प्रस्‍थान 7:5 - नेवाः बाइबल

⁵ जिं मिश्र देशय् ल्‍हाः तयाः इस्राएलीतय्‌त अनं पित हयेबलय् मिश्रीतय्‌सं जि परमप्रभु खः धकाः सीका काइ।”

प्रस्‍थान 7:5 ပူးပေါင်းရင်းမြစ်များ

भजनसंग्रहया सफू 138:7

जितः समस्‍यां घेरय् याःसां छिं जिगु जीवन रक्षा यानादी। छिं जिमि तम्‍वःपिं शत्रुतय्‌गु विरोध यानादी, अले थःगु जव ल्‍हातं जितः बचय् यानादी।

भजनसंग्रहया सफू 9:16

परमप्रभुयात वय्‌कःया न्‍यायया हुनिं म्‍हसीकी। दुष्‍टत धाःसा थःगु हे जालय् तक्‍यनाच्‍वनी। हिग्‍गायेन सेला

प्रस्‍थान 10:2

अले जिं गथे यानाः मिश्रीतय्‌त हेस्‍यानाः इमिगु दथुइ गज्‍याः गज्‍याःगु अजू चायापुगु चिं क्‍यना, छं थः काय्‌पिन्‍त व छय्‌पिन्‍त कँ। अले छिमिसं जि हे परमप्रभु खः धकाः सी।”

प्रस्‍थान 10:7

फारोया भारदारतय्‌सं वयात धाल, “गुबलय् तक थ्‍व मनुखं झीत दुःख बियाच्‍वनीगु खः? वया मनूतय्‌त इमि परमप्रभु परमेश्‍वरया आराधना यायेत वनेबियादिसँ। छिं आः तक नं मिश्र देश गुलि स्‍यने धुंकल धयागु मस्‍यूनि ला?”

प्रस्‍थान 14:18

जिं इमित त्‍याकेधुंकाः मिश्रीतय्‌सं जि हे परमप्रभु खः धकाः सीकी।”

प्रस्‍थान 14:4

जिं मिश्रया जुजु फारोया नुगः छाय्‌काबी, वं छिमित ल्‍यू वइ। जिं फारो व वया सेनायात त्‍याके, अले जिगु महिमा जुइ। मिश्रीतय्‌सं जि हे परमप्रभु खः धकाः सीकी।” इस्राएलीतय्‌सं अथे हे यात।

प्रस्‍थान 18:8

मोशां थः ससःबौयात परमप्रभुं इस्राएलीतय्‌गु निंतिं फारो व मिश्रीतय्‌त यानादीगु फुक्‍क खँ, लँय् थःपिन्‍त जूगु दुःख व परमप्रभुं गथे यानाः इमित बचय् यानादीगु खः व फुक्‍क खँ कन।

प्रस्‍थान 3:20

अथे जुयाः जिं मिश्र देशपाखे थःगु ल्‍हाः ल्‍ह्वनाः इमित जिगु अजू चायापुगु ज्‍यां कय्‌के। अले तिनि वं छिमित वनेबी।

प्रस्‍थान 6:1

परमप्रभुं मोशायात धयादिल, “फारोयात जिं छु याइ आः छं स्‍वये दइ। वं जिगु बल्‍लाःगु ल्‍हातं यानाः इमित वनेबी। वं जिगु शक्तिं यानाः हे इमित थःगु देशं पितिनाछ्वइ।”

प्रस्‍थान 6:6

“उकिं इस्राएलीतय्‌त धा, ‘जि परमप्रभु खः। जिं छिमित मिश्रीतय्‌गु दासत्‍वं पित हये। जिं थःगु ल्‍हाः ल्‍ह्वनाः इमित तःधंगु सजाँय बियाः छिमित बचय् याये।

प्रस्‍थान 7:17

परमप्रभुं थथे धयादी, जि परमप्रभु खः धकाः छं सी। स्‍व, जिं नील खुसिया लखय् थःगु कथिं दाये, अले व हि जुइ।

प्रस्‍थान 8:10

फारोनं धाल, “कन्‍हय्।” मोशां लिसः बिल, “छिं धयादी थें जुइमा। अले छिं परमप्रभु जिमि परमेश्‍वर थें जाःम्‍ह मेपिं सुं मदु धकाः सीकादी।

प्रस्‍थान 8:19

अले जादु क्‍यनिपिन्‍सं फारोयात धाल, “थुकी ला परमेश्‍वरयागु हे ल्‍हाः दु।” अय्‌नं परमप्रभुं धयादी थें हे फारोया नुगः छानाच्‍वन। वं इमिगु खँ मन्‍यन।

प्रस्‍थान 8:22

“‘जिं जिमि मनूत च्‍वनीगु गोशेन लागायात धाःसा अलग्‍ग तये, अन भुजिं दइ मखु। अले जि परमप्रभु थ्‍व देशय् दु धकाः छं सी।

इजकिएल 25:17

जिं इमित तसकं ग्‍यानापुक बदला काये। थःगु तम्‍वय् इमित सजाँय बी अले जिं इमिके बदला काये धुंकाः इमिसं जि हे परमप्रभु खः धकाः सी।’”

इजकिएल 28:22

अले थथे धा, ‘परमप्रभु परमेश्‍वरं थथे धयादी, “‘हे सीदोन, जि छंगु विरोधय् दु, छंगु दुने हे जिं महिमा काये। जिं वयात सजाँय बीबलय् छं जि हे परमप्रभु परमेश्‍वर खः धकाः सी। अले जिं थःगु पवित्रता वयागु दुने हे क्‍यने।

इजकिएल 32:15

जिं मिश्र देशयात उजाड यायेबलय्, उगु देशय् दुगु फुक्‍क नाश जुइबलय्, जिं अन च्‍वंपिं सकसितं स्‍यायेबलय्, इमिसं जि हे परमप्रभु खः धकाः सी।’

इजकिएल 36:23

जिं जिगु नां गुलि पवित्र खः धकाः क्‍यने। छिमिसं मेगु जातितय्‌गु दथुइ बदनाम याःगु जिगु नां। जिं थःत छिपिंपाखें इमिगु न्‍ह्यःने पवित्र क्‍यनेबलय् जाति जातितय्‌सं जि हे परमप्रभु खः धकाः सी, परमप्रभु परमेश्‍वरं धयादी।

इजकिएल 39:22

उखुन्‍हुंनिसें इस्राएलया घरानां जि हे परमप्रभु इमि परमेश्‍वर खः धकाः सी।

इजकिएल 39:7

“‘जिं थःगु पवित्र नां जिगु प्रजा इस्राएलया दथुइ क्‍यने। जिं थःगु पवित्र नांयात अपमान याकेबी मखु। अले जात जातिं जि परमप्रभु हे इस्राएलया पवित्र परमेश्‍वर खः धकाः सी।