहूदाया राज्‍यपाल यरूबाबेल, यहोसादाकया काय्, दकलय् तःधंम्‍ह पुजाहारी यहोशू व बेबिलोनं लिहांवःपिं फुक्‍क मनूतय्‌त थथे धा।

हाग्‍गै 2:21

“जिं आकाश व पृथ्‍वीयात संकाबी धकाः यहूदायाम्‍ह राज्‍यपाल यरुबाबेलयात धा।

प्रेरित 13:12

थ्‍व खनाः तःधंम्‍ह हाकिमं अजू चायाः परमेश्‍वरयागु स्‍यना खँय् विश्‍वास यात।