एज्रा 10:44 - नेवाः बाइबल

⁴⁴ थुपिं सकसिनं विदेशी मिस्‍तलिसें ब्‍याहा याःगु खः। थुपिं मध्‍ये छुं मनूतय् थुपिं बिदेशी मिस्‍तपाखें मचाखाचा नं दुगु खः।

एज्रा 10:44 ပူးပေါင်းရင်းမြစ်များ

१ राजा 11:1

जुजु सोलोमनं यक्‍व विदेशी मिस्‍तय्‌त यय्‌कल। फारोया म्‍ह्याय् बाहेक वं मोआबी, अम्‍मोनी, एदोमी, सीदोनी व हित्ती मिस्‍तय्‌त ब्‍याहा यात।

एज्रा 10:3

अथे जुयाः आः झीसं झी प्रभुयागु व थः परमेश्‍वरयागु आज्ञा मानय् याइपिनिगु सल्‍लाहकथं थज्‍याःपिं सकलें मिस्‍त व इमि मस्‍ततय्‌त त्‍वःतेत परमेश्‍वरया न्‍ह्यःने छगू बाचा चीनु। अले व्‍यवस्‍थाकथं ज्‍या यायेनु।

एज्रा 9:2

इस्राएलयापिं मिजंतय्‌सं मेगु जातियापिं मिस्‍तलिसें ब्‍याहा यानाच्‍वंगु दु। थुकथं परमेश्‍वरया पवित्र जाति स्‍यनावंगु दु। अले थ्‍व अपराधय् न्‍ह्यलुवा जुयाः यंकूगुलिइ मू नायःत व हाकिमत थुपिं हे खः।”

हितोपदेश 2:16

बुद्धिं छन्‍त व्‍यभिचारी मिसातय्‌पाखें व इमिगु पिचुगु खं बचय् याइ।

हितोपदेश 5:20

हे जिकाय्! छाय् छ व्‍यभिचारी मिसालिसे भेलय् पुना जुयागु? थ्‍व व मदुपिं मिसातय्‌गु जालय् छ छाय् तक्‍यना जुयागु?

हितोपदेश 5:3

व्‍यभिचारी मिसाया म्‍हुतुसि कस्‍ति थें चाकुसे च्‍वनी, अले वयागु खँ चिकं थें चुल्‍लुसे च्‍वनी।