एज्रा 4:5 - नेवाः बाइबल

⁵ यहूदीतय्‌गु योजना स्‍यंकाबीत इमिसं फारसया सरकारी हाकिमतय्‌त घुस नकल। फारसयाम्‍ह जुजु कोरेस जुजुया जिवंकाछि व फारसयाम्‍ह जुजु दाराया पालय् तक इमिसं अथे याना हे च्‍वन।

एज्रा 4:5 ပူးပေါင်းရင်းမြစ်များ

२ इतिहास 22:4

वं आहाबया घरानां थें परमप्रभुया मिखाय् मभिंगु ज्‍या यात। छाय्‌धाःसा वया अबु सीधुंकाः वया मां व वया थःथितिपिं वयात सल्‍लाहबीपिं जुल, अले इमिसं हे वयात सल्‍लाह बिल। उगु मभिंगु सल्‍लाहं व नाश जुल।

एज्रा 4:24

थुकथं यरूशलेमय् परमप्रभुयागु देगःया ज्‍या दित। फारसया जुजु दारां राज्‍य याःगु निगूगु दँ तक व ज्‍या दित।

एज्रा 4:4

अनंलि व थासय् च्‍वनाच्‍वंपिं मनूतय्‌सं यहूदीतय्‌गु नुगः क्‍वतुंकाबीत व देगः दय्‌केगु ज्‍या पनेत ख्‍यायेगु याना हल।

एज्रा 4:6

अहासूरस जुजुं शासन याःगु शुरुया इलय् यहूदा व यरूशलेमय् च्‍वंपिं मनूतय्‌गु विरोधय् इमि शत्रुतय्‌सं छगू द्वपं पौ च्‍वयाः छ्वत।

एज्रा 5:5

अय्‌नं यहूदी नायःतय्‌त परमेश्‍वरं बिचाः यानाच्‍वनादीगुलिं दारायाथाय् थ्‍व बुखँ थ्‍यनाः उकियागु लिसलय् जुजुया पौ मवतले सुनानं इमित पने मफुत।

दानिएल 10:13

तर फारस देशयाम्‍ह शासकं निइछन्‍हु तक जिगु विरोध यात। अनंलि अन लिबाकागुलिं छम्‍ह मू स्‍वर्गदूत मिखाएल जितः ग्‍वाहालि बीत वल, छाय्‌धाःसा जितः फारसयाम्‍ह शासकनापं त्‍वःतूगु खः।

नहूम 1:11

अय् निनवे! छंपाखें छम्‍ह परमप्रभुया विरोधय् ग्‍वसाः ग्‍वइम्‍ह, व मभिंगु सल्‍लाह बीम्‍ह पिहां वःगु दु।