इजकिएल 32:4 - नेवाः बाइबल

⁴ अबलय् जिं छन्‍त जमिनय् त्‍वःताबी। जिं छन्‍त मैदानय् वान्‍छ्वयाः आकाशयापिं फुक्‍क कथंयापिं झंगःपन्छितय्‌त छंगु च्‍वय् च्‍वनेबी। पृथ्‍वीयापिं फुक्‍क पशुतय्‌त छंगु ला नकेबी।

इजकिएल 32:4 ပူးပေါင်းရင်းမြစ်များ

भजनसंग्रहया सफू 63:10

इपिं तरवारं पालाः सी। अले ध्‍वंतय्‌गु आहार जुइ।

भजनसंग्रहया सफू 74:14

छिं लिव्‍यातन् नांयाम्‍ह समुद्रया राक्षसया छ्यं तछ्यानाः वयागु ला मरुभूमिया पशुतय्‌त नकेबियादिल।

यशैया 14:19

तर छन्‍त सीगालय् ज्‍यालगय् मजूगु सिमा कचायात थें वांछ्वइ। छ तरवारं सुया तःपिंनापं, तग्‍वःगु ल्‍वहंनापं गालय् कुतुं वनाः सीपिन्‍सं भुनातःगु दु। छ तुतिं न्‍हुयाः पालि तलय् लाःम्‍ह सीम्‍ह थें जूगु दु।

यशैया 18:6

इपिं फुक्‍कसिगु सीम्‍हतय्‌त झंगःत व गुँपशुतय्‌गु निंतिं त्‍वःताबी। उपिं सीम्‍हतय्‌त तान्‍वःबलय् झंगःतय्‌सं नइ अले चिकुलाबलय् गुँपशुतय्‌सं नइ।

यशैया 66:24

“अले इपिं पिहां वयाः जिगु विरोधय् जिराहा जूपिं मनूतय्‌गु सीम्‍ह स्‍वःवइ। इमिगु की सी मखु, इमिगु मि सी मखु, अले इपिं फुक्‍क मनूत व जातितय्‌त घच्‍चाइपुस्‍य च्‍वनी।”

यर्मिया 25:33

उबलय् परमप्रभुं स्‍यानादीपिनिगु सीम्‍ह पृथ्‍वीया छगू कुन्‍चांनिसें मेगु कुन्‍चा तक लानाच्‍वनी। इमिगु लागि ख्‍वइपिं सुं नं दइ मखु। इमिगु सीम्‍ह सुनां मुनी नं मखु थुनी नं मखु। सीम्‍हत जमिनय् सौ थें लानाच्‍वनी।

यर्मिया 8:2

मनूतय्‌सं माया यानाः सेवा याःगु, सल्‍लाह काःगु व पुजा याःगु सूर्य, तिमिला व आकाशया नगुतय्‌गु न्‍ह्यःने उपिं क्‍वँय्‌त ब्‍वइ। मुनाः चिहानय् थुनीगु पलेसा उपिं क्‍वँय् बँय् साः थें लानाच्‍वनी।

इजकिएल 29:5

छ व छंगु खुसिचायापिं फुक्‍क न्‍यातय्‌त जिं मरुभूमिइ त्‍वःताबी। छ चक्‍कंगु ख्‍यलय् क्‍वःदली। छन्‍त सुनानं मुंकी मखु वा लानाकाइ मखु। जिं छन्‍त पृथ्‍वीयापिं पशुत व आकाशयापिं झंगःपन्छितय्‌गु आहारा यानाबी।

इजकिएल 35:8

जिं छंगु पहाडत स्‍याःपिं मनूतय्‌गु सीम्‍हं जाय्‌काबी। तरवारं स्‍याःपिं छंगु डाँडा डाँडाय् व छंगु ब्‍यासिइ ब्‍यासिइ खुसिचा खुसिचाय् कुतुं वनी।

योएल 3:19

तर यहूदाय् च्‍वंपिं मनूतय्‌त अत्‍याचार याःगुलिं व द्वंमदुपिनिगु हि बाः वय्‌कूगुलिं, मिश्र देश उजाड जुइ व एदोम छुं बुया मवइगु मरुभूमि जुयावनी।