इजकिएल 22:4 - नेवाः बाइबल

⁴ छं बाः वय्‌कूगु हिं यानाः छ दोषी जूगु दु। छं दय्‌कूगु मूर्तिं यानाः छ अशुद्ध जूगु दु। छंगु नाशया दिं वये धुंकल। छंगु ई फुत। जिं छन्‍त संसार न्‍यंकं न्‍हीकीगु खँ यानाबी। फुक्‍क देशं छन्‍त हेस्‍याइ।

इजकिएल 22:4 ပူးပေါင်းရင်းမြစ်များ

१ राजा 9:7

जिं इस्राएलयात बियागु देशं इमित लिनाछ्वये अले जिं जिगु नांया इज्‍जतया निंतिं पवित्र यानागु थ्‍व देगः नं त्‍वःताबी। अले इस्राएलीत खनाः फुक्‍क मनूत न्‍हिली, अले फुक्‍क मनूतय्‌गु दथुइ इमित हेस्‍याइ अले क्‍वह्यंकी।

२ राजा 21:16

मनश्‍शेनं यक्‍व निर्दोष मनूत नं स्‍यात, वं स्‍याःपिं मनूतय्‌गु हिं यरूशलेमया छगू कुन्‍चांनिसें मेगु कुन्‍चातक जाःगु खः। अले वं यहूदायात पाप याकल, इमिसं परमप्रभुया मिखाय् बांमलाःगु ज्‍या यात।

२ इतिहास 7:20

जिं छिमित बियागु देशं छिमित लिनाछ्वये, अले जिगु नांया इज्‍जतया लागिं जिं अर्पण यानागु थ्‍व देगःयात त्‍वःताबी। जाति जातियापिं मनूतय्‌सं थुकियात हेस्‍याइ अले थुकियात क्‍वह्यंका स्‍वइ।

भजनसंग्रहया सफू 79:4

जवंखवं च्‍वंपिं जातितय्‌सं झीत हिस्‍यानाच्‍वन। झीत हेबाय्‌चबाय् यानाः इपिं न्‍हिलाच्‍वन।

यर्मिया 18:16

थुकथं इमिसं थःगु देशयात घच्‍चाइपुगु न्‍ह्याबलेंया निंतिं न्‍हिइकीगु खँ दय्‌कल। अनं जुयाः वये वने याइपिं सकलें वातां जुइ अले थःगु छ्यं संकी।

यर्मिया 24:9

जिं इमित छगू ग्‍यानापुगु विपत्तिं सजाँय बी अले थ्‍व खँ न्‍यनाः पृथ्‍वीयापिं फुक्‍क मनूत थरथर खाइ। जिं इमित गन गन लिनाछ्वये अन मनूत इपिं खनाः न्‍हिली, मनूतय्‌सं इमित सराः बी, इमित हेस्‍याइ अले इमिगु नामय् ख्‍याः याइ।

यर्मिया 44:8

छिपिं च्‍वंवःगु थ्‍व मिश्र देशय् मेपिं द्यःतय्‌त धुपाँय् च्‍याकाः जितः छाय् तं चाय्‌कागु? थथे यानाः छिमिसं थःत हे नाश याइ अले पृथ्‍वीया फुक्‍क जातिया मनूतय्‌सं छिमित हेस्‍याइ अले छिमिगु नां कयाः सराः बी।

इजकिएल 16:57

अथे जूसां एदोमया म्‍ह्याय्‌पिं व वया सकलें जःलाखःलापिं व पलिश्‍तीतय् म्‍ह्याय्‌पिन्‍सं छन्‍त हेस्‍यानाच्‍वंगु दु, छंगु प्‍यखें च्‍वंपिन्‍सं छन्‍त घृणा याइगु।

