एज्रा 3:5 - नेवाः बाइबल

⁵ थुपिं बाहेक न्‍हियान्‍हिथंया होमबलि, अमाइ-बलि व परमप्रभुं क्‍वःछिनादीगु दँय्‌दसं मानय् यायेमाःगु फुक्‍क पवित्र नखःचखःया निंतिं देछा छाल। थुपिंनापं परमप्रभुया निंतिं थथःगु इच्‍छां हःगु फुक्‍क भेटी छाल।

एज्रा 3:5 ပူးပေါင်းရင်းမြစ်များ

२ इतिहास 31:14

परमप्रभुयात छाय्‌हःगु भेटी शुद्धयागु देछा इनाबीत परमेश्‍वरया निंतिं हःगु थःयसें देछा लेवी यिम्‍नाया काय् पुर्बया लुखाया पालय् कोरेया जिम्‍माय् खः।

एज्रा 3:6

उबलय् परमप्रभुया देगःयागु जग तःगु मदुनिसां इमिसं न्‍हय्‌गूगु लाया न्‍हापांगु दिनंनिसें परमप्रभुयात होमबलि छायेगु याना हल।

नहेम्‍याह 10:34

“जिपिं पुजाहारीत, लेवीत व मनूतय्‌सं व्‍यवस्‍थाय् च्‍वया तः थें परमप्रभु जिमि परमेश्‍वरयागु वेदीइ छ्वय्‌केत दँय्‌दसं क्‍वःछिनातःगु इलय् पालंपाः परिवार परिवार यानाः जिमि यागु देगलय् सिँ हयेत चिट्ठा तयागु दु।

यर्मिया 33:18

अले लेवी पुजाहारीतय्‌गु वंशय् न्‍हियान्‍हिथं जिगु लागि होमबलि छाइम्‍ह, अन्‍नबलि छ्वय्‌किम्‍ह व मेमेगु बलि छाइम्‍ह न्‍ह्याबलें दया हे च्‍वनी।’”

लेवी 1:2

“इस्राएलीतय्‌त धा, ‘सुनानं परमप्रभुया निंतिं बलि बीबलय् वयागु बलि सा द्वहंया बथां वा फै दुगुचाया बथांपाखें जुइमाः।

लेवी 1:3

“‘वं होमबलि सा द्वहंया बथांपाखें छायेगु खःसा व खू मदुम्‍ह मिजंम्‍ह जुइमा, वं व पशु नापलायेगु पालया ध्‍वाखाय् छाये हयेमाः अले व पशु परमप्रभुया न्‍ह्यःने वयागु लागिं नालेबहः जुइ।

लेवी 23:2

“इस्राएलीतय्‌त जिं ल्‍ययागु परमप्रभुया पवित्र नखःचखः थ्‍व हे खः धकाः धयाब्‍यु। ‘थुकियात छिमिसं पवित्र मुंज्‍या धकाः घोषणा या।

गन्‍ती 28:14

बां नाप माःगु त्‍वँसाबलि थथे जुइमाः, छम्‍ह छम्‍ह द्वहंचा नापं बच्‍छि हीन, भ्‍याःचानापं छगू हीनया स्‍वब्‍वय् छब्‍व, अले छम्‍ह छम्‍ह भ्‍याःचानापं छगू हीनया प्‍यब्‍वय् छब्‍व दाखमद्य छायेमाः। अमाइखुन्‍हु पतिकं छायेमाःगु होमबलि थ्‍व हे खः।

गन्‍ती 28:19

परमप्रभुयात विशेष देछाया निंतिं निम्‍ह द्वहंचा, छम्‍ह भ्‍याःचा अले न्‍हय्‌म्‍ह दच्‍छि दुपिं चिधिकःपिं भ्‍याःचा होमबलिकथं छायेमाः। थुपिं फुक्‍क खू मदुपिं जुइमाः।

गन्‍ती 28:27

छिमिसं परमप्रभुयात लय्‌ताय्‌कीगु नस्‍वाःगु होमबलिकथं निम्‍ह द्वहंचा, छम्‍ह भ्‍याःचा व दच्‍छि दुपिं न्‍हय्‌म्‍ह भ्‍याःचा छायेमाः।

गन्‍ती 29:13

छिमिसं परमप्रभुयात लय्‌ताय्‌कीगु नस्‍वाःगु विशेष देछाकथं होमबलिया निंतिं खू मदुपिं झिंस्‍वँम्‍ह द्वहंचा, निम्‍ह भ्‍याःचा अले दच्‍छि दच्‍छि दुपिं झिंप्‍यम्‍ह चिधिकःपिं भ्‍याःचा छाये हयेमाः।

गन्‍ती 29:2

छिमिसं परमप्रभुयात लय्‌ताय्‌कीगु नस्‍वाःगु होमबलिया निंतिं छम्‍ह द्वहंचा, छम्‍ह भ्‍याःचा व न्‍हय्‌म्‍ह दच्‍छि दुपिं भ्‍याःचा छायेमाः। थुपिं फुक्‍क खू मदुपिं जुइमाः।

गन्‍ती 29:39

“‘छिमिगु थःयसेंया बलि व भाकल बाहेक छिमिसं होमबलि, अन्‍नबलि, त्‍वँसाबलि व मेलबलित छिमिगु क्‍वछिनातःगु नखःबलय् परमप्रभुयात छायेमाः।’”

गन्‍ती 29:8

छिमिसं परमप्रभुयात लय्‌ताय्‌कीगु नस्‍वाःगु होमबलिकथं छम्‍ह द्वहंचा, छम्‍ह भ्‍याःचा व दच्‍छि दच्‍छि दुपिं न्‍हय्‌म्‍ह चिधिकःपिं भ्‍याःचायात देछायेमाः। थुपिं फुक्‍क खू मदुपिं जुइमाः।

व्‍यवस्‍था 12:17

छिमिसं छिमिगु अन्‍न, न्‍हूगु दाखमद्य, जैतूनया चिकंया झिब्‍वय् छब्‍व वा सा द्वहं, फैच्‍वलय्‌या न्‍हापां बूम्‍ह पशु वा भाकलयागु न्‍ह्यागु नं देछा, थः यःछिं बलि वा मेगु देछा छिमिगु थथःगु शहर दुने नये मते।

व्‍यवस्‍था 12:6

अन हे छिमिसं थःगु होमबलि, बलित, झिब्‍वय् छब्‍व, अले पवित्रगु देछा, भाकलया देछा व थः यःछि बलि अले सा द्वहं, फैच्‍वलय्‌या न्‍हापां बूम्‍ह मचा यंकेगु या।