एज्रा 3:9 - नेवाः बाइबल

⁹ लेवी येशूअ, वया काय्‌पिं व किजापिं अले कादमीएल व वया काय्‌पिं (होदबिया सन्‍तान) अले हेनादाद वंशयापिं लेवीत सकल मिलय् जुयाः परमेश्‍वरया देगः दय्‌केगु ज्‍या याइपिन्‍त स्‍वयेगु ज्‍या यात।

एज्रा 3:9 ပူးပေါင်းရင်းမြစ်များ

१ इतिहास 23:4

जुजुं नीइप्‍यद्वःम्‍ह मनूतय्‌त देगःया ज्‍या स्‍वयेत, खुद्वःयात हाकिम व न्‍याय यायेत,

२ इतिहास 34:12

थुपिं मनूतय्‌सं विश्‍वास यायेबहः जुयाः ज्‍या यात। इमिसं मरारी वंशया लेवीत यहत व ओबदिया अले कहातया वंशया जकरिया व मशुल्‍लामया अधीनय् ज्‍या यात। थुपिं लेवीत बांलाक बाजं थाये सःपिं खः।

एज्रा 2:40

लिहांवःपिं लेवीतय्‌गु नां धलः थथे दु – येशूअ व कादमीएलया सन्‍तान (होदबियाया वंशपाखें) ७४ म्‍ह

एज्रा 3:8

यरूशलेमय् परमेश्‍वरया देगलय् इपिं थ्‍यंकः वःगु निगूगु दँया निगूगु लाय् शालतिएलया काय् यरूबाबेल, योसादाकया काय् येशूअ, पुजाहारीत, लेवीत अले बेबिलोनं लिहांवःपिं सकसिनं ज्‍या शुरु यात। परमप्रभुया देगः दय्‌काच्‍वंगु ज्‍या स्‍वयेत निइदँ व व स्‍वयां च्‍वय्‌यापिं लेवीतय्‌त इमिसं ल्‍यल।

नहेम्‍याह 3:24

वया नापसं, अजर्याहया छेँनंनिसें पखाःयागु कुं व कुन्‍चा तक हेनादादया काय् बिन्‍नूईनं दय्‌कल।

नहेम्‍याह 7:43

लेवीत- होदबिया व कादमीएलया वंशपाखें येशूअया सन्‍तान ७४ म्‍ह