इजकिएल 22:3 - नेवाः बाइबल

³ अले वयात थथे धा, परमप्रभु परमेश्‍वरं थथे धयादी, ‘हे शहर, थःत अशुद्ध यायेत मूर्तित दय्‌कूम्‍ह, थःगु हे अन्‍तया ई हयेत, थःगु हे दथुइ हि बाः वय्‌कूम्‍ह शहर!

इजकिएल 22:3 ပူးပေါင်းရင်းမြစ်များ

२ राजा 24:3

परमप्रभुया उजंकथं हे यहूदाय् थ्‍व विपत्ति वःगु खः। मनश्‍शें यक्‍वः पाप याःगुलिं वय्‌कलं थःगु न्‍ह्यःनं यहूदायात नाश यानाछ्वयेगु क्‍वछिनादीगु खः।

२ राजा 24:4

मनश्‍शें निर्दोष मनूतय्‌गु हिं यरूशलेमयात जाय्‌काब्‍यूगु खः। अले परमप्रभुं क्षमा बी मास्‍ति वयेकामदी।

भजनसंग्रहया सफू 106:39

थुकथं इपिं थःगु हे ज्‍यां यानाः अशुद्ध जुल। थःगु हे ज्‍यापाखें परमेश्‍वर प्रति विश्‍वास याये बहःमजूपिं जुल।

यशैया 1:21

स्‍वःसा, विश्‍वास याये बहःजूगु शहर आः गथे छम्‍ह वेश्‍या थें जुल! न्‍याय व धार्मिकतां जाःगु शहर तर आः स्‍याइपालिपिन्‍सं जाःगु दु!

इजकिएल 12:25

तर जिं धायेमाःगु खँ जि परमप्रभु थःम्‍हं हे धाये, अले गुगु वचन जिं धाये व पूरा नं याये। व लिबाइ मखु, छाय्‌धाःसा अय् विद्रोही घराना, छिमिगु दिनय् हे जिं धयागु खँ जिं पूरा याये, परमप्रभु परमेश्‍वरं धयादी।’”

इजकिएल 22:2

“अय् सीमानिम्‍ह मनू, छु छं वयागु न्‍याय याये, मखु ला? छु छं थ्‍व ज्‍यानमारा शहरया न्‍याय याये, मखु ला? छं वयागु फुक्‍क घच्‍चाइपुगु ज्‍या वयात कनाब्‍यु।

इजकिएल 22:27

उकिया दुने दुपिं हाकिमत थः शिकारतय्‌त कुचा कुचा याइपिं गुँखिचात थें च्‍वं। इमिसं बेइमान यानाः फाइदा कायेत हि बाः वय्‌काः मनूत स्‍याइगु।

इजकिएल 22:4

छं बाः वय्‌कूगु हिं यानाः छ दोषी जूगु दु। छं दय्‌कूगु मूर्तिं यानाः छ अशुद्ध जूगु दु। छंगु नाशया दिं वये धुंकल। छंगु ई फुत। जिं छन्‍त संसार न्‍यंकं न्‍हीकीगु खँ यानाबी। फुक्‍क देशं छन्‍त हेस्‍याइ।

इजकिएल 22:6

“‘स्‍व! छंगु पःखाः दुने दुपिं सकलें शासकतय्‌सं गय् यानाः थःगु बल मनू स्‍यायेगुलिइ छ्यलाच्‍वंगु।

इजकिएल 23:37

छाय्‌धाःसा इमिसं व्‍यभिचार याःगु दु, इमिगु ल्‍हातय् हि दु। इमिसं थःगु मूर्तितनापं व्‍यभिचार यात, जिगु लागि बुइकूपिं इमि काय् म्‍ह्याय्‌पिन्‍त इमिसं उपिं मूर्तितय्‌गु न्‍ह्यःने मिइ बलि छाल।

इजकिएल 23:45

तर धर्मी मनूतय्‌सं धाःसा इमित व्‍यभिचारिणी व मनू स्‍याइपिं मिस्‍त धकाः न्‍यायया सजाँय बी, छाय्‌धाःसा इपिं व्‍यभिचारिणी मिस्‍त खः। इमिगु ल्‍हातय् मनू स्‍याःगुया हि लाःगु दु।

इजकिएल 23:7

वं इपिंलिसें हे व्‍यभिचार यात, इपिं सकलें अश्‍शूरयापिं ततःधंपिं मनूत खः। वं सुयात यय्‌कल, इमिगु हे मूर्तिं व अशुद्ध जुल।

इजकिएल 33:25

अथे जुयाः इमित धा, ‘परमप्रभु परमेश्‍वरं थथे धयादी – छिमिसं लानापं हि नइगु, छिमिसं मूर्तित पुजा याइगु, छिमिसं मनूत स्‍याइगु, धात्‍थें हे छिमिसं थ्‍व देश छिमिगु खः धकाः मतिइ तयागु ला?

इजकिएल 9:9

वय्‌कलं जितः धयादिल, “इस्राएल व यहूदाया घरानाया पाप तसकं तःधं। देश मनू स्‍यायेगु ज्‍यां जाःगु दु अले शहर अन्‍यायनं जाःगु दु। इमिसं धाइगु, ‘परमप्रभुं देशयात त्‍वःतादीगु दु, परमप्रभुं मखं।’

मीका 3:10

छिमिसं हि बाः वय्‌काः सियोनयात अले मभिंगु ज्‍या यानाः यरूशलेमयात दय्‌कीगु।

सपन्‍याह 3:3

वया नायःतय्‌त गर्जे जुइपिं सिंहत खः। वया न्‍यायकर्तात गुँखिचात खः गुपिन्‍सं कन्‍हय् सुथय् तक छुं ल्‍यं तइ मखु।

रोमी 2:5

छिमिसं थःगु छाःगु नुगः व पश्‍चात्ताप मयाःगु नुगलं यानाः परमेश्‍वरया धार्मिक न्‍याय खने दइगु उगु तंया दिंया निंतिं थःगु निंतिं तं मुंका च्‍वंगु दु।

२ पत्रुस 2:3

अज्‍याःपिं मनूतय्‌सं लोभलालचय् लानाः छिमिके हेय्‌का कायेत मखुगु खँ दय्‌काः स्‍यनी। न्‍हापांनिसें हे अज्‍याःपिं मनूत दोषी खः धकाः परमेश्‍वरं धयादीगु दु। अय्‌जूगुलिं अज्‍याःपिं मनूत याकनं हे हासनास जुयावनी।