इजकिएल 32:3 - नेवाः बाइबल

³ “‘परमप्रभु परमेश्‍वरं थथे धयादी, “‘जिं छन्‍त जिगु जालय् क्‍यंकेत यक्‍व मनूत छ्वयाहये, इमिसं छन्‍त जिगु जालय् साली।

इजकिएल 32:3 ပူးပေါင်းရင်းမြစ်များ

अय्‍यूब 7:12

छु जि समुद्र खः ला? अथवा समुद्रयाम्‍ह ग्‍यानापुम्‍ह जन्‍तु खः ला? छाय् छिं जितः स्‍वयेत पिवाः तयादियागु?

उपदेशक 9:12

थ्‍व बाहेक थःगु काल गुबलय् वइ धकाः सुं मनुखं मस्‍यू। न्‍या जालय् क्‍यं थें अले चखुंचा स्‍वःतिपाँय्‌लय् लाः थें मनूत नं आकाझाकां इमिके वइगु विपत्तिइ लाइ।

यर्मिया 16:16

“तर आः जिं यक्‍व न्‍या लाइपिं छ्वये, इमिसं थुपिं मनूतय्‌त लाइ,” परमप्रभुं धयादी। “अनंलि जिं थःम्‍हं हे यक्‍व शिकारीतय्‌त छ्वये, इमिसं थुमित फुक्‍क पर्वत, डाँडा व गुफां मामां लिकाइ।

विलाप 1:13

“वय्‌कलं स्‍वर्गं जिगु क्‍वँय् दुने मि कुर्का दिल, व मि जिगु दुने छ्वल। वय्‌कलं जिगु तुतिया लागि जाः तयादिल, अले जितः लितछ्वयादिल। वय्‌कलं जितः सुनसान यानाः त्‍वःतादिल अले न्‍हिच्‍छि हे बम्‍लाकादिल।

इजकिएल 12:13

जिं वयागु निंतिं थःगु जाः ह्वले अले व जिगु जालय् लाइ। जिं वयात कल्‍दीतय्‌गु देश बेबिलोनियाय् हये, तर वं व खनी मखु, व अन हे सी।

इजकिएल 17:20

जिं वयागु विरोधय् थःगु जाः ह्वले, अले व जिगु जालय् लाइ। जिं वयात बेबिलोनय् हये, वं जितः विश्‍वासघात याःगुलिं जिं वयागु इन्‍साफ याये।

होशे 7:12

इपिं वनीबलय् जिं इमित जिगु जाः ह्वलाबी, जिं इमित आकाशया झंगःत थें क्‍वय् क्‍वफानाबी। जिं इमिगु बथां ब्‍वया मुंवंगु सः ताइबलय्, जिं इमित ज्‍वने।