एज्रा 1:6 - नेवाः बाइबल

⁶ इमि सकल जःलाखःलातय्‌सं थःगु इच्‍छां ब्‍यूगु देछानापं इमित वहःयागु थल, लुँ, लँय् माःगु सामान, पशु व थिकेथिकेगु मालताल बियाः ग्‍वाहालि बिल।

एज्रा 1:6 ပူးပေါင်းရင်းမြစ်များ

१ इतिहास 29:9

नायःतय्‌सं उपिं सामान थथःगु इच्‍छां परमप्रभुयात ब्‍यूगु खः। इमिसं दुनुगलंनिसें परमप्रभुयात ब्‍यूगु खः। नायःतय्‌सं अथे देछा ब्‍यूगुलिं मनूत तसकं लय्‌ताल। दाऊद जुजु नं तसकं लय्‌ताल।

एज्रा 1:4

ल्‍यंदुपिं यहूदीत गन गन च्‍वनाच्‍वंगु दु, उगु थाय्‌यापिं इमि जःलाखःलातय्‌सं लिहां वनीपिन्‍त वहः, लुँ, लँय् माःगु सामान व पशुत, अले यरूशलेमय् च्‍वंगु परमेश्‍वरया देगःया निंतिं थथःगु इच्‍छां देछा नं बीमाः।’”

एज्रा 8:33

अले प्‍यन्‍हु खुन्‍हु वहः व लुँ अले उपिं थलबल झी परमेश्‍वरया देगलय् लनाः उरियाहया काय् मरेमोत पुजाहारीया जिम्‍माय् बिया। वलिसें पीनहासया काय् एलाजार व निम्‍ह लेवीत येशूअया काय् योजाबाद व बिन्‍नूईया काय् नोअदिया दु।

नहेम्‍याह 6:9

जिपिं कमजोर जुइमा अले जिमिगु ज्‍या गुबलें सिमधय्‌मा धइगु बिचाः यानाः इमिसं ज्‍या दिकेत जिमित ख्‍यायेत स्‍वइगु। जिं प्रार्थना याना, “हे परमेश्‍वर, जिमिगु ल्‍हाः बल्‍लाकादिसँ।”

भजनसंग्रहया सफू 106:46

इमित ज्‍वनायंकूपिं सकसितं नं वय्‌कलं इमित माया याइपिं यानादिल।

भजनसंग्रहया सफू 110:3

छिं थः शत्रुतलिसें लडाइँ याःगु दिनय् छिकपिनि मनूत छिगु हे इच्‍छां न्‍ह्यःने वनी। सुथ न्‍हापांया सुतिलः थें छिकपिनि ल्‍याय्‌म्‍हपिं पवित्र पहाडय् छिथाय् वइ।

प्रस्‍थान 12:35

इस्राएलीतय्‌सं मोशां धाःथें यात। इमिसं मिश्रीतय्‌के लुँ, वहः, तिसा व वसः फ्‍वन।

प्रस्‍थान 12:36

अले परमप्रभुं मिश्रीतय्‌त इस्राएलीतप्रति बांलाःगु व्‍यवहार याइपिं यानादिल। इमिसं छु छु फ्‍वन, मिश्रीतय्‌सं दक्‍वं बिल। थुकथं इस्राएलीतय्‌सं मिश्रीतय्‌गु धन ज्‍वनाः वइ।

यशैया 35:3

बमलाःगु ल्‍हात बल्‍लाकि! अले बमलाःगु पुलि बल्‍लाकि!

२ कोरिन्‍थी 9:7

सकसिनं थःगु मनय् गुलि बी धकाः पक्‍का याःगु खः उलि हे ब्‍यु। बीधुंकाः नुगः मछिंका च्‍वने मज्‍यू, करंबरं बीगु नं बांमलाः, छाय्‌धाःसा लय्‌तायाः ब्‍यूम्‍ह मनू खनाः परमेश्‍वर लय्‌तायादी।