इजकिएल 17:9 - नेवाः बाइबल

⁹ “इमित धा, ‘परमप्रभु परमेश्‍वरं थथे धयादी – व तःमा जुयामवइ ला? उकियात हांनिसें लिना मकाइ ला? अले उकियागु फल मखाइ ला, अले व सुकूमगनी ला? उकियागु फुक्‍क चुलि सुकूगनावनी। उकियात हांनिसें लिनाकायेत तसकं बल्‍लाःगु ल्‍हाः अथवा यक्‍व मनूत माली मखु।

इजकिएल 17:9 ပူးပေါင်းရင်းမြစ်များ

२ इतिहास 13:12

परमेश्‍वर हे जिमि नायः खः। वय्‌कः जिपिंनापं दी। वय्‌कःया पुजाहारीत तुरही पुयाः छिमिगु विरोधय् लडाइँ घोषणा यायेत तयार दु। अय् इस्राएलीत, परमप्रभु थः पुर्खातय् परमेश्‍वरलिसें ल्‍वाये मते। छाय्‌धाःसा छिपिं ताःलाइ मखु।”

२ इतिहास 20:20

कन्‍हय् खुन्‍हु सुथ न्‍हापां दनाः यहूदाया सिपाइँत तकोया मरुभूमिइ वन। इपिं पिहां वनाच्‍वंबलय् यहोशापातं दनाः इमित थथे धाल, “अय् यहूदा व यरूशलेमयापिं मनूत न्‍यँ! छिमिसं परमप्रभु परमेश्‍वरयात विश्‍वास या, अले छिपिं बल्‍लाक दनाच्‍वने फइ। छिमिसं वय्‌कःया अगमवक्तातय्‌त विश्‍वास या, अले छिमिगु भिं जुइ।”

यर्मिया 32:5

वं सिदकियाहयात बेबिलोनय् यंकी, जिं वयागु न्‍याय मयाःतले व अन हे च्‍वनी।’ परमप्रभुं धयादी, ‘छिपिं बेबिलोनीतनापं ल्‍वाःसां छिपिं ताःलाइ मखु।’”

यर्मिया 37:10

छिपिंलिसें ल्‍वाइपिं बेबिलोनीतय्‌गु फुक्‍क सेनायात छिमिसं त्‍याकल धाःसां अले इमि घाःपाः जूपिं जक पालय् ल्‍यनाच्‍वन धाःसां इपिं घाःपाः जूपिं वयाः थ्‍व शहरयात मिं नकाबी।”

इजकिएल 17:10

उकियात मेथाय् तःसां छु व तःमा जुइ ला? पुर्बयागु फसं कय्‌के धुंकाः व फुक्‍क सुकूगनामवनी ला, व बुयावःगु थासय् हे सुकूगनामवनी ला?’”

इजकिएल 17:8

उकी कचात सया वयेमा, अले फल सय्‌काः व छगू बांलाःगु दाखमा जुइमा धकाः उकियात यक्‍व लः दुगु छगू नायुगु जमिनय् पिनाब्‍यूगु खः।’

आमोस 2:9

“जिं थःम्‍हं हे इमिगु न्‍ह्यःने एमोरीतय्‌त भज्‍यंक नाश यानाबिया, इपिं खयः सिमा ति तःजाः अले स्‍वसिमा थें बल्‍लाः जूसां नं, जिं इमिगु च्‍वय्‌च्‍वंगु फल व इमिगु क्‍वय् च्‍वंगु हा नाश यानाबिया।

गन्‍ती 14:41

तर मोशां धाल, “छिमिसं छाय् परमप्रभुया उजंयात मानय् मयानागु? छिमिसं यायेत्‍यंगु ज्‍या ताःलाइ मखु।