प्रस्‍थान 5:2 - नेवाः बाइबल

² फारोनं धाल, “परमप्रभु सु खः? जिं छाय् वयागु खँ न्‍यनाः इस्राएलीतय्‌त वने बीगु? जिं परमप्रभुयात म्‍हमस्‍यू अले इस्राएलीतय्‌त नं वनेबी मखु।”

प्रस्‍थान 5:2 ပူးပေါင်းရင်းမြစ်များ

२ राजा 18:35

छु! थुपिं देशयापिं द्यःत मध्‍ये सुनानं थःगु देशयात जिगु ल्‍हातं बचय् याये फुगु दु ला? परमप्रभुं यरूशलेमयात गथे यानाः बचय् याये फइ?”

२ इतिहास 32:14

जिमि पुर्खातय्‌सं नाश याःगु जातितय् द्यःत मध्‍ये सुनां जिगु ल्‍हातं थः मनूतय्‌त बचय् याये फत? अथे जुयाः गथे यानाः छिमि ईश्‍वरं छिमित बचय् याये फइ?

२ इतिहास 32:15

आः छिमिसं थुकथं हिजकियायात ध्‍वंलाके बी मते अले झंग लाके बी मते। छिमिसं वयात विश्‍वास याये मते, छाय्‌धाःसा सुं नं द्यवं थः मनूतय्‌त जिगु वा जिमि पुर्खातय्‌गु ल्‍हातं बचय् याये मफुनि धाःसा छिमि ईश्‍वरं छिमित जिगु ल्‍हातं गुलि बचय् याये फइ?”

२ इतिहास 32:19

इमिसं मनूतय्‌गु ल्‍हातं दय्‌कूगु मेमेगु जातितय् द्यःतय्‌गु बारे धाइगु थें हे यरूशलेमया परमेश्‍वरया बारे नं धाल।

नहेम्‍याह 9:10

मिश्रीतय्‌सं तःधंछु जुयाः जिमि पुर्खातय्‌त क्‍वत्‍यला तःगुलिं छिं फारो, वया भारदार व वया देशयापिं सकल मनूतय्‌त सजाँय बीत अजू चाइपुगु चिं व ज्‍या यानाः थःगु निंतिं थौं तक दनिगु छगू तःधंगु नां तयादिल।

अय्‍यूब 15:25

छाय्‌धाःसा इमिसं परमेश्‍वरया विरोधय् इमिगु ल्‍हाः ल्‍ह्वंगु दु, अले दक्‍व शक्ति दुम्‍ह परमेश्‍वरयागु विरोधय् इमिसं फुइँ याःगु दु।

अय्‍यूब 15:26

इमिसं इमिगु झ्‍यातुगु ढाल ज्‍वनाः परमेश्‍वरया विरोधय् तप्‍यंक हमला याः वनी।

अय्‍यूब 21:15

दक्‍व शक्ति दुम्‍ह परमेश्‍वर सु खः धकाः जिमिसं वय्‌कःयात आराधना यायेत? वय्‌कःयात प्रार्थना यानाः जिमित छु दइ?’

भजनसंग्रहया सफू 10:4

दुष्‍टतय्‌सं तःधंछु जुयाः परमप्रभुयात माली मखु। इमिगु बिचालय् परमेश्‍वर धयाम्‍ह द हे मदु।

भजनसंग्रहया सफू 12:4

इमिसं धयाजुइ, “जिमिसं थःगु खं थःत माःगु पूवंके। जिमि थः मंदु थें धयाजुये। जिमित सुनानं पने फइ मखु।”

भजनसंग्रहया सफू 12:5

परमप्रभुं धयादी, “आः जि वये। छाय्‌धाःसा चीमिपिन्‍सं क्‍वत्‍यय्‌काः च्‍वनेमाःगु दु, दुःखय् लानाच्‍वंपिन्‍सं झसुकाः तयाच्‍वंगु दु। जिं इपिं फुक्‍कसित इमित दुःख बियाच्‍वंपिनिपाखें बचय् याये।”

