एज्रा 4:20 - नेवाः बाइबल

²⁰ बल्‍लाःपिं जुजुपिन्‍सं अन यूफ्रेटिस पच्‍छिमया प्रदेश न्‍यंक राज्‍य याःगु दु। अनयापिं मनूतय्‌के सरकारी कर काःगु दु।

एज्रा 4:20 ပူးပေါင်းရင်းမြစ်များ

उत्‍पत्ति 15:18

अबलय् हे परमप्रभुं अब्रामलिसे थुकथं बाचा चिनादिल, “जिं छिमि सन्‍तानयात मिश्र देशयागु खुसिंनिसें तःधंगु खुसि यूफ्रेटिसतकयागु थ्‍व देशत बियागु दु –

१ राजा 4:21

यूफ्रेटिस खुसिंनिसें कयाः पलिश्‍तीतय्‌गु देश व मिश्रया सिमाना तकयागु फुक्‍क देशय् सोलोमनं शासन याइगु खः। अन च्‍वंपिं मनूतय्‌सं सोलोमनयात कर पुलिगु, वयागु जिवंकाछि हे इपिं वयागु अधीनय् च्‍वन।

१ राजा 4:24

वं यूफ्रेटिस खुसिया पच्‍छिमपाखेया फुक्‍क देश, अर्थात तिफसांनिसें कयाः पच्‍छिमपाखे गाजा तक शासन याइगु खः अले प्‍यखें शान्‍ति दु।

१ राजा 5:1

सोलोमन थः अबु दाऊदया थासय् जुजु अभिषेक जूगु दु धइगु खँ न्‍यनाः टुरोसया जुजु हीरामं वयाथाय् दूतत छ्वल। छाय्‌धाःसा व न्‍ह्याबलें दाऊदनापं मिलय् जुयाच्‍वंगु खः।

१ राजा 5:4

तर आः परमप्रभु जिमि परमेश्‍वरं जितः प्‍यखेरं आराम बियादीगु दु, उकिं आः जिगु सुं शत्रु मदु, छुं मभिंगु घटना नं जुयाच्‍वंगु मदु।

१ इतिहास 18:13

अबीशैनं एदोमय् छाउनीत तल, अले सकल एदोमीत दाऊदया अधीनय् च्‍वन। दाऊद न्‍ह्याथाय् वंसां परमप्रभुं वयात त्‍याकादिल।

१ इतिहास 18:3

यूफ्रेटिस खुसिया लिक्‍क च्‍वंगु लागा त्‍याका कायेत वनाच्‍वंम्‍ह सोबाया जुजु हददेजेरयात दाऊदं हमातया लिक्‍क बुकल।

१ इतिहास 18:6

अले दाऊदं अरामया दमस्‍कस शहरय् प्‍यखें छाउनीत तल। अरामीतय्‌सं दाऊदया अधीनय् च्‍वनाः वयात कर पुल। थुकथं दाऊद, न्‍ह्याथाय् वंसां परमप्रभुं वयात त्‍याकादिल।

१ इतिहास 19:19

हददेजेरया अधीनय् च्‍वंपिं जुजुपिन्‍सं जिमित इस्राएलं त्‍याकल धकाः सियाः दाऊदलिसें सन्‍धियात अले वयागु अधीनय् च्‍वन। अनंलि अरामीतय्‌सं हाकनं अम्‍मोनीतय्‌त ग्‍वाहालि बीगु इच्‍छा मयात।

२ इतिहास 17:11

छुं पलिश्‍तीतय्‌सं ला यहोशापातयाथाय् कोस्‍यालि व करकथं वहः नं हल। अले अरबीतय्‌सं वयाथाय् न्‍हय्‌द्वः व न्‍हय्‌सःम्‍ह (७,७००) भ्‍याःचा व न्‍हय्‌द्वः व न्‍हय्‌सःम्‍ह (७,७००) दुगुचा हल।

२ इतिहास 9:14

उलि जक मखु वयाथाय् बन्‍जाःतपाखें नं कर वइगु। अरबी जुजुपिं व इस्राएलया प्रान्‍त प्रान्‍तयापिं बडा-हाकिमतय्‌सं वयात लुँ व वहःया कर पुलिगु।

एज्रा 4:13

महाराज, थ्‍व शहर हाकनं दय्‌कल धाःसा अले थुकिया पखाः दय्‌केगु ज्‍या सिधल धाःसा मनूतय्‌सं कर पुली मखु अले महाराजया धुकुतिइ धिबा कम जुइ।

एज्रा 4:16

यरूशलेम शहर हाकनं दय्‌कल धाःसा अले थुकिया पखाः दनेगु ज्‍या सिधल धाःसा यूफ्रेटिसया पच्‍छिमया प्रदेशय् छःपिनिगु छुं अधिकार दइ मखु धकाः महाराजं सीकादिसँ।”

एज्रा 4:19

जिं मालास्‍वयेत आज्ञा बिया, पुलांगु इलंनिसें हे यरूशलेमं जुजुया अधिकारया विरोधय् राजद्रोह याःगु व अन गोलमाल व राजद्रोह जुया वयाच्‍वंगु खँ सीदत।

एज्रा 4:21

उकिं जिं हानं मेगु आज्ञा मब्‍युतले थुपिं मनूतय्‌त शहर दय्‌केगु ज्‍या दिकेत आज्ञा ब्‍यु।

एज्रा 7:24

पुजाहारीत, लेवीत, म्‍ये हालीपिं, ध्‍वाखाय् पिवाः च्‍वनिपिं, देगलय् सेवा याइपिं वा परमेश्‍वरया थ्‍व देगःयागु मेमेगु ज्‍या याइपिन्‍के सरकारी कर वा महसूल कायेगु छिपिं छ्यान्‍जेतय्‌त अधिकार मदु धकाः छिमिसं सीकि।

भजनसंग्रहया सफू 72:8

वयागु राज्‍य छगू समुद्रं मेगु समुद्र जुयाः न्‍यनावनेमा यूफ्रेटिस खुसिंनिसें पृथ्‍वीया कुनय् तक।

विलाप 1:1

न्‍हापा ग्‍वाः ग्‍वाः मनूत दुगु यरूशलेम, आः गुलि झिजांमिजां दंगु दु! आः व भाःत सी धुंकूम्‍ह थें जूगु दु। छगू इलय् व जाति जातितय्‌गु दथुइ तःधंगु, प्रान्‍त प्रान्‍तय् राजकुमारी थें खः, तर आः व दासी जूगु दु।

इजकिएल 19:11

शासकतय्‌गु राजदण्‍ड दय्‌केत उकी बल्‍लाःगु कचात दु। ख्‍वातुगु कचातय्‌गु दथुइ व तज्‍जाः जुयाः थाहां वल। उकिया कचात यक्‍व दु। व तज्‍जाः खने दु।

मत्ती 9:9

येशू अनं मेथाय् झायाच्‍वनादीबलय् मत्ती धयाम्‍ह छम्‍ह मनूयात कर कायेगु अड्डाय् च्‍वनाच्‍वंगु खन। अले वय्‌कलं वयात सःतादिल – “जि नाप वा।” अले व दनाः वय्‌कः नाप वन।