एज्रा 1:3 - नेवाः बाइबल

³ छिमिगु दथुइ च्‍वनाच्‍वंपिं वय्‌कःया मनूतय्‌त इस्राएलयाम्‍ह परमप्रभु परमेश्‍वरया देगः हाकनं दय्‌केत यहूदाया यरूशलेमय् लिहां वनेब्‍यु। वय्‌कलं इमित सुवाः बियादीमा। यरूशलेमय् दीम्‍ह वय्‌कः हे खः।

एज्रा 1:3 ပူးပေါင်းရင်းမြစ်များ

१ राजा 18:39

थ्‍व खनाः फुक्‍क मनूतय्‌सं बँय् ग्‍वारातुलाः थथे धाल, “परमप्रभु हे परमेश्‍वर खः, परमप्रभु हे परमेश्‍वर खः!”

१ राजा 8:23

प्रार्थना यात, “हे परमप्रभु! हे इस्राएलयाम्‍ह परमेश्‍वर! च्‍वय् स्‍वर्ग व क्‍वय् पृथ्‍वीइ छि थें जाःम्‍ह मेम्‍ह सुं हे ईश्‍वर मदु। छिं थः मनूतलिसें थःगु तःधंगु दयामाया या बाचा पूरा यानादी, गुपिन्‍सं दुनुगलंनिसें छिगु खँ न्‍यनाः जीवन हनी।

१ इतिहास 28:20

हानं दाऊदं थःकाय् सोलोमनयात धाल, “बल्‍लाः व साहसी जुयाः थ्‍व ज्‍या या। ग्‍याये मते, नुगः क्‍वतुंके मते, परमप्रभु परमेश्‍वर, जिमि परमेश्‍वर छनापं दी। परमप्रभुया देगःया सेवाया निंतिं फुक्‍क माःगु ज्‍या छं पूरा मयातले वय्‌कलं छन्‍त ग्‍वाहालि बियाच्‍वनी, वय्‌कलं छन्‍त त्‍वःतादी मखु।

एज्रा 1:4

ल्‍यंदुपिं यहूदीत गन गन च्‍वनाच्‍वंगु दु, उगु थाय्‌यापिं इमि जःलाखःलातय्‌सं लिहां वनीपिन्‍त वहः, लुँ, लँय् माःगु सामान व पशुत, अले यरूशलेमय् च्‍वंगु परमेश्‍वरया देगःया निंतिं थथःगु इच्‍छां देछा नं बीमाः।’”

एज्रा 4:3

यरूबाबेल, येशूअ व इस्राएलया परिवारया मेपिं सकल नायःतय्‌सं धाःसा इमित थथे लिसः बिल, “परमप्रभु जिमि परमेश्‍वरया निंतिं दय्‌का च्‍वनागु थ्‍व देगःलिसे छिमिगु छुं नं स्‍वापु मदु, फारसयाम्‍ह जुजु कोरेसं जिमित आज्ञा ब्‍यू थें देगः जिमिसं हे दय्‌के।”

एज्रा 5:13

“अथेसां बेबिलोनयाम्‍ह जुजु कोरेसया न्‍हापांगु दँय् जुजुं परमेश्‍वरया थ्‍व देगः हाकनं दय्‌केत आज्ञा बिल।

एज्रा 5:3

उगु हे इलय् पच्‍छिम यूफ्रेटिसया प्रदेशयाम्‍ह राज्‍यपाल तत्तनै, शत्तर-बोज्‍नै व इपिंनापं ज्‍या याइपिं इमिथाय् वयाः थथे धाल, “सुनां छिमित थ्‍व देगः दय्‌केगु व थुकियात माःगु सामान ज्‍वरय् यायेगु अधिकार बिल?”

एज्रा 6:7

छिमिसं देगः दय्‌काच्‍वंगु ज्‍या पने मते। यहूदायाम्‍ह राज्‍यपाल व यहूदी नायःतय्‌सं परमेश्‍वरयागु देगः उकियागु थासय् हे हाकनं दय्‌केमाः।

भजनसंग्रहया सफू 132:13

परमप्रभुं सियोनयात ल्‍ययादीगु दु। वय्‌कलं उकियात थः च्‍वनेगु थाय्‌या निंतिं यय्‌कादीगु दु।

भजनसंग्रहया सफू 83:18

छिगु नां परमप्रभु खः, इमिसं पृथ्‍वी न्‍यंकंयाम्‍ह दक्‍वसिबय् तःधंम्‍ह शासक खः धकाः म्‍हसीमा।

यशैया 37:16

“हे दक्‍व शक्ति दुम्‍ह परमप्रभु, इस्राएलया परमेश्‍वर, करूबतय् दथुइ सिंहासनय् च्‍वनादीम्‍ह, छि हे जक संसारया फुक्‍क राज्‍ययाम्‍ह परमेश्‍वर खः। छिं स्‍वर्ग व पृथ्‍वी दय्‌कादिल।

यशैया 44:28

गुम्‍हय्‌सिनं कोरेसया बारे धाइ, ‘व जिमि जवाः खः, अले जिगु फुक्‍क इच्‍छा वं पूवंकी। यरूशलेमया बारे वं धाइ, “व हाकनं दय्‌केमा,” अले देगःया बारे, “थुकियात हाकनं दय्‌की।”’

यशैया 45:5

जि परमप्रभु खः, जि बाहेक मेपिं सुं नं परमेश्‍वर मदु। छं जितः नाला मकाःसां जिं छन्‍त बल्‍लाके।

यर्मिया 10:10

तर परमप्रभु ला सत्‍य परमेश्‍वर खः, वय्‌कः ला, म्‍वाःम्‍ह परमेश्‍वर व सदांयाम्‍ह जुजु खः। वय्‌कः तंचायादीबलय् पृथ्‍वी खाइ। जाति जातितय्‌सं वय्‌कःया तं सह याये फइ मखु।

दानिएल 2:47

जुजुं दानिएलयात धाल, “धात्‍थें छिमि द्यःतय् नं परमेश्‍वर अले जुजुतय् प्रभु व सुलाच्‍वंगु खँ उलादीम्‍ह खः। जिं थ्‍व खँ स्‍यू छाय्‌धाःसा छं थ्‍व सुलाच्‍वंगु खँ उले फत।”

दानिएल 6:26

जिगु हुकुम थ्‍व हे खः। जिगु देशया अधिकार दुगु फुक्‍क थासय्‌यापिं मनूतय्‌सं दानिएलया परमेश्‍वरयागु भय कायेमाः अले वय्‌कःयात हनाबना यायेमाः। “छाय्‌धाःसा वय्‌कः म्‍वाःम्‍ह खः। वय्‌कः न्‍ह्याबलें दयाच्‍वनी। वय्‌कःया राज्‍य गुबलें स्‍यनावनी मखु। अले वय्‌कलं न्‍ह्याबलें राज्‍य यानादी।

मत्ती 28:20

अले जिं स्‍यना थें छिमिसं इमित स्‍यनेकने यानाः फुक्‍कं खँ मानय् याकि। न्‍यँ, संसार फुना मवंतले जि छिपिंनाप हे दइ।”

प्रेरित 10:36

परमेश्‍वरं येशू ख्रीष्‍टयापाखें इस्राएलीतय्‌त शान्‍ति बीगु भिंगु खँ न्‍यंकादिल। थ्‍व हे येशू ख्रीष्‍ट फुक्‍कसियां प्रभु खः।

व्‍यवस्‍था 32:31

छाय्‌धाःसा झी शत्रुतय्‌सं ताय्‌कूगु थें इमि द्यःत झी बल्‍लाःम्‍ह रक्षक थें मखु।

यहोशू 1:9

जिं छन्‍त आज्ञा बियागु, मखु ला? बल्‍ला व साहसी जु! ग्‍याये मते, नुगः क्‍वतुंके मते, छाय्‌धाःसा छ न्‍ह्याथाय् वंसां परमप्रभु छिमि परमेश्‍वर छनापं दइ।”