इजकिएल 7:7 - नेवाः बाइबल

⁷ अय् देशय् च्‍वंम्‍ह मनू, छंगु नाश वये धुंकल। ई थ्‍यंकः वल, व दिं वये धुंकल, पर्वत पर्वतय् हलचल जूगु दु, लसता मखु।

इजकिएल 7:7 ပူးပေါင်းရင်းမြစ်များ

इजकिएल 12:28

“उकिं इमित धा, ‘परमप्रभु परमेश्‍वरं थथे धयादी – जिं धयागु छगू खँ नं पूरा जुइत आः लिबाइ मखुत तर जिं छु धयागु दु व पूरा जु हे जुइ, परमप्रभु परमेश्‍वरं धयादी।’”

इजकिएल 7:12

ई वःगु दु, दिं लिक्‍क वये धुंकल। न्‍याइम्‍ह लय्‌मतायेमा। मीम्‍ह दुःखी मजुइमा। छाय्‌धाःसा तं इमि फुक्‍क भीडयाके लाःगु दु।

यशैया 22:5

दर्शनया ब्‍यासिइ प्रभु, दक्‍व शक्ति दुम्‍ह परमप्रभुपाखें जू वःगु थ्‍व हाःहू व तुतिं न्‍हुत्तुन्‍हुयेगु व भयया दिं खः, पर्वतय् ग्‍वाहालि फ्‍वनेगु दिं।

उत्‍पत्ति 19:15

कन्‍हय् खुन्‍हु सुथ न्‍हापां निम्‍ह दूतं वयाः लोतयात थथे धयाः हथाय् चाय्‌कल, “थः कलाः व निम्‍ह म्‍ह्याय्‌पिं ज्‍वनाः याकनं पिहां हुँ। मखुसा परमप्रभुं थ्‍व शहर नाश यानादीबलय् छिपिं नं सी।”

१ पत्रुस 4:17

परमेश्‍वरं याकनं न्‍याय यानादी। दकलय् न्‍हापा परमेश्‍वरया मनूतय्‌त न्‍याय यानादी। थथे न्‍हापा झीत हे न्‍याय यानादी धाःसा भिंगु खँ मन्‍यंपिन्‍त झन गज्‍याःगु न्‍याय यानादीगु जुइ?

आमोस 4:13

पर्वतत दय्‌कादीम्‍ह व फय्‌यात सृष्‍टि यानादीम्‍ह परमेश्‍वर हे खः। वय्‌कलं मनूतय्‌त थःगु बिचाः सीकेबी। वय्‌कलं न्‍हियात चा यानादी, अले पृथ्‍वीया ततःजाःगु थासय् न्‍यासि झायादी। दक्‍व शक्ति दुम्‍ह परमप्रभु परमेश्‍वर वय्‌कःया हे नां खः।

यर्मिया 20:7

हे परमप्रभु, छिं जितः ह्यय्‌कादिल। जिं थःत ह्यय्‌के बिया। छि जि स्‍वयाः बल्‍लाः, छिं जितः त्‍याकादीगु दु। न्‍हियान्‍हिथं जितः हेस्‍याइगु। सकलें जि खनाः न्‍हिलीगु।

यशैया 17:14

सन्‍ध्‍याकाः इलय् छक्‍वलं भय वइ। सुथय् जुइ न्‍ह्यः तक उपिं दयाच्‍वनी मखु। जिमिगु देय् लुतय् याइपिनिगु गतिपति नं अथे हे जुइ।

यशैया 13:22

अनयागु किल्‍ला व दरबारय् ध्‍वंचातय्‌सं व फ्‍याकाधोंतय्‌सं थ्‍वय्‌कः हाःगु सः ताये दइ। बेबिलोनया ई लिक्‍क वःगु दु, वयागु ई आः अप्‍वः मन्‍त।

उत्‍पत्ति 19:24

अले परमप्रभुं सदोम व गमोरा शहरय् मि व गन्‍धकयागु वा गाय्‌कादिल।

यर्मिया 50:27

वया फुक्‍क द्वहंचात स्‍यानाब्‍यु! उपिं स्‍याइगु थासय् यंकेमाः! इमित धिक्‍कार दु! छाय्‌धाःसा इमिगु दिं वःगु दु। इमित सजाँय बीगु ई थ्‍यंकः वल।

यशैया 16:10

आः प्‍याःगु बुँया निंतिं लय्‌ताय् माःगु मदु। दाखक्‍यबय् सुं हा सः दइ मखु, अले म्‍ये नं हालाः हइ मखु, अले दाखया गालय् दाख नं तिसी मखु। छाय्‌धाःसा जिं इमिगु लसताया सः दिकाबियागु दु।

इजकिएल 30:3

छाय्‌धाःसा व दिं लिक्‍क हे दु, व सुपाँय्‌या दिं जुइ, व जाति जातिया लागि नाशया दिं जुइ।

योएल 1:15

हाय! व दिं! छाय्‌धाःसा परमप्रभुया दिं लिक्‍क दु। व ला दक्‍व शक्ति दुम्‍हपाखें सर्वनाश थें हे वइ।