एज्रा 10:11 - नेवाः बाइबल

¹¹ उकिं आः थः पुर्खाया परमप्रभु झी परमेश्‍वरया न्‍ह्यःने थथःगु पाप मानय् या। वय्‌कःया इच्‍छा पूवंकि अले विदेशी मनूतपाखें व छिमि विदेशी कलाःपाखें छिपिं ब्‍यागलं च्‍वँ।”

एज्रा 10:11 ပူးပေါင်းရင်းမြစ်များ

२ इतिहास 30:22

परमप्रभुया सेवा गथे यानाः यायेगु धकाः थुइके धुकूपिं लेवीतय्‌त हिजकियां प्रशंसा यात। थुकथं इमिसं मेलबलि छाछां परमप्रभु इमि पुर्खातय् परमेश्‍वरया प्रशंसा यायां न्‍हय्‌न्‍हु तक इमिसं नया हे च्‍वन।

एज्रा 10:10

अले पुजाहारी एज्रां दनाः इमित धाल, “छिमिसं विदेशी मिस्‍तलिसें ब्‍याहा यानाः अपराध याःगु दु, अले थुकिं यानाः इस्राएलया दोष अप्‍वः जूगु दु।

एज्रा 10:12

अले सभाय् मूंपिं सकल मनूतय्‌सं तःसलं लिसः बिल, “छिं गथे धयादिल, जिमिसं अथे हे याये।

एज्रा 10:3

अथे जुयाः आः झीसं झी प्रभुयागु व थः परमेश्‍वरयागु आज्ञा मानय् याइपिनिगु सल्‍लाहकथं थज्‍याःपिं सकलें मिस्‍त व इमि मस्‍ततय्‌त त्‍वःतेत परमेश्‍वरया न्‍ह्यःने छगू बाचा चीनु। अले व्‍यवस्‍थाकथं ज्‍या यायेनु।

एज्रा 9:1

थ्‍व फुक्‍क ज्‍या यायेधुंकाः नायःत जिथाय् वयाः धाल, “इस्राएलयापिं मनूत, पुजाहारीत व लेवीतय्‌सं नं थः जःलाखःला कनानी, हित्ती, परिज्‍जी, यबूसी, अम्‍मोनी, मोआबी, मिश्री व एमोरीतय्‌गु घच्‍चाइपुगु पुजायागु ज्‍यापाखें थःत अलग तःगु मदुनि।

नहेम्‍याह 13:3

मनूतय्‌सं व व्‍यवस्‍था न्‍यनाः फुक्‍क विदेशी वंशयापिं सन्‍तानयात इस्राएलपाखें अलग तल।

नहेम्‍याह 9:2

इमिसं थःपिन्‍त मेपिं विदेशीतपाखें अलग तल। थथःगु थासय् च्‍वनाः इमिसं थथःगु पाप व थः पुर्खातय्‌गु मभिंगु ज्‍या मानय् यात।

भजनसंग्रहया सफू 32:5

अले जिं छिगु न्‍ह्यःने जिगु पाप मानय् याना। जिं जिगु मभिंगु ज्‍याखँ छिगु न्‍ह्यःने मसुचुका। जिं थःम्‍हं थःत धया, “जिं परमप्रभुया न्‍ह्यःने थःगु पाप मानय् याये।” अले छिं जिगु फुक्‍क पापया दोष क्षमा बियादिल। सेला

हितोपदेश 28:13

थःगु पापया पश्‍चाताप मयात कि छ गुबलें थाहां वये फइ मखु। छं थःगु पापया पश्‍चाताप यानाः त्‍वःतल धाःसा परमेश्‍वरयागु दया माया छन्‍त दइ।

यशैया 56:4

छाय्‌धाःसा परमप्रभुं थथे धयादी, “जिगु विश्रामबार मानय् याइपिं, जितः यःथें ज्‍या याइपिं, अले जि व जि मनूतय्‌गु दथुइया बाचायात विश्‍वास यायेबहः जुयाः पालन याइपिं नपुंसकतय्‌त धाःसा,

यर्मिया 3:13

“छं थः परमप्रभु परमेश्‍वरया विरोधय् विद्रोही जुया, छं फुक्‍क वाउँगु सिमाया क्‍वय् द्यःतय्‌त पुजा यानाः जिगु विरोधय् व्‍यभिचार याना धकाः स्‍वीकार जक या,” परमप्रभुं धयादी।

यर्मिया 7:3

दक्‍व शक्ति दुम्‍ह परमप्रभु, इस्राएलयाम्‍ह परमेश्‍वरं थथे धयादी – छिमिगु पहःचहः व ज्‍या भिंकि, अले जिं छिमित थ्‍व थासय् च्‍वनेबी।

इजकिएल 18:30

“अथे जुयाः अय् इस्राएलया घराना, जिं छिपिं छम्‍ह छम्‍हय्‌सिगु न्‍याय वयागु पहःचहःकथं याये, जि, परमप्रभु परमेश्‍वर न्‍ववानागु दु। पस्‍ताय् चा, थःगु फुक्‍क अपराधपाखें लिहां वा, अले छिमिगु पाप छिमिगु पतनया कारण जुइ मखु।

यूहन्‍ना 9:24

इमिसं व कांम्‍ह मनूयात सःताः हानं धाल – “परमेश्‍वरया न्‍ह्यःने छं खःगु खँ ल्‍हाय् धकाः पाफ। छन्‍त लय्‌कूम्‍ह मनू पापी खः धकाः जिमिसं स्‍यू।”

रोमी 12:2

आवंनिसें थ्‍व संसारयापिं मनूतय्‌सं याना जू थें छिमिसं याना जुइ मते, बरु मनयात हीकाः न्‍हूपिं मनूत जुयाच्‍वँ। थुकथं याना जूसा परमेश्‍वरयागु इच्‍छा छु खः, अले भिंगु, वय्‌कःयात यःगु, व छु खँ ठीक जू छिमिसं बांलाक सीके थुइके फइ।

२ कोरिन्‍थी 6:17

अले हानं प्रभुं थथे धयादीगु दु – “छिपिं इमिगु पुचलं पिहां वा, अले छखे च्‍वँ। अशुद्ध खँ थी मते। अले जिं छिमित थः मनू याये।

कलस्‍सी 1:10

प्रभुयात यःकथं याना जुयाः छिमिसं वय्‌कःयात लय्‌ताय्‌केमा, भिंगु बांलाःगु ज्‍या यानाच्‍वने फयेमा, अले परमेश्‍वरयात अज्‍ज बांलाक म्‍हसीकाः वने फयेमा,

हिब्रू 13:21

थ्‍व हे परमेश्‍वरं छिमित वय्‌कःयात लय्‌ताय्‌केत माक्‍व भिंगु बांलाःगु फुक्‍कं बियादीमा। थुकथं येशू ख्रीष्‍टपाखें झीपिं वय्‌कःयात यय्‌क म्‍वानाच्‍वने फयेमा। वय्‌कः सदां तःधना च्‍वनेमा। आमेन।

यहोशू 7:19

अले यहोशूं आकानयात धाल, “हे जिमि काय्, परमप्रभु इस्राएलया परमेश्‍वरयात महिमा ब्‍यु, वय्‌कःयात इज्‍जत या! अले छं छु यानागु दु व जितः धा, जिगु न्‍ह्यःने व खँ सुचुके मते।”