एज्रा 5:1 - नेवाः बाइबल

¹ उबलय् अगमवक्ता हाग्‍गै व इद्दोया सन्‍तान जकरिया अगमवक्तां यरूशलेम व यहूदायापिं यहूदीतय्‌त, इमित अधिकार यानादीम्‍ह इस्राएलयाम्‍ह परमेश्‍वरया नामय् अगमवाणी यात।

एज्रा 5:1 ပူးပေါင်းရင်းမြစ်များ

एज्रा 4:24

थुकथं यरूशलेमय् परमप्रभुयागु देगःया ज्‍या दित। फारसया जुजु दारां राज्‍य याःगु निगूगु दँ तक व ज्‍या दित।

एज्रा 6:14

उकिं यहूदीतय् नायःतय्‌सं अगमवक्ता हाग्‍गै व इद्दोया सन्‍तान जकरियापाखें हपाः दयाः ज्‍या बांलाक न्‍ह्यज्‍याकल। इमिसं परमेश्‍वरया आज्ञा कथं अले फारसयापिं जुजुपिं कोरेस, दारा व अर्तासास्‍तपिनिगु आज्ञा कथं देगः दय्‌केगु ज्‍या सिधय्‌कल।

मीका 5:4

वय्‌कलं परमप्रभुयागु शक्तिं थः परमप्रभु परमेश्‍वरया नांया गौरवय् दनाः थः बथांयात ज्‍वयादी। अले इपिं सुरक्षित जुयाच्‍वनी, छाय्‌धाःसा पृथ्‍वीया तातापाःगु थासय् तक वय्‌कःयात इज्‍जत याइ।

हाग्‍गै 1:1

जुजु दारां राज्‍य यानाच्‍वंगु निगूगु दँया खुगूगु लाया न्‍हापांगु दिंखुन्‍हु, यहूदायाम्‍ह राज्‍यपाल शालतिएलया काय् यरूबाबेल व यहोसादाकया काय् दकलय् तःधंम्‍ह पुजाहारी यहोशूयाथाय् हाग्‍गै अगमवक्तापाखें परमप्रभुयागु थ्‍व वचन वल।

हाग्‍गै 1:3

अले परमप्रभुयागु थ्‍व वचन हाग्‍गै अगमवक्तायापाखें वल,

हाग्‍गै 2:18

‘थनिनिसें बांलाक बिचाः या! थौं गुंगूगु लाया निइप्‍यंगूगु दिं खः। थौं परमप्रभुया देगःया जग तये सिधःगु दिं खः। बांलाक बिचाः या!

जकरिया 8:9

दक्‍व शक्ति दुम्‍ह परमप्रभुं थथे धयादी, “देगः हाकनं न्‍हूगु यानाः दय्‌केगु बारे परमप्रभु परमेश्‍वरया देगःया जग तयाच्‍वंगु इलय् न्‍हापायापिं अगमवक्तातय्‌सं छिमित ‘छिमिगु ल्‍हाः बल्‍लायेमा!’ धकाः धाःगु खँ हे छिमिसं आः हाकनं न्‍यनाच्‍वंगु दु।