एज्रा 5:13 - नेवाः बाइबल

¹³ “अथेसां बेबिलोनयाम्‍ह जुजु कोरेसया न्‍हापांगु दँय् जुजुं परमेश्‍वरया थ्‍व देगः हाकनं दय्‌केत आज्ञा बिल।

एज्रा 5:13 ပူးပေါင်းရင်းမြစ်များ

एज्रा 6:14

उकिं यहूदीतय् नायःतय्‌सं अगमवक्ता हाग्‍गै व इद्दोया सन्‍तान जकरियापाखें हपाः दयाः ज्‍या बांलाक न्‍ह्यज्‍याकल। इमिसं परमेश्‍वरया आज्ञा कथं अले फारसयापिं जुजुपिं कोरेस, दारा व अर्तासास्‍तपिनिगु आज्ञा कथं देगः दय्‌केगु ज्‍या सिधय्‌कल।

यशैया 44:28

गुम्‍हय्‌सिनं कोरेसया बारे धाइ, ‘व जिमि जवाः खः, अले जिगु फुक्‍क इच्‍छा वं पूवंकी। यरूशलेमया बारे वं धाइ, “व हाकनं दय्‌केमा,” अले देगःया बारे, “थुकियात हाकनं दय्‌की।”’

यर्मिया 27:22

‘व फुक्‍क सामान बेबिलोनय् यंकीगु जुइ। अले जिं इमित वास्‍ता मयातले व सामान अन हे दयाच्‍वनी अले जिं व सामान हाकनं लित हये, अले यरूशलेमय् हाकनं तये,’” परमप्रभुं धयादी।