प्रस्‍थान 5:4 - नेवाः बाइबल

⁴ फारोनं मोशा व हारूनयात धाल, “अय् मोशा व हारून, छिमिसं छाय् मनूतय्‌त ज्‍या याकेत पनाच्‍वनागु? छिपिं थथःगु ज्‍याय् लिहां हुँ।”

प्रस्‍थान 5:4 ပူးပေါင်းရင်းမြစ်များ

प्रस्‍थान 1:11

अथे जुयाः मिश्रीतय्‌सं इमित थाकुगु ज्‍या बियाः सास्‍ती यायेत इमिथाय् ज्‍यामि नायःत छ्वल। इमिसं फारोया निंतिं धुकू दय्‌केत पिताम व रामसेस धाःगु निगू शहर दय्‌कल।

प्रस्‍थान 2:11

मोशा ल्‍याय्‌म्‍ह जुइ धुंकाः पिने थः इस्राएली दाजुकिजापिन्‍थाय् वन, अन वं इमिसं थाकुगु ज्‍या यानाच्‍वंगु खन। अले छम्‍ह मिश्रीं छम्‍ह हिब्रूयात तसकं दायाच्‍वंगु खन।

प्रस्‍थान 6:5

अज्‍ज ला, जिं मिश्रीतय्‌सं दास यानातःपिं इस्राएलीत ख्‍वःगु सः न्‍यनागु दु, अले जिं थःगु बाचा लुमंकागु दु।

यर्मिया 38:4

अले हाकिमतय्‌सं जुजुयात धाल, “थ्‍व मनूयात स्‍याये हे माः, छाय्‌धाःसा थ्‍वं थज्‍याःगु खँ ल्‍हानाः थ्‍व शहरय् ल्‍यनाच्‍वंपिं सिपाइँतय्‌त व मनूतय्‌त निराश याःगु दु। थ्‍वयात थुपिं मनूतय्‌त भिंकेगु मखु कि स्‍यंके मास्‍ति वः।”

आमोस 7:10

अले बेथेलया पुजाहारी अमस्‍याहं इस्राएलया जुजु यारोबामयाथाय् थथे धाय्‌के छ्वल, “इस्राएलया मनूतय्‌गु दथुइ आमोसं छिगु विरोधय् जाः ग्‍वयाच्‍वंगु दु। थ्‍व देशं वयागु दक्‍व खँ सह याये फइ मखु,

लूका 23:2

अले इमिसं वय्‌कःयात थथे धकाः पाः यात – “थ्‍व मनुखं जिमिगु जातियापिं मनूतय्‌त मखुगु खँ स्‍यना जूगु, कैसरयात कर पुले मते धकाः धयाजूगु व थःत ख्रीष्‍ट जुजु खः धकाः धयाजूगु जिमिसं न्‍यनागु खः।”

प्रेरित 24:5

थ्‍व मनू तसकं ग्‍यानापुम्‍ह, संसारय् च्‍वंपिं फुक्‍क यहूदीतय्‌त ल्‍वाका जूम्‍ह खः। अले थ्‍व नासरी पुचःयाम्‍ह नायः नं खः।