एज्रा 4:3 - नेवाः बाइबल

³ यरूबाबेल, येशूअ व इस्राएलया परिवारया मेपिं सकल नायःतय्‌सं धाःसा इमित थथे लिसः बिल, “परमप्रभु जिमि परमेश्‍वरया निंतिं दय्‌का च्‍वनागु थ्‍व देगःलिसे छिमिगु छुं नं स्‍वापु मदु, फारसयाम्‍ह जुजु कोरेसं जिमित आज्ञा ब्‍यू थें देगः जिमिसं हे दय्‌के।”

एज्रा 4:3 ပူးပေါင်းရင်းမြစ်များ

२ इतिहास 36:22

फारसया जुजु कोरेसया न्‍हापांगु दँय् यर्मियापाखें वःगु परमप्रभुया वचन पूरा जुइत परमप्रभुं फारस जुजुया नुगःयात ग्‍वाकादिल। अले वं थ्‍व आज्ञा च्‍वयाः देशन्‍यंक छ्वल –

एज्रा 1:1

फारसयाम्‍ह जुजु कोरेसया न्‍हापांगु दँय् यर्मिया अगमवक्तापाखें वःगु परमप्रभुयागु वचन पूवंकेत, परमप्रभुं फारसयाम्‍ह जुजु कोरेसया नुगःयात ग्‍वाकादिल। अथे जुयाः वं च्‍वयाः देशया फुक्‍क थासय् थ्‍व खँ घोषणा याकल।

एज्रा 1:2

“फारसयाम्‍ह जुजु कोरेसं थथे धयादी– ‘परमप्रभु स्‍वर्गयाम्‍ह परमेश्‍वरं पृथ्‍वीयागु फुक्‍क राज्‍य जितः बियादीगु दु। वय्‌कलं हे जितः यहूदाया यरूशलेमय् वय्‌कःया निंतिं छगू देगः दय्‌केत उजं बियादीगु दु।

एज्रा 1:3

छिमिगु दथुइ च्‍वनाच्‍वंपिं वय्‌कःया मनूतय्‌त इस्राएलयाम्‍ह परमप्रभु परमेश्‍वरया देगः हाकनं दय्‌केत यहूदाया यरूशलेमय् लिहां वनेब्‍यु। वय्‌कलं इमित सुवाः बियादीमा। यरूशलेमय् दीम्‍ह वय्‌कः हे खः।

एज्रा 3:8

यरूशलेमय् परमेश्‍वरया देगलय् इपिं थ्‍यंकः वःगु निगूगु दँया निगूगु लाय् शालतिएलया काय् यरूबाबेल, योसादाकया काय् येशूअ, पुजाहारीत, लेवीत अले बेबिलोनं लिहांवःपिं सकसिनं ज्‍या शुरु यात। परमप्रभुया देगः दय्‌काच्‍वंगु ज्‍या स्‍वयेत निइदँ व व स्‍वयां च्‍वय्‌यापिं लेवीतय्‌त इमिसं ल्‍यल।

नहेम्‍याह 2:20

जिं इमित थथे लिसः बिया, “स्‍वर्गयाम्‍ह परमेश्‍वरं जिमित ताःलाकादी। जिपिं वय्‌कःया दासतय्‌सं शहर व पखाः हाकनं दय्‌केगु ज्‍या शुरु याये त्‍यनागु दु। अय्‌नं यरूशलेमया छुं नं भागय् वा सम्‍पत्तिइ छिमिगु अधिकार मदु।”

यशैया 44:28

गुम्‍हय्‌सिनं कोरेसया बारे धाइ, ‘व जिमि जवाः खः, अले जिगु फुक्‍क इच्‍छा वं पूवंकी। यरूशलेमया बारे वं धाइ, “व हाकनं दय्‌केमा,” अले देगःया बारे, “थुकियात हाकनं दय्‌की।”’

यशैया 45:4

जिमि दास याकूबया निंतिं, जिं ल्‍ययागु इस्राएलया निंतिं, जिं छन्‍त छंगु नां कयाः सःतागु दु। छं जितः नाला मकाःसां जिं छन्‍त तःधंगु इज्‍जत बियागु दु।

मत्ती 10:16

“न्‍यँ, गुँखिचातय्‌गु हुलय् जिं छिमित फैचा थें यानाः छ्वयाच्‍वनागु दु। उकिं छिपिं सर्प थें चंख जुइमाः, अले सुकुभतु थें स्‍वजा जुइमाः।

यूहन्‍ना 4:9

सामरी मिसां वय्‌कःयात धाल – “छि छम्‍ह यहूदी जुयाः नं सामरी मिसाया ल्‍हातं लः त्‍वने ज्‍यू ला?” यहूदीतय्‌सं सामरीतय्‌गु ल्‍हातं नयेत्‍वनेगु मयाः।

प्रेरित 8:21

थ्‍व ज्‍याखँय् छं ल्‍हाः तये फइ मखु, छाय्‌धाःसा परमेश्‍वरयागु न्‍ह्यःने छंगु नुगः वँचु।