3 अनंलि वय्कलं जितः धयादिल, “अय् सीमानिम्ह मनू, जिं छन्त बियागु थ्व भ्वंथू न, थुकिं छंगु प्वाः जाय्की!” उकिं जिं व भ्वंथू नया, व जिगु म्हुतुइ कस्ति थें चाकुसे च्वन।
वय्कःया म्हुतुं पिहां वःगु आज्ञायात जिं ‘म्हां’ मधया। जिगु न्हियान्हिथंया नसा स्वयाः वय्कलं धयादीगु खँ जिं नुगलय् मुंकातःयागु दु।
छिगु वचन जितः गुलि साः, जिगु म्हुतुया निंतिं कस्ति स्वयाः नं साः।
छिगु विरोधय् पाप याये म्वालेमा धकाः छिगु बचं जिं थःगु नुगलय् तया तयागु दु।
छिगु स्यनातःगु खँयात जिं गुलि माया याना! न्हिच्छि हे जिगु ध्यान उकी हे वनाच्वनी।
थुपिं लुँ स्वयाः अप्वः यइपुसे च्वं भिंगु लुँ स्वयाः अप्वः, अले कस्ति स्वयाः अप्वः चाकुसे च्वं, हाप्वलं पिहां वःगु कस्ति स्वयाः अप्वः चाकुसे च्वं।
हे परमप्रभु! थुकिं जि छिकपिनि दासयात ज्ञां बी। थुकियात मानय् यानाः जितः तःधंगु सिरपाः दत।
छिगु वचन वःबलय् जिं उपिं वचन नया। छिगु वचनं यानाः जितः न्ह्यइपुल, अले जिगु नुगलय् लसतां भय्बिल। हे दक्व शक्ति दुम्ह परमप्रभु परमेश्वर, मनूतय्सं जितः छिकपिनि मनू धाइगु।
तर “जिं वय्कःया खँ पिकाये मखु, जिं हाकनं गुबलें वय्कःया नामय् नवाये मखु” धकाः जिं धाल धाःसा वय्कःया वचन जिगु नुगलय् च्यानाच्वंगु व जिगु क्वँचय् कुनाच्वंगु मि थें जुइ। उकियात पँपं जितः त्यानुसे च्वनी। धात्थें जिं व सह याये मफु।
तर जि परमप्रभुया तमं जाःगु दु, अले जिं थुकियात पनातये मफु। “थुकियात लँय् दुपिं मस्तय्थाय् व ल्याय्म्हपिं मनूत मुनाच्वंथाय् प्वंकाब्यु! छाय्धाःसा कलाः भाःतपिं सकसितं ज्वनाः यंकीगु जुइ। बाज्यःवंपिं व ज्याथपिं तकं बचय् जुइ मखु।
वय्कलं उकियात जिगु न्ह्यःने फ्यनादिल। उकियागु न्ह्यःने व ल्युने निखेंपाखे शोक, बिलाप व विपत्तिया खँ च्वयातःगु दु।
तर छं धाःसा, अय् सीमानिम्ह मनू, जिं छन्त छु धाये, व खँ बांलाक न्यँ! व विद्रोही घराना थें छ विद्रोही जुइ मते, छंगु म्हुतु चाय्कि, जिं छु बी व न!”
अले वय्कलं जितः धयादिल, “अय् सीमानिम्ह मनू, इस्राएलया घरानायाथाय् हुँ अले इमित जिगु खँ न्यंकि!
अले धर्मशास्त्रय् च्वया तः थें – सुनां जितः विश्वास याइ, वयागु नुगलं अनन्त जीवन दुगु खुसिबाः वयाच्वनी।”
ख्रीष्टयागु वचनं छिमिगु नुगः जायाच्वनेमा। छिमिसं थःथवय् स्यनेकने यानाः दुनुगलंनिसें भजन व म्ये हालाः परमेश्वरयात तःधंकि।