एज्रा 5:11 - नेवाः बाइबल

¹¹ इमिसं जिमित थथे लिसः बिल, “जिपिं स्‍वर्ग व पृथ्‍वीयाम्‍ह परमेश्‍वरयात सेवा याइपिं खः। यक्‍व दँ न्‍ह्यः इस्राएलयाम्‍ह छम्‍ह तःधंम्‍ह जुजुं दय्‌कूगु देगः हे जिमिसं हाकनं दय्‌का च्‍वनागु खः।

एज्रा 5:11 ပူးပေါင်းရင်းမြစ်များ

उत्‍पत्ति 24:3

“स्‍वर्ग व पृथ्‍वीया परमप्रभुया नामय् छं जिमि काय्‌यात थन कनानय् च्‍वंपिं मिस्‍त ब्‍याहा यानाबी मखु धकाः बचं ब्‍यु।

१ राजा 6:38

झिंछगूगु दँया बूल धाःगु च्‍यागूगु लाय् नमूनाकथं व देगः दय्‌के सिधय्‌कल। थुकथं वं न्‍हय्‌दँ बिकाः उगु देगः दय्‌कल।

१ राजा 9:10

परमप्रभुया देगः व थःगु दरबार दनेत सोलोमनयात निइदँ बीत।

एज्रा 5:10

च्‍वयाः छिथाय् छ्वयाहयेत जिमिसं इमि नायःतय्‌गु नां नं न्‍यना।

भजनसंग्रहया सफू 119:46

अले जिं छिगु नियमया बारे जुजुपिनिगु न्‍ह्यःने नवाये, जि लज्‍या चाये मखु।

भजनसंग्रहया सफू 136:26

स्‍वर्गयाम्‍ह परमेश्‍वरयात सुभाय् ब्‍यु, वय्‌कःया दया माया सदां दयाच्‍वनी।

दानिएल 3:26

नबूकदनेसर व मि ह्वाना ह्वाना च्‍यानाच्‍वंगु भट्टीया लुखाया लिक्‍क वनाः तःसलं धाल, “हे शद्रक, मेशक व अबेद्‌नगो, दक्‍वसिबय् तःधंम्‍ह परमेश्‍वरया सेवा याइपिं दासत, पिहां वा!” अथे जुयाः शद्रक, मेशक व अबेद्‌नगो मिं पिने पिहां वल।

योना 1:9

“जि हिब्रू खः। अले पृथ्‍वी व समुद्र सृष्‍टि यानादीम्‍ह स्‍वर्गया परमेश्‍वरया सेवा याइम्‍ह खः” योनां लिसः बिल।

मत्ती 10:32

“सुनां मनूतय्‌गु न्‍ह्यःने ‘जि ख्रीष्‍टयाम्‍ह मनू खः’ धकाः धाइ, जिं नं स्‍वर्गय् जिमि बाःया न्‍ह्यःने वयात ‘जिम्‍ह मनू खः’ धकाः धाये।

लूका 12:8

“सुनां मनूतय्‌गु न्‍ह्यःने ‘जि ख्रीष्‍टयाम्‍ह मनू खः’ धकाः धाइ, मनूया काय्‌नं नं परमेश्‍वरयापिं स्‍वर्गदूततय्‌गु न्‍ह्यःने वयात ‘जिम्‍ह मनू खः’ धकाः धाइ।

प्रेरित 27:23

जिं आराधना यानाच्‍वनाम्‍ह जिम्‍ह परमेश्‍वरया छम्‍ह स्‍वर्गदूतं म्‍हिगः चान्‍हय् वयाः जितः थथे धाल –

रोमी 1:16

थथे जूगुलिं भिंगु खँ न्‍यंकेत जि मछाः मजू। छाय्‌धाःसा विश्‍वास याइपिं फुक्‍कसितं, न्‍हापालाक यहूदीतय्‌त अले यहूदीमखुपिन्‍त नं उद्धार बीत थ्‍व भिंगु खँ परमेश्‍वरयागु शक्ति खः।

रोमी 6:16

दासतय्‌सं मालिकयात मानय् याःथें छिमिसं सुयात मानय् यात छिपिं वया हे दास जुइ, नरकय् यंकीगु पापयात मानय् याःगु छाये मजुइमा, अथवा परमेश्‍वरया न्‍ह्यःने धर्मी ठहरय् जुइत मानय् याःगु छाये मजुइमा, छुं पाइ मखु।

गलाती 6:14

जिं ला मेगु खँय् मखु, बरु येशू ख्रीष्‍ट क्रूसय् सिनादीगु खँय् जक छ्यं धस्‍वाका। वय्‌कः क्रूसय् सिनादीगुलिं जिगु निंतिं संसार सी धुंकल, अले संसारयागु निंतिं जि सी धुन।

यहोशू 24:15

परमप्रभुयागु सेवा याये मयःसा सुयागु सेवा यायेगु खः व छिमिसं थौं ल्‍य। छिमि पुर्खातय्‌सं यूफ्रेटिस खुसिया उखे पुजा याःपिं द्यःत कि छिपिं आः च्‍वनाच्‍वंगु देशयापिं एमोरीतय् द्यःत? जि व जिमि छेँजःपिन्‍सं धाःसा परमप्रभुयागु हे सेवा याये।”