भजनसंग्रहया सफू 14:1

मूर्खतय्‌सं नुगलय् “परमेश्‍वर द हे मदु” धकाः धाइ। इमिगु मति मभिंगु दु। इमिसं घच्‍चाइपुगु ज्‍या जक यानाच्‍वंगु दु। भिंगु ज्‍या याइपिं सुं हे मदु।

प्रस्‍थान 3:19

मिश्रयाम्‍ह जुजुं गुबलय् तक करं काइ मखु उबले तक छिमित वनेबी मखु धकाः जिं स्‍यू।

प्रस्‍थान 7:17

परमप्रभुं थथे धयादी, जि परमप्रभु खः धकाः छं सी। स्‍व, जिं नील खुसिया लखय् थःगु कथिं दाये, अले व हि जुइ।

हितोपदेश 30:9

यक्‍व दत कि जिं छितः हे ल्‍वःमंकाः धायेफु, “परमप्रभु धयाम्‍ह सु खः?” अले यक्‍व चीमि जुल कि नं खुयाः नयाः जिं परमेश्‍वरया पवित्रगु नांयात क्‍वह्यंके फु।

यर्मिया 42:13

“अय्‌नं छिमिसं परमप्रभु छिमि परमेश्‍वरया आज्ञा पालन मयासें ‘जिपिं थ्‍व देशय् च्‍वने मखु,

यर्मिया 48:26

“मोआबयात कय्‌कि, छाय्‌धाःसा वं परमप्रभुया विरोध याःगु दु। मोआब थःम्‍हं ल्‍ह्वःगुलिइ हे ग्‍वारा ग्‍वारा तुलेमा। मनूतय्‌सं वयात हेस्‍याय्‌मा।

दानिएल 3:15

आः छक्‍वः नं छिमिसं तुरही, बाँसुरी, सितार, सारंगी, वीणा, सनई व मेमेगु बाजायागु सः तायेवं जिं दय्‌कागु मूर्तियात भ्‍वसुलाः भागि मयात धाःसा छिमित उघ्रिमय् हे ह्वाना ह्वाना च्‍यानाच्‍वंगु मियागु भट्टीइ वांछ्वयाबी। छु, छिमित बचय् याये फुम्‍ह सुं द्यः दु धकाः च्‍वनागु ला?”

यूहन्‍ना 16:3

बाःयात व जितः म्‍हमस्‍यूगुलिं हे इमिसं थथे याइ।

रोमी 1:28

थज्‍याःपिन्‍सं परमेश्‍वरयात क्‍वह्यंकूगुलिं वय्‌कलं नं इमित दकलय् क्‍वह्यंगु मन व मभिंगु बांमलाःगु बिचालय् हे त्‍वःतादिल।

२ थेसलोनिकी 1:8

वय्‌कलं च्‍यानाच्‍वंगु मित्‍याः ज्‍वना झायाः परमेश्‍वरयात म्‍हमस्‍यूपिन्‍त व झी प्रभु येशू ख्रीष्‍टयागु भिंगु खँ मन्‍यंपिन्‍त सजाँय बियादी।

न्‍यायकर्ता 2:10

यहोशूया पुस्‍तायापिं सकल मनूत सिनावन। लिपा परमप्रभुयात म्‍हमस्‍यूपिं वा वय्‌कलं इस्राएलया निंतिं यानादीगु ज्‍याया बारे मस्‍यूपिं मेगु पुस्‍ता वल।

१ शमूएल 2:12

एलीया काय्‌पिं लुच्‍चात खः, इमिसं परमप्रभुयात वास्‍ता मयाः।

१ शमूएल 25:10

नाबालं दाऊदया मनूतय्‌त थथे लिसः बिल, “दाऊद सु खः? थ्‍व यिशैया काय् धाःम्‍ह सु खः? थौंकन्‍हय् अप्‍वः यानाः दासत थः मालिकपाखें बिस्‍युं वनाच्‍वंगु दु।