इजकिएल 2:2 - नेवाः बाइबल

² वय्‌कलं जितः थथे धायेवं वय्‌कःया आत्‍मा जिथाय् वयाः जितः थनादिल। वय्‌कलं जिलिसें खँ ल्‍हानादीगु जिं ताया।

इजकिएल 2:2 ပူးပေါင်းရင်းမြစ်များ

नहेम्‍याह 9:30

दँय्‌दसं छिं इमित थाकु मचासें ख्‍याच्‍वः बियादिल, छिं थः अगमवक्तातय्‌त न्‍ववाइगु आत्‍मा बियादिल, अय्‌नं छिकपिनि प्रजातय्‌सं छिगु खँ मन्‍यन। उकिं इमित मेगु जातियापिं मनूतय्‌गु ल्‍हातय् लाकादिल।

इजकिएल 11:5

अले परमप्रभुया आत्‍मा जिके वल, वय्‌कलं जितः थथे धा धकाः धयादिल! “परमप्रभुं थथे धयादी – अय् इस्राएलया घराना, छिमिसं थथे हे धयाच्‍वंगु दु, तर छिमिगु मनय् छु दु व जिं स्‍यू।

इजकिएल 24:3

थ्‍व विद्रोही घरानायात थ्‍व उखान धा, ‘परमप्रभु परमेश्‍वरं थथे धयादी – “‘मिया च्‍वय् थल ति, उकी लः नं ति,

इजकिएल 3:12

अले आत्‍मां जितः च्‍वय् थकयादिल। जिं थःगु ल्‍युने छगू घुनुनुनु मिंगु सः ताल, “स्‍वर्गय् परमप्रभु परमेश्‍वरया महिमा प्रशंसा जुइमा!”

इजकिएल 3:14

अले आत्‍मां जितः ल्‍ह्वनाः यंकादिल। म्‍हाइपुसे च्‍वंकाः तंमय्‌ जि वना। परमप्रभुया शक्ति जिके दुगु जुल।

इजकिएल 3:24

उबलय् परमप्रभुया आत्‍मा जिके दुबित अले जितः तुतिं थनादिल। वय्‌कलं जिलिसें खँ ल्‍हानादिल, जितः थथे धयादिल, “हुँ, थःगु छेँय् खापा तिनाः च्‍वँ।

इजकिएल 36:27

अले जिगु आज्ञा पालन याकेत व जिगु नियमत बांलाक मानय् याकेत, जिं जिगु आत्‍मा छिमिके तयाबी

दानिएल 8:18

व जिलिसें न्‍ववाना च्‍वंबलय् जितः स्‍याक्‍क न्‍ह्यः वयाः जिगु ख्‍वाः बँय् भ्‍वसुल। अले वं जितः थियाः हाकनं थन।

प्रकाश 11:11

स्‍वन्‍हु व बान्‍हु दये धुंकाः परमेश्‍वरं छ्वयाहयादीगु हंस इमिके दुहां वन। अले इपिं तुतिं चुयाः जुरुक्‍क दन। इमित खंपिं फुक्‍कं तसकं ग्‍यात।

न्‍यायकर्ता 13:25

अले परमप्रभुया आत्‍मां वयात सोरा व एश्‍तोलया दथुइच्‍वंगु महनेह-दान धाइगु थासय् ब्‍वलंकल।

१ शमूएल 16:13

शमूएलं नेकुलिं चिकं कयाः वया दाजुपिनिगु न्‍ह्यःने हे वयात अभिषेक यात। उखुन्‍हुनिसें परमप्रभुया आत्‍मा दाऊदयाके वल। अनंलि शमूएल दनाः रामाया लँपु जुयाः वन।