एज्रा 5:12 - नेवाः बाइबल

¹² अय्‌नं जिमि पुर्खातय्‌सं स्‍वर्गयाम्‍ह परमेश्‍वरयात तंचाय्‌कूगुलिं वय्‌कलं जिमि पुर्खातय्‌त बेबिलोनयाम्‍ह कल्‍दी जुजु नबूकदनेसरया ल्‍हातय् बियादिल। नबूकदनेसरं थ्‍व देगःयात भज्‍यंक स्‍यंकाबिल अले मनूतय्‌त बेबिलोनय् ज्‍वना यंकल।

एज्रा 5:12 ပူးပေါင်းရင်းမြစ်များ

२ राजा 24:2

परमप्रभुं यहोयाकीमलिसें ल्‍वायेत व यहूदायात नाश यायेत बेबिलोनी, अरामी, मोआबी व अम्‍मोनीतय् लुतपात याइगु पुचः छ्वयाहल। थ्‍व परमप्रभुं थः दास अगमवक्तातपाखें धयादीगु वचनकथं जुल।

२ राजा 25:1

उकिं सिदकियाहं राज्‍य यानाच्‍वंगु गुंगूगु दँया झिगूगु लाया झिगूगु दुखुन्‍हु बेबिलोनयाम्‍ह जुजु नबूकदनेसरं थः फुक्‍क सेना ज्‍वनाः यरूशलेमय् हमला याः वल। वं शहरया छचाःखेरं चा व ल्‍वहंया द्वम्‍बःचात दय्‌काः शहरयात घेरय् यात।

२ इतिहास 36:20

तरवारं बचय् जूपिन्‍त वं बेबिलोनय् यंकल। अन इपिं फारस देश बमल्‍लातले जुजु व वया सन्‍तानया च्‍यः जुयाच्‍वन।

भजनसंग्रहया सफू 106:40

उकी परमप्रभु थः प्रजा खनाः तंचायादिल, वय्‌कलं थः सर्बययात मयय्‌कादिल।

यशैया 47:6

जि जिमि प्रजा खनाः तंम्‍वयागु खः, अले जिं थः हे मनूयात अशुद्ध ठहरे याना। जिं इमित छंगु ल्‍हातय् बिया, तर छं इमित दयामाया मयात। बुरातय्‌त नं छं थःगु झ्‍यातुगु ककुसिँ क्‍वबिकल।

यर्मिया 5:29

थुकिया लागि छु जिं थुमित सजाँय मबियेगु ला? छु जिं थज्‍याःगु जातियाके बदला मकायेगु ला? परमप्रभुं धयादी।

यर्मिया 51:59

यहूदाया जुजु सिदकियाहं राज्‍य यानाच्‍वंगु प्‍यंगूगु दँय् मासेयाहया छय्, नेरियाहया काय् मू हाकिम सरायाह जुजुलिसें बेबिलोनय् वंबलय् यर्मियां वयात थ्‍व वचन बिल।

यर्मिया 52:12

बेबिलोनया जुजु नबूकदनेसरया झिंगुंगूगु दँया न्‍यागूगु लाया झिन्‍हु दुखुन्‍हु बेबिलोनया जुजुयात सेवा याइम्‍ह अङ्गरक्षकतय् सेनापति नबूजरदान यरूशलेमय् वल।

दानिएल 9:5

जिमिसं पाप यानागु दु अले द्वंकागु दु। जिपिं मभिंपिं जुयागु दु अले विद्रोही जुयागु दु। जिपिं छिगु आज्ञा व नियमपाखें फहिला वनागु दु।

व्‍यवस्‍था 31:17

उखुन्‍हु जि इपिंलिसें तसक्‍कं तंचाये, जिं इमित त्‍वःताबी, थःगु ख्‍वाः इपिंपाखें सुचुके, अले इपिं न्‍हनावनी। इमिके तसक्‍कं ग्‍यानपुस्‍से च्‍वंगु विपत्ति वइ। अले उखुन्‍हु इमिसं धाइ, ‘झी परमेश्‍वर झीगु दथुइ मदयाः हे झीत थज्‍याःगु विपत्ति वःगु, मखु ला?’

व्‍यवस्‍था 32:30

इमि बल्‍लाःम्‍ह रक्षकं इमित तापाक्‍क छ्वल, परमप्रभुं इमित त्‍वःतादिल, अथे जुयाः छम्‍ह शत्रुं द्वःछिम्‍हय्‌सित बुके फत, अले झिद्वःम्‍हय्‌सित निम्‍हय्‌सिनं बुके फत?

न्‍यायकर्ता 2:14

उकिं परमप्रभु इस्राएलीत खनाः तसकं तंचायादिल, अले वय्‌कलं इमित इमि जःखः च्‍वंपिं शत्रुतय्‌गु ल्‍हातय् मियादिल। इमिसं इमित लुतय् यात। उकिं यानाः इपिं थः शत्रुतय् न्‍ह्यःने च्‍वने मफुत।

न्‍यायकर्ता 4:2

अथे जुयाः परमप्रभुं इमित हासोरय् शासन याइम्‍ह कनानी जुजु याबीनया ल्‍हातय् मियादिल। वया सेनापति हरोशेत हग्‍गोयिमय् च्‍वनीम्‍ह सीसरा खः।

न्‍यायकर्ता 6:1

हाकनं इस्राएलीतय्‌सं परमप्रभुया मिखाय् मभिंगु ज्‍या यात। उकिं वय्‌कलं इमित न्‍हय्‌दँ तक मिद्यानीतय्‌गु ल्‍हातय् लःल्‍हानादिल।