इजकिएल 4:3 - नेवाः बाइबल

³ अनंलि छपा नँपाता कयाः उकियात छ व शहरया दथुइ छगू नँयागु पःखाः थें तयाब्‍यु! अले थःगु ख्‍वाः शहरपाखे स्‍वय्‌कि! व घेराय् लाःगु दु, छं उकियात घेरय् यानाः का। इस्राएलया घरानायात थ्‍व छगू चिं जुइ।

इजकिएल 4:3 ပူးပေါင်းရင်းမြစ်များ

यशैया 20:3

अनंलि परमप्रभुं धयादिल, “गुकथं जिमि दास यशैया मिश्र देश व कूश देशया ग्‍यानापुगु दुःखया चिं जुइमाः धकाः स्‍वदँ तक पचिंनांगा व लाकां मदय्‌क न्‍यासि जुल,

यशैया 22:7

छंगु भिंगु भिंगु ब्‍यासि रथतय्‌सं जाइ, अले सलगइपिं धाःसा शहरया मू ध्‍वाखाय् पिवाः च्‍वनेत छ्वइ।

यशैया 8:18

जि व परमप्रभुं जितः बियादीपिं काय्‌म्‍ह्याय्‌पिं थन हे दु। सियोन पर्वतय् च्‍वनादीम्‍ह दक्‍व शक्ति दुम्‍ह परमप्रभुयापाखें जिपिं इस्राएलय् चिं व छुमा खः।

यर्मिया 39:1

यरूशलेमयात थुकथं काल- सिदकियाह यहूदायाम्‍ह जुजु जूगु गुंगूगु दँया झिगूगु लाय् बेबिलोनयाम्‍ह जुजु थः फुक्‍क सेना ज्‍वनाः यरूशलेमय् हमला याः वल, अले उकियात कब्‍जा यायेत घेरय् यात।

यर्मिया 39:2

सिदकियाह जुजुं राज्‍य यानाच्‍वंगु झिंछगूगु दँया प्‍यंगूगु लाया गुंगूगु दिनय् उगु शहरया पःखाः तछ्यात।

इजकिएल 12:11

इमित धा, ‘जि छिमिगु निंतिं छगू चिं खः।’ “जिं गथे याना, अथे हे इमित याइ। इमित देशं कैदीतय्‌त थें ज्‍वना यंकी।

इजकिएल 12:6

इमिसं स्‍वयाच्‍वंबलय् हे व सामान छंगु ब्‍वहलय् ति, अले सन्‍ध्‍याकाः इलय् व क्‍वबिया यंकि। छं त्‍वःताच्‍वंगु देश मखनेमा धकाः छं थःगु ख्‍वाः त्‍वःपु। छाय्‌धाःसा जिं छन्‍त इस्राएलया घरानाया निंतिं छगू चिं यानागु दु।”

इजकिएल 5:2

शहरयात घेरय् याःगु दिं सिधइबलय् सँयागु स्‍वब्‍वय् छब्‍वयात शहरया दुने मिइ छ्वय्‌काब्‍यु! मेगु स्‍वब्‍वय् छब्‍व सँयात शहरया प्‍यखेरं तरवारं कुचा कुचा यानाब्‍यु, ल्‍यं दुगु स्‍वब्‍वय् छब्‍वयात धाःसा फसय् ब्‍वय्‌काब्‍यु। छाय्‌धाःसा उमित जिं तरवार ज्‍वनाः लिनाछ्वये।

दानिएल 11:17

वं थःगु देशयागु फुक्‍क बलनापं वयेगु क्‍वःछी अले दच्‍छिनया देशलिसे सन्‍धि याइ, अले व देश त्‍याका कायेत वं थः म्‍ह्याय् वयात ब्‍याहा यानाबी। अय्‌नं वयागु ग्‍वसाः ताःलाइ मखु, वयात ग्‍वाहालि नं दइ मखु।

लेवी 2:5

छिमिगु बलि ताप्‍केचाय् छूगु अन्‍नबलि खःसा, चिकं बुलातःगु सोडा मतःगु भिंगु छुचुंया जुइमाः।

लूका 2:34

अले शिमियोनं इमित आशिष बियाः मचाया मांयात थथे धाल – “इस्राएलय् च्‍वंपिं यक्‍व मनूतय्‌त भिंकेत नं स्‍यंकेत नं परमेश्‍वरं ल्‍ययादीम्‍ह मचा थ्‍व हे खः। थ्‍व मचा परमेश्‍वरयागु चिं जूगुलिं यक्‍वसिनं थ्‍वयागु विरोध याइ।

हिब्रू 2:4

अले हानं थ्‍व खँ सत्‍य खः धकाः झीत क्‍यनेत परमेश्‍वरं हे ततःधंगु शक्ति व अजू चायापुगु ज्‍या व चिं यानादिल। परमेश्‍वरं थःत यःपिन्‍त पवित्र आत्‍मायागु वरदान नं बियादिल।