इजकिएल 8:6 - नेवाः बाइबल

⁶ वय्‌कलं जितः धयादिल, “अय् सीमानिम्‍ह मनू, इमिसं छु यानाच्‍वंगु छं खं ला? इस्राएलया घरानां जितः जिगु पवित्र थासं तापाक तयेत थन घच्‍चाइपुगु ज्‍या यानाच्‍वंगु दु। तर छं व स्‍वयाः झन अप्‍वः घच्‍चाइपुगु ज्‍या खनी।”

इजकिएल 8:6 ပူးပေါင်းရင်းမြစ်များ

२ इतिहास 29:5

अले इमित थथे धाल, “हे लेवीत, जिगु खँ न्‍यँ! आः थःपिन्‍त शुद्ध या, अले परमप्रभु छिमि पुर्खातय् परमेश्‍वरयागु देगःयात शुद्ध या। देगः दुने दुगु अशुद्ध सकतां परमप्रभुया देगलं पिने चीकाछ्व।

भजनसंग्रहया सफू 78:60

वय्‌कलं शीलो धाःथाय् च्‍वंगु नापलायेगु पाल तकं त्‍वःतादिल, वय्‌कः अन झीलिसे च्‍वनादीगु खः।

हितोपदेश 5:14

आकाझाकां फुक्‍कसिया न्‍ह्यःने इज्‍जत वंगु वाःचाल।”

यर्मिया 11:18

परमप्रभुं हे जितः धयादिल अले जिं सिल। वय्‌कलं हे इमिसं जिगु विरोधय् ग्‍वःगु जाः जितः क्‍यनादिल।

यर्मिया 23:11

“अगमवक्तात व पुजाहारीत तक नं परमेश्‍वरयात मानय् मयाइपिं जूगु दु। जिगु थःगु हे देगलय् नं इमिसं मभिंगु ज्‍या याःगु जिं लुइकागु दु,” परमप्रभुं धयादी।

यर्मिया 26:6

जिं थ्‍व देगःयात शीलोयात थें नाश यानाबी, अले पृथ्‍वीयागु फुक्‍क जातितय्‌सं थ्‍व शहरया नां कयाः सराः बी।’”

यर्मिया 3:6

योशियाह जुजुया पालय् परमप्रभुं जितः धयादिल, “विश्‍वास यायेबहः मजूम्‍ह इस्राएलं छु छु यात छु छं खना ला? वं फुक्‍क ततःजाःगु डाँडाय् व फुक्‍क वाउँगु सिमाया क्‍वय् वं व्‍यभिचार यात।

यर्मिया 32:34

इमिसं जिगु नां दुगु देगलय् थःगु घच्‍चाइपुगु मूर्तित थनाः उकियात अपवित्र यात।

यर्मिया 7:17

यहूदाया शहर शहरय् व यरूशलेमया गल्‍लि गल्‍लिइ इमिसं छु यानाच्‍वंगु दु, छु छं मखं ला?

यर्मिया 7:30

“यहूदायापिं मनूतय्‌सं जिगु मिखाय् मभिंगु ज्‍या याःगु दु, परमप्रभुं धयादी। जितः तसकं मयःगु मूर्तित इमिसं जिगु नां दुगु देगलय् तयातःगु दु अले देगःयात अशुद्ध यानाब्‍यूगु दु।

इजकिएल 10:18

परमप्रभुया महिमा देगःया लुखाखलुं पिहां वनाः करूबतय्‌गु च्‍वय् दित।

इजकिएल 10:19

अले जिं बांलाक स्‍वयाबलय् उपिं करूबत थथःगु पपू चक्‍कंकाः जमिनं च्‍वय् च्‍वय् थाहां वन। इपिं वंबलय् उपिं घःचाःत नं इपिं नापनापं च्‍वय् थाहां वन। अले इपिं परमप्रभुया देगःया पुर्बपाखेया मू ध्‍वाखाय् दित। इस्राएलया परमेश्‍वरया महिमा इमिगु च्‍वय् दु।

इजकिएल 11:22

अले थःगु लिक्‍क घःचाःत दुपिं करूबतय्‌सं थःगु पपू चकंकल। इस्राएलया परमेश्‍वरया महिमा इमिगु च्‍वय् दु।

इजकिएल 11:23

शहरया दथुं परमप्रभुया महिमा च्‍वय् थाहां वन, अले शहरया पुर्बपाखे दुगु पर्वतया च्‍वय् व दित।

इजकिएल 14:6

“उकिं इस्राएलया घरानायात थथे धा, ‘परमप्रभु परमेश्‍वरं थथे धयादी – पस्‍ताय् चा! थःगु मूर्तितपाखें लिहां वा, अले थःगु फुक्‍क घच्‍चाइपुगु ज्‍या त्‍वःति!

इजकिएल 18:12

गरीब व मगाःमचाःपिन्‍त क्‍वत्‍यलीगु, खुइगु, बरः तयातःगु सामान लित मबीगु, मूर्तितपाखे स्‍वइगु व घच्‍चाइपुस्‍से च्‍वंगु ज्‍या याइगु।

इजकिएल 43:8

इमिसं थःगु लुखाखलु जिगु लुखाखलुया लिक्‍क व थःगु लुखाया थांत जिगु लुखाया थांया न्‍ह्यःने दय्‌कूबलय् जिगु व इमिगु दथुइ छगू पःखाः तःबलय् इमिगु घच्‍चाइपुगु व्‍यवहारपाखें इमिसं जिगु पवित्र नांयात अपवित्र यात। उकिं तंम्‍वय् जिं इमित नाश याना।

इजकिएल 47:6

वं जितः धाल, “अय् सीमानिम्‍ह मनू, छं थ्‍व फुक्‍क बांलाक स्‍व!” अले वं हाकनं जितः खुसिया सिथय् यंकल।

इजकिएल 5:11

“गथे जि धात्‍थें म्‍वाःम्‍ह खः, जि, परमप्रभु परमेश्‍वरं धाये, छंगु फुक्‍क घच्‍चाइपुगु मूर्तित व छं याःगु घच्‍चाइपुगु व्‍यवहारपाखें जिगु पवित्र थाय्‌यात छं अशुद्ध याःगुलिं जिं धात्‍थें हे छिमित नाश याये, जिं छिमित मायां स्‍वये मखु अले जिं छन्‍त दया नं याये मखु।

इजकिएल 8:13

वय्‌कलं हाकनं जितः धयादिल, “इमिसं थ्‍व स्‍वयाः नं अप्‍वः घच्‍चाइपुगु ज्‍या यानाच्‍वंगु छं खनी।”

इजकिएल 8:14

अले वय्‌कलं जितः परमप्रभुया देगःया उत्तरयागु मू लुखाय् हयादिल। अन जिं फेतुनाः तम्‍मूज द्यःया निंतिं ख्‍वया च्‍वंपिं मिस्‍त खना।

इजकिएल 8:7

अले वय्‌कलं जितः चुकया लुखाय् यंकादिल। जिं स्‍वया, अंगलय् जिं छप्‍वाः प्‍वाः खना।

इजकिएल 8:9

अले वय्‌कलं जितः धयादिल, “दुने दुहां वनाः इमिसं थन यानाच्‍वंगु तसकं बांमलाःगु व घच्‍चाइपुगु ज्‍या स्‍व!”

होशे 5:6

इपिं फै-चोलय् व सा द्वहंया बलिदान ज्‍वनाः परमप्रभुयात माःवनीबलय् इमिसं वय्‌कःयात नापलाके फइ मखु। वय्‌कलं इमित त्‍वःतादिल।