एज्रा 3:7 - नेवाः बाइबल

⁷ इमिसं दकःमि व सिकःमितय्‌त धिबा अले सीदोन व टुरोसय् च्‍वंपिं मनूतय्‌त लेबनानं समुद्रया लँपु जुयाः योप्‍पा तक देवदारुया सिँ हयेत नयेगु नसा त्‍वँसा व चिकं बिल। छाय्‌धाःसा फारसयाम्‍ह जुजु कोरेसं थथे यायेत मन्‍जुरी ब्‍यूगु खः।

एज्रा 3:7 ပူးပေါင်းရင်းမြစ်များ

२ शमूएल 5:11

टुरोसया जुजु हीरामं दूतत दाऊदयाथाय् छ्वत। अले वं इपिं नापं सिकःमि-दकःमित व देवदारुया सिँ नं छ्वल। इमिसं दाऊदया निंतिं छगू दरबार नं दय्‌कल।

१ राजा 5:6

“उकिं छिं जिगु निंतिं लेबनानया देवदारुया सिमा पालेत आज्ञा बियादिसँ। जिमि मनूतय्‌सं छिकपिनि मनूतनापं मिलय् जुयाः ज्‍या याइ। छिं गुलि ज्‍याला क्‍वःछिनादिल उलि हे ज्‍याला जिं छिकपिनि मनूतय्‌त बी। सीदोनीत थें जिपिं सिँ पाले सःपिं मखु धकाः छिं सी हे स्‍यू।”

२ राजा 12:10

सनू जाइबलय् जुजुया छ्यान्‍जे व दकलय् तःधंम्‍ह पुजाहारी परमप्रभुया देगलय् वइगु अले धिबा ल्‍याः कायाः म्‍हिचाय् तइगु।

२ राजा 12:13

इमिसं परमप्रभुया देगःया निंतिं वहःया ख्‍वला, इताःया चिम्‍ता व छ्वाकिगु बाता व तुरही वा लुँ वहःया छुं नं ज्‍वलं दय्‌केत परमप्रभुया देगलं हःगु धिबा खर्च मयाः।

२ इतिहास 34:10

वं व ध्‍यबा परमप्रभुया देगः ल्‍ह्वनेगु ज्‍या स्‍वइपिं मनूतय्‌गु जिम्‍माय् बिल। इमिसं व धिबा देगः ल्‍ह्वनेगु व भिंकेगु ज्‍या याइपिं ज्‍याकःमितय्‌त बिल।

एज्रा 3:6

उबलय् परमप्रभुया देगःयागु जग तःगु मदुनिसां इमिसं न्‍हय्‌गूगु लाया न्‍हापांगु दिनंनिसें परमप्रभुयात होमबलि छायेगु याना हल।

इजकिएल 27:17

“‘यहूदा व इस्राएलं छलिसें व्‍यापार यात। छंगु मालतालया पलेसा इमिसं छन्‍त मिन्‍नीतयागु छ्व अले मरि, कस्‍ति, चिकं व मलम बिल।

योना 1:3

योना परमप्रभुयापाखें बिस्‍युं वनेत मेखे स्‍वयाः वन। व योप्‍पा थ्‍यन। वं अन तार्शीश वनेत्‍यंगु जहाज नापलात। धिबा पुलाः व जहाजय् च्‍वन। परमप्रभुयापाखें बिस्‍युं वनेत व तार्शीशपाखे वन।

प्रेरित 12:20

हेरोद टुरोस व सिडोनय् च्‍वंपिं मनूतलिसे तसकं तंचाया च्‍वंगुलिं इमिसं मिलय् जुयाः हेरोदयात लय्‌ताय्‌केत स्‍वयाच्‍वन। उकिं इमि सुं मनूत वयाः हेरोदया बलस्‍तस धाःम्‍ह मनूयात ल्‍हातय् कयाः मिलय् जुयाच्‍वनेगु धकाः बिन्‍ति यात, छाय्‌धाःसा हेरोदयागु हे देशं इमिसं नसा कयाच्‍वंगु खः।

प्रेरित 9:36

अबलय् योप्‍पा धाःगु थासय् तबीता धाःम्‍ह छम्‍ह मिसाम्‍ह चेला च्‍वनाच्‍वंगु दु। ग्रीक भाषां वयागु नां डोरकास जुइ। व छम्‍ह भिंगु भिंगु जक ज्‍या याना व मेपिन्‍त ग्‍वाहालि यानाजुइम्‍ह मिसा खः।

प्रेरित 9:38

लुड्डा योप्‍पां तामपाःगुलिं चेलातय्‌सं पत्रुस अन दनि धकाः सीकाः निम्‍ह मनूयात सःतके छ्वल। इमिसं वनाः धाल – “लिबाकादी मते, याकनं झासँ।”

प्रेरित 9:43

पत्रुस तःन्‍हु तक अन हे सिमोन धाःम्‍ह छेंगूया ज्‍या याइम्‍हय्‌सिगु छेँय् च्‍वन।