एज्रा 1:4 - नेवाः बाइबल

⁴ ल्‍यंदुपिं यहूदीत गन गन च्‍वनाच्‍वंगु दु, उगु थाय्‌यापिं इमि जःलाखःलातय्‌सं लिहां वनीपिन्‍त वहः, लुँ, लँय् माःगु सामान व पशुत, अले यरूशलेमय् च्‍वंगु परमेश्‍वरया देगःया निंतिं थथःगु इच्‍छां देछा नं बीमाः।’”

एज्रा 1:4 ပူးပေါင်းရင်းမြစ်များ

१ इतिहास 29:17

हे जिमि परमेश्‍वर, छिं छम्‍ह छम्‍हय्‌सिगु मन स्‍वयादी धकाः जिं स्‍यू, विश्‍वास बहःम्‍ह मनूत खनाः छि लय्‌तायादी। थुपिं फुक्‍क जिं विश्‍वास बहःम्‍ह जुयाः दुनुगलंनिसें थःगु इच्‍छां बियागु दु। थन मूंपिं छि मनूत छिथाय् थःगु देछा हःबलय् लय्‌ताः, व जिं खनागु दु।

१ इतिहास 29:3

“थःम्‍हं मुंकागु थुपिं फुक्‍क सामान बाहेक जिं थःगु धुकुतिं लुँ व वहः बियागु दु, छाय्‌धाःसा जिं थः परमेश्‍वरया पवित्र देगःयात माया याना।

१ इतिहास 29:9

नायःतय्‌सं उपिं सामान थथःगु इच्‍छां परमप्रभुयात ब्‍यूगु खः। इमिसं दुनुगलंनिसें परमप्रभुयात ब्‍यूगु खः। नायःतय्‌सं अथे देछा ब्‍यूगुलिं मनूत तसकं लय्‌ताल। दाऊद जुजु नं तसकं लय्‌ताल।

२ इतिहास 31:14

परमप्रभुयात छाय्‌हःगु भेटी शुद्धयागु देछा इनाबीत परमेश्‍वरया निंतिं हःगु थःयसें देछा लेवी यिम्‍नाया काय् पुर्बया लुखाया पालय् कोरेया जिम्‍माय् खः।

एज्रा 1:3

छिमिगु दथुइ च्‍वनाच्‍वंपिं वय्‌कःया मनूतय्‌त इस्राएलयाम्‍ह परमप्रभु परमेश्‍वरया देगः हाकनं दय्‌केत यहूदाया यरूशलेमय् लिहां वनेब्‍यु। वय्‌कलं इमित सुवाः बियादीमा। यरूशलेमय् दीम्‍ह वय्‌कः हे खः।

एज्रा 1:5

अनंलि यरूशलेमय् परमप्रभुया देगः हाकनं दय्‌केत परमेश्‍वरं ग्‍वाकादीपिं यहूदा व बेन्‍यामीन कुलया परिवारयापिं मू मू मनूत अले पुजाहारीत व लेवीत सकलें हे च्‍वय् वनेत तयार जुल।

एज्रा 9:15

परमप्रभु इस्राएलयाम्‍ह परमेश्‍वर, छि धर्मीम्‍ह खः। छिं जिमित म्‍वाका तयादीगु दु। थन जिपिं थःगु दोषनापं छिगु न्‍ह्यःने दु, खःला थुकिं यानाः जिपिं मध्‍ये छम्‍ह नं छिगु न्‍ह्यःने दने मफये धुंकूगु खः।”

प्रस्‍थान 35:29

मनदुपिं इस्राएली मिसा व मिजंतय्‌सं परमप्रभुं मोशापाखें बियादीगु उजंकथं फुक्‍क ज्‍याया निंतिं परमप्रभुयाथाय् थः यःछि देछा हल।

यशैया 10:21

इस्राएलया कम मनूत जक दक्‍व शक्ति दुम्‍ह परमेश्‍वरयाथाय् लिहां वइ।

प्रेरित 24:17

“यक्‍व दँ लिपा जि चीमिपिं दाजुकिजापिन्‍त धिबा बीत व परमेश्‍वरयात छाय्‌छी यायेत यरूशलेमय् लिहां वयागु खः।

गलाती 6:2

छम्‍हय्‌सिनं मेम्‍हय्‌सित दुःखबलय् ग्‍वाहालि यायेगु या। थुकथं छिमिसं ख्रीष्‍ट येशूयागु आज्ञा पूवंकी।