इजकिएल 21:28

“अय् सीमानिम्‍ह मनू, छं अगमवाणी यानाः धा, ‘अम्‍मोनीत व इमिगु अपमानया बारे परमप्रभु परमेश्‍वरं थथे धयादी, “‘छपु तरवार, छपु तरवार, दापं स्‍याये पालेत लिकाःगु दु। हाबलासा थें प्‍वालाक्‍क च्‍यायेत व थीकातःगु दु।

इजकिएल 22:2

“अय् सीमानिम्‍ह मनू, छु छं वयागु न्‍याय याये, मखु ला? छु छं थ्‍व ज्‍यानमारा शहरया न्‍याय याये, मखु ला? छं वयागु फुक्‍क घच्‍चाइपुगु ज्‍या वयात कनाब्‍यु।

इजकिएल 23:32

“परमप्रभु परमेश्‍वरं थथे धयादी – “छं तग्‍वःगु व तःजाःगु छिमि ततायागु ख्‍वलां त्‍वनी, सकसिनं छन्‍त हेस्‍याइ अले हेला याइ, छाय्‌धाःसा उगु ख्‍वलाय् यक्‍व न्‍ह्यं।

इजकिएल 23:7

वं इपिंलिसें हे व्‍यभिचार यात, इपिं सकलें अश्‍शूरयापिं ततःधंपिं मनूत खः। वं सुयात यय्‌कल, इमिगु हे मूर्तिं व अशुद्ध जुल।

इजकिएल 24:7

“‘छाय्‌धाःसा वं बाः वय्‌कूगु हि आः तक नं वयागु हे दथुइ दु। वं व हि बँय् तयाः धुलं त्‍वःमपू, तर नांगागु ल्‍वहंधिकय् तल।

इजकिएल 24:8

अथे जुयाः जिगु तंयात ग्‍वाकाः बदला कायेत वयागु हि त्‍वःमपुइमा धकाः जिं व नांगागु ल्‍वहंधिकय् तयागु दु।

इजकिएल 36:15

छं हाकनं गुबलें जाति जातितय्‌गु हेला न्‍यनेमाली मखु, न छं गुबलें मनूतय्‌गु हेला फयेमाली, अथवा न छंगु कारणं छिमि मनूत गुबलें लुफिं हाइ। परमप्रभु परमेश्‍वरं धयादी।’”

दानिएल 9:16

हे परमप्रभु, छिगु फुक्‍क भिं ज्‍याकथं छिगु शहर व पवित्र पर्वत यरूशलेमं थःगु तं चीकादिसँ। जिमिगु पाप व जिमि पुर्खातय्‌गु मभिंगु ज्‍याया कारणं प्‍यखेरं लाःगु देश देशयापिं मनूतय्‌सं, यरूशलेम व छि मनूतय्‌त हेस्‍यानाच्‍वंगु दु।

लेवी 26:32

जिं देशयात नाश यानाबी। थ्‍व फुक्‍क खनाः अन च्‍वंवंपिं छिमि शत्रुत अजू चाइ।

गन्‍ती 32:14

“हे पापीतय् सन्‍तान! आः हाकनं छिपिं परमप्रभुयात इस्राएलीतलिसे अझ यक्‍व तं चाय्‌केत छिमि बौपिनि थासय् दंवयाच्‍वंगु दु।

व्‍यवस्‍था 28:37

परमप्रभुं छिमित गन गन लिना छ्वयादी अनयापिं मनूत छिमिगु हालत खनाः अजू चाइ। छिमित खनाः इपिं न्‍हिली अले हेस्‍याइ।

व्‍यवस्‍था 29:24

फुक्‍क जातितय्‌सं धाइ, “परमप्रभुं थ्‍व देशयात थथे छाय् यानादीगु? थ्‍व मि थें जाःगु तं छाय्?”

१ थेसलोनिकी 2:16

इमिसं जिमित यहूदीमखुपिन्‍त मुक्तियागु खँ न्‍यंके हे मब्‍यू। इमिसं थुकथं पाप मुंकाच्‍वन। उकिं इमिसं लिपा तकं परमेश्‍वरयागु तं फया च्‍वनेमाली।