इजकिएल 40:3 - नेवाः बाइबल

³ वय्‌कलं जितः अन यंकादिल, जिं छम्‍ह मनूयात अन खना, वयागु ख्‍वाःपाः कँय्‌यागु थें च्‍वं। वयागु ल्‍हातय् छगू सुतिया खिपः व नापे यायेगु कथि दु, व मू ध्‍वाखाय् दनाच्‍वंगु जिं खना।

इजकिएल 40:3 ပူးပေါင်းရင်းမြစ်များ

यशैया 28:17

जिं इन्‍साफयात नापे यायेगु खिपः व धार्मिकतायात धाःसा गं खायेगु दय्‌काबी। प्‍वँनं मखुगु खँ ल्‍हाइपिनिगु शरण कायेगु थाय् चुइकायंकी, अले लखं छिमिगु सुपीगु थाय् त्‍वःपुयाबी।

यशैया 8:20

परमेश्‍वरं छिमित स्‍यनातःगु खँ व साक्षीइ ध्‍यान ब्‍यु! इमिसं थ्‍व स्‍यनातःगु खँ कथं न्‍वमवात धाःसा इमिके सुथसिया जः दइ मखु।

इजकिएल 1:27

वयागु जंनिसें च्‍वय् वयागु ख्‍वाः ज्‍वाल्‍लच्‍वंगु धातु थें जिं खना, प्‍यखेरं मिं जाःगु थें। जंनिसें क्‍वय् नं वयागु ख्‍वाः मि थें खनेदत, अले वयागु छचाःखेरं थीगु जः दु।

इजकिएल 1:7

इमिगु तुति तप्‍यं, इमिगु तुतिपालि साचायागु तुतिपालि थें च्‍वं। उपिं ज्‍वाल्‍ल थीकातःगु कँय् थें हे ज्‍वाल्‍ल थीगु।

इजकिएल 41:1

अले वं जितः दुने पवित्र थासय् हल। अले उकिया लुखायाखसित नापे यात। उपिं खुसिया निखेंपाखेया ब्‍या ३.२ मिटर ३.२ मिटर दु।

इजकिएल 42:16

वं उगु नापे याइगु कथिं पुर्बयागु भागयात नापे यात। व २६५ मिटर दु।

इजकिएल 43:6

व मनू जिगु लिक्‍क दनाच्‍वंबलय् देगलय् दुनेनं सुं नवानाच्‍वंगु जिं ताल।

इजकिएल 47:3

व नापय् याइगु खिपः ल्‍हातय् ज्‍वनाः पुर्बपाखे वन, अले वं ५३० मिटर नापय् यात। वं जितः खुसिया उखेपाखे ब्‍वना यंकल, लः गौचा तक वः।

इजकिएल 8:2

जिं स्‍वया, मनू थें च्‍वंगु छगू आकार जिं खना। वयागु जँया क्‍वय् व मि थें च्‍वं, जँया च्‍वय् धाःसा प्‍वालप्‍वाल थीकातःगु धातु थें थी।

प्रकाश 1:15

वय्‌कःयागु तुति मिइ छुया दायाः तल तल थीकातःगु ली थें च्‍वं। अथे हे वय्‌कःयागु सः यक्‍व क्‍वब्‍वाःलःयागु सः थें च्‍वं।

प्रकाश 11:1

अले जितः नापय् यायेगु थें ज्‍याःगु तिंकथि छपु बियाः थथे धाल – “दँ, परमेश्‍वरयागु देगः, व वेदी नापय् या। अले अन वयाः आराधना याइपिं ल्‍याःखा।

प्रकाश 21:15

जि नाप खँ ल्‍हाःम्‍हय्‌सिके शहर, ध्‍वाखा व पःखाः नापय् यायेत लुँयागु गज दु।