एज्रा 4:16 - नेवाः बाइबल

¹⁶ यरूशलेम शहर हाकनं दय्‌कल धाःसा अले थुकिया पखाः दनेगु ज्‍या सिधल धाःसा यूफ्रेटिसया पच्‍छिमया प्रदेशय् छःपिनिगु छुं अधिकार दइ मखु धकाः महाराजं सीकादिसँ।”

एज्रा 4:16 ပူးပေါင်းရင်းမြစ်များ

२ शमूएल 8:3

हाकनं यूफ्रेटिस खुसिया लिक्‍क च्‍वंगु लागा त्‍याका कायेत वनाच्‍वंम्‍ह सोबाया जुजु, रहोबया काय् हददेजेरयात दाऊदं हमातया लिक्‍क बुकल।

१ राजा 4:24

वं यूफ्रेटिस खुसिया पच्‍छिमपाखेया फुक्‍क देश, अर्थात तिफसांनिसें कयाः पच्‍छिमपाखे गाजा तक शासन याइगु खः अले प्‍यखें शान्‍ति दु।

एज्रा 4:15

पुलांगु भ्‍वँतय् माला स्‍वल धाःसा थ्‍व यरूशलेम शहर छगू विद्रोही शहर जूगु व पुलांगु इलंनिसें हे जुजुपिं व प्रदेशयापिं शासकतय्‌त दुःख बियावयाच्‍वंगु खँ छःपिन्‍सं सीकादी। अथे जुयाः हे थ्‍व शहरयात नाश याःगु खः।

एज्रा 4:17

जुजु अर्तासास्‍तं थथे लिसः बिल, राज्‍यपाल रेहूम, प्रदेशयाम्‍ह छ्यान्‍जे शिम्‍शै अले सामरिया व पच्‍छिम यूफ्रेटिसयागु प्रदेशया मेगु ल्‍यंदनिगु इलाकाय् च्‍वंपिं इमिनापं ज्‍या याइपिन्‍त ज्‍वजलपा।

एज्रा 4:20

बल्‍लाःपिं जुजुपिन्‍सं अन यूफ्रेटिस पच्‍छिमया प्रदेश न्‍यंक राज्‍य याःगु दु। अनयापिं मनूतय्‌के सरकारी कर काःगु दु।