एज्रा 3:10 - नेवाः बाइबल

¹⁰ परमप्रभुया देगः दय्‌कीपिन्‍सं जग तयेधुंकाः पुजाहारीत थथःगु वसः फिनाः तुरही ज्‍वनाः अले आसापया वंशयापिं लेवीत थथःगु भुस्‍याः ज्‍वनाः न्‍हापा इस्राएलयाम्‍ह जुजु दाऊदं आज्ञा ब्‍यू थें परमप्रभुयागु प्रशंसा यायेत दन।

एज्रा 3:10 ပူးပေါင်းရင်းမြစ်များ

१ इतिहास 15:24

परमेश्‍वरया सनूया न्‍ह्यःने तुरही पुइपिं पुजाहारीत शबन्‍याह, योशापात, नतनेल, अमासै, जकरिया, बनायाह व एलीएजर खः। ओबेद-एदोम व येहियाह उकिया लुखा पिवाःत खः।

१ इतिहास 15:27

दाऊद व सनू क्‍वबिपिं सकल लेवीत म्‍ये हालीपिं व म्‍ये हालिपिनि नायः कनन्‍याहं मलमलयागु वसः फिनातःगु दु। दाऊदं मलमलया एपोद नं फिनातःगु दु।

१ इतिहास 16:37

अले दाऊद जुजुं आसाप व वया लेवी दाजुकिजापिन्‍त न्‍हियान्‍हिथं यायेमाःगु नियमकथं बाचाया सनूया न्‍ह्यःने न्‍ह्याबलें सेवा यायेत तल।

१ इतिहास 16:42

पवित्र भजनया निंतिं तुरही पुइगु, भुस्‍याःत व मेमेगु बाजं थायेगु जिम्‍मा हेमान व यदूतूनयात ब्‍यूगु खः। यदूतूनया काय्‌पिन्‍त लुखाय् पिवाः च्‍वनेत तल।

१ इतिहास 23:5

प्‍यद्वःयात लुखा पिवाः च्‍वनेत व प्‍यद्वःयात दाऊदं दय्‌कूगु बाजं थानाः परमप्रभुया प्रशंसा यायेत ल्‍यल।

१ इतिहास 25:25

झिंच्‍यागूगु चिट्ठा हनानी, वया काय्‌पिं व वया दाजुकिजापिनिगु नामय् लात, १२ म्‍ह।

२ इतिहास 35:14

अनंलि हारूनया वंशयापिं पुजाहारीतय्‌सं बहनि तक हे होमबलि व पवित्र बलिं दाः इमिसं थःगु निंतिं व हारूनया वंशयापिं पुजाहारीतय्‌गु निंतिं तयारी यात।

२ इतिहास 35:15

आसापया सन्‍तान अर्थात म्‍ये हालीपिन्‍सं धाःसा दाऊद, आसाप, हेमान व जुजुया अगमवक्ता यदूतूनं क्‍वःछिनातःगु नियमकथं थथःगु थाय् काल। फुक्‍क लुखा पिवाःत थथःगु मू लुखाय् दनाच्‍वन। इमि थःथिति लेवीतय्‌सं इमिगु निंतिं तयारी याःगु जुयाः ध्‍वाखा पिवाःतय्‌सं थथःगु ज्‍या त्‍वःताः वये म्‍वाल।

२ इतिहास 5:12

सकल बाजं थाइपिं लेवीत आसाप, हेमान, यदूतून, इमि काय्‌पिं व थःथितिपिं नं सूती कापःया वसः फिनाः भुस्‍याः, वीणा व सारंगी, थानाः वेदीया पुर्बपाखे दन। इपिंनापं तुरही पुयाच्‍वंपिं सछि व निइम्‍ह पुजाहारी नं दु।

एज्रा 2:41

म्‍ये हालीपिं आसापया सन्‍तान १२८ म्‍ह

एज्रा 5:16

“उकिं शेशबस्‍सरं यरूशलेमय् वयाः परमेश्‍वरयागु देगःया जग तल। उबलय् निसें आः तक देगः दय्‌केगु ज्‍या जुयाच्‍वंगु दु तर आः तक सिधःगु मदुनि।”

भजनसंग्रहया सफू 150:5

भुस्‍याः थानाः वय्‌कःया प्रशंसा या। तसकं झ्‍याईं झ्‍याईं सःवइगु भुस्‍याः थानाः वय्‌कःया प्रशंसा या।

हाग्‍गै 2:15

“‘आः परमप्रभुयागु देगः दय्‌के न्‍ह्यः छिमित गथे जुयाच्‍वंगु खः थनिंनिसें छिमिसं बांलाक बिचाः या।

जकरिया 4:10

परमप्रभुं धयादिल, “ज्‍या भचा भचा जक शुरु जूगुयात हेला याये मते। अय्‌नं ज्‍या न्‍ह्याकेत यरूबाबेलया ल्‍हातय् दकःमिया खिपः दुगु खनाः इपिं लय्‌ताइ।” (उपिं त्‍वाःदेवाया न्‍हय्‌गः पाल्‍चा पृथ्‍वीया फुक्‍कभनं स्‍वया च्‍वनीगु परमप्रभुया मिखा खः।)

जकरिया 4:6

उकिं वं जितः धाल, “थ्‍व यरूबाबेलया निंतिं परमप्रभुया वचन खः, ‘शक्तिं मखु, बलं नं मखु, तर जिगु आत्‍मापाखें’ धकाः दक्‍व शक्ति दुम्‍ह परमप्रभुं धयादी।

जकरिया 4:7

“हे तःधंगु पर्वत, छ छु खः? यरूबाबेलया न्‍ह्यःने छ मैदान जुइतिनि। वं देगःया च्‍वय् फुसय् तइगु ल्‍वहंयात लिकयाः उकिया थासय् तइ, अले मनूत थथे धकाः ततःसलं हाली, ‘परमेश्‍वरं आशिष बियादीमा! थुकियात परमेश्‍वरं आशिष बियादीमा!’”

जकरिया 6:12

दक्‍व शक्ति दुम्‍ह परमप्रभुं वयात थ्‍व धयादिल, ‘स्‍व, कचा धाःम्‍ह थ्‍व मनू थःगु थासय् हे च्‍वन्‍ह्याया वइ अले वं परमप्रभुयागु देगः दय्‌की।

जकरिया 7:3

व दक्‍व शक्ति दुम्‍ह परमप्रभुया देगःयापिं पुजाहारीत व अगमवक्तातय्‌के थ्‍व खँ न्‍यनेत छ्वल, “झीसं आः तक न्‍हापांनिसें दँय्‌दसं यानाः थें न्‍यागूगु लाय् अपसं च्‍वनाः शोक यायेमाः ला?”

१ शमूएल 22:18

अथे जुयाः जुजुं एदोमी दोएगयात धाल, “अय् दोएग, वनाः पुजाहारीतय्‌त स्‍या।” अले एदोमी दोएगं वनाः पुजाहारीतय्‌त स्‍यात। उखुन्‍हु वं चयन्‍याम्‍ह एपोद फिनातःपिं पुजाहारीतय्‌त थःगु हे ल्‍हातं स्‍यात।