एज्रा 4:2 - नेवाः बाइबल

² उकिं इमिसं यरूबाबेल व परिवार परिवारया नायःतथाय् वनाः धाल, “जिमित नं छिपिंनापं देगः दय्‌केब्‍यु छाय्‌धाःसा जिपिं नं छिमि परमेश्‍वरयात आराधना याइपिं खः। जिमित थन हःम्‍ह अश्‍शूरया जुजु एसरहदोनया पालंनिसें हे जिमिसं वय्‌कःयात हे बां बियावयाच्‍वनागु दु।”

एज्रा 4:2 ပူးပေါင်းရင်းမြစ်များ

उत्‍पत्ति 10:11

अनं हे व अश्‍शूर धाःथाय् वन। अन वं निनवे, रहोबोत-इर व कालह शहर दय्‌कल।

२ राजा 17:24

अश्‍शूरयाम्‍ह जुजुं बेबिलोन, कूता, अव्‍वा, हमात व सपर्बेम शहरं मनूत हयाः इस्राएलीतय्‌गु थासय् सामरियाया शहर शहरय् तल। इमिसं उपिं शहरत अधीनय् कयाः अन च्‍वन।

२ राजा 17:41

इमिसं परमप्रभुया आराधना यानाच्‍वंगु जूसां थःगु मूर्तियात पुजा यायेगु ज्‍या नं याना हे च्‍वन। थौं तक नं इमि काय् म्‍ह्याय्‌पिन्‍सं व छय् छुइपिन्‍सं अथे हे यानाच्‍वंगु दु।

२ राजा 19:37

छन्‍हु व थः द्यः निस्रोकया देगलय् पुजा यानाच्‍वंबलय् वया काय्‌पिं अद्रम्‍मलेक व शरेसेरं वयात तरवारं स्‍यात। अले इपिं आरारात देशय् बिस्‍युं वन। वया लिपा वयागु थासय् वया काय् एसरहदोन जुजु जुयाः राज्‍य यात।

एज्रा 1:5

अनंलि यरूशलेमय् परमप्रभुया देगः हाकनं दय्‌केत परमेश्‍वरं ग्‍वाकादीपिं यहूदा व बेन्‍यामीन कुलया परिवारयापिं मू मू मनूत अले पुजाहारीत व लेवीत सकलें हे च्‍वय् वनेत तयार जुल।

एज्रा 2:2

इमि नायःत थुपिं खः – यरूबाबेल, येशूअ, नहेम्‍याह, सरायाह, रेलयाह, मोर्दकै, बिल्‍शान, मिस्‍पार, बिग्‍वै, रेहूम व बानाहा। लिहांवःपिं इस्राएली मिजंतय्‌गु नां धलः थथे दु –

एज्रा 3:12

न्‍हापायागु देगः खंपिं बुरापिं पुजाहारीत, लेवीत व परिवार परिवारया नायःत थ्‍व देगःया जग तःगु खनाः ह्वाँय्‌ह्वाँय् ख्‍वल। मेपिन्‍सं धाःसा लय्‌लय्‌तायाः जयजय यात।

एज्रा 3:2

योसादाकया काय् येशूअ व वया थःथिति पुजाहारीत अले शालतिएलया काय् यरूबाबेल व वया थःथितिनापं मिलय् जुयाः परमेश्‍वरया मनू मोशाया व्‍यवस्‍थाय् च्‍वया तः थें होमबलि छायेत इस्राएलया परमेश्‍वरया वेदी दय्‌कल।

नहेम्‍याह 9:32

“उकिं हे जिमि परमेश्‍वर, छि तःधंम्‍ह, बल्‍लाम्‍ह, मानय् यायेमाःम्‍ह व दयामायाया बाचा पूवंकादीम्‍ह परमेश्‍वर खः। अश्‍शूरया जुजुपिनिगु इलंनिसें थौं तक जिमिसं, जिमि जुजुपिं, जिमि हाकिमत, जिमि पुजाहारीत व जिमि अगमवक्तात, जिमि पुर्खात व छिकपिनि फुक्‍क मनूतय्‌सं गुलि दुःख फयागु दु व लुमंकादिसँ।

भजनसंग्रहया सफू 73:8

इमिसं मेपिन्‍त हेस्‍याना जुइ, अले मभिंगु खँ ल्‍हाना जुइ इमिसं घमण्‍ड याना जुइ, अले मेपिन्‍त क्‍वह्यंकाजुइ।

यशैया 37:37

उकिं अश्‍शूरयाम्‍ह जुजु सनहेरीबं छाउनी स्‍यंकाः निनवेय् लिहां वन। व वनाः अन हे च्‍वन।

यशैया 37:38

छन्‍हु व थः द्यः निस्रोकया देगलय् पुजा यानाच्‍वंबलय् वया काय्‌पिं अद्रम्‍मलेक व शरेसेरं वयात तरवारं स्‍यात, अले इपिं आरारात देशय् बिस्‍युं वन। वया लिपा वयागु थासय् वया काय् एसरहदोन जुजु जुयाः राज्‍य यात।

होशे 14:3

अश्‍शूरं जिमित बचय् याये फइ मखु, जिपिं सल गयाः लडाइँ याः वने मखु। जिमिसं हाकनं गुबलें थःगु ल्‍हातं दय्‌कागु मूर्तियात ‘जिमि द्यःत’ धकाः धाये मखु, छाय्‌धाःसा छिपाखें मांबौ मदुपिन्‍त कृपा दइ।”

गलाती 2:4

जिमिसं ख्रीष्‍टपाखें कयागु छुत्‍कारायागु खँ सीकेत जिमिगु चिवा कायेत फताहा विश्‍वासी जुयाः अन वःपिं छम्‍ह निम्‍हय्‌सिनं धाःसा थ्‍व खँ पितहल। इमिसं जिमित दासयात थें व्‍यवस्‍थां धाःथें हे यायेमाः धकाः कर यात।

२ तिमोथी 3:8

यान्‍नेस व याम्‍ब्रेसं मोशायात मभिंका जू थें इमिसं नं सत्‍य खँयात मभिंका जुइ। इमिगु बुद्धि स्‍यने धुंकल, अले इमिके विश्‍वास हे मदये धुंकल।