एज्रा 4:7 - नेवाः बाइबल

⁷ हाकनं फारसयाम्‍ह जुजु अर्तासास्‍तया पालय् विश्‍लाम, मित्रेता, ताबेल व इपिंनापं ज्‍या याइपिन्‍सं जुजुयात छगू पौ च्‍वल। पौ आरमेइक भाषाय् व आरमेइक आखलं च्‍वःगु खः।

एज्रा 4:7 ပူးပေါင်းရင်းမြစ်များ

२ राजा 18:26

अले हिल्‍कियाहया काय् एल्‍याकीम, शेब्‍ना व योआं लडाइँलय् वःम्‍ह सेनापतियात धाल, “बिन्‍ति दु, छिकपिनि दासतनापं आरमेइक भाषां न्‍ववानादिसँ, छाय्‌धाःसा जिमिसं व भाय् थू। पखालय् च्‍वनाच्‍वंपिं मनूतय्‌सं ताय्‌कः हिब्रू भाषां जिपिंनापं न्‍ववानादी मते।”

एज्रा 4:1

ज्‍वनायंकूपिं लिहां वयाः परमप्रभु इस्राएलया परमेश्‍वरया देगः दय्‌काच्‍वंगु दु धयागु खँ यहूदा व बेन्‍यामीन कुलया शत्रुतय्‌सं न्‍यन।

एज्रा 4:17

जुजु अर्तासास्‍तं थथे लिसः बिल, राज्‍यपाल रेहूम, प्रदेशयाम्‍ह छ्यान्‍जे शिम्‍शै अले सामरिया व पच्‍छिम यूफ्रेटिसयागु प्रदेशया मेगु ल्‍यंदनिगु इलाकाय् च्‍वंपिं इमिनापं ज्‍या याइपिन्‍त ज्‍वजलपा।

एज्रा 4:8

राज्‍यपाल रेहूम व प्रदेशयाम्‍ह छ्यान्‍जे शिम्‍शैनं नं यरूशलेमया विरोधय् थज्‍याःगु पौ अर्तासास्‍तयात च्‍वल।

एज्रा 4:9

राज्‍यपाल रेहूम व प्रदेशयाम्‍ह छ्यान्‍जे शिम्‍शै, इपिंनापं ज्‍या याइपिं अर्थात त्रीपोलीस, फारस, एरेक व बेबिलोनयापिं मनूतय्‌त अधिकार याइपिं न्‍यायाधीशत व हाकिमत अले शूशनयापिं एलामीत व

एज्रा 5:6

पच्‍छिम यूफ्रेटिसया प्रदेशयाम्‍ह राज्‍यपाल तत्तनै, शत्तर-बोज्‍नै व इपिंनापं ज्‍या याइपिं यूफ्रेटिसया पच्‍छिमयापिं हाकिमतय्‌सं दारा जुजुयात छ्वःगु पौ थ्‍व हे खः।

एज्रा 7:1

यक्‍व दँ लिपा, फारसयाम्‍ह जुजु अर्तासास्‍तया पालय् एज्रा नांयाम्‍ह छम्‍ह मनू दु। एज्रा सरायाहया काय् खः। सरायाह अजर्याहया काय् खः। अजर्याह हिल्‍कियाहया काय् खः।

एज्रा 8:36

अले इमिसं जुजुयागु आज्ञा-पौ जुजुया हाकिमत अले यूफ्रेटिसया पच्‍छिमयापिं राज्‍यपालतय्‌त बिल। अनंलि इमिसं मनूतय्‌त व परमेश्‍वरया देगःया ज्‍याय् ग्‍वाहालि बिल।

नहेम्‍याह 2:1

प्‍यला लिपा छन्‍हु जुजु अर्तासास्‍तया निइगूगु दँया निसान लाय् जुजुयागु दाखमद्य हःबलय् जिं व कयाः जुजुयात बिया। जि जुजुया न्‍ह्यःने दनाबलय् जिगु ख्‍वाः खिउँ। न्‍हापा गुबलें जिं अथे जुजुया न्‍ह्यःने ख्‍वाः खिउँका वनागु मदु।

यशैया 36:11

अले एल्‍याकीम, शेब्‍ना व योआं लडाइँलय् वःम्‍ह कप्‍तानयात धाल, “बिन्‍ति दु, छिकपिनि दासतनापं आरमेइक भाषां न्‍ववानादिसँ, छाय्‌धाःसा जिमिसं व भाय् थू। पखालय् च्‍वनाच्‍वंपिं मनूतय्‌सं ताय्‌काः हिब्रू भाषां जिपिंनापं न्‍ववानादी मते।”

दानिएल 11:2

“आः जिं छन्‍त खःगु खँ धाये। फारसय् अज्‍ज स्‍वम्‍ह जुजुपिं खने दइ। अनंलि प्‍यम्‍हम्‍ह जुजु दइ। व इपिं स्‍वम्‍ह स्‍वयाः तःमि जुइ, व थःगु धनं यानाः बल्‍लाइ। अले वं ग्रीस देशलिसें ल्‍वायेत फुक्‍कसित ग्‍वाकी।

दानिएल 2:4

इमिसं आरमेइक भाषां जुजुयात धाल, “हे महाराज, छःपिं ताःई तक म्‍वानादीमा! छःपिनि दासतय्‌त म्‍हगस धयादिसँ अले जिमिसं उकियागु अर्थ कने